రంగురాళ్లు తవ్వితే కేసులు

రంగురాళ్లు తవ్వితే కేసులు

చింతపల్లి: అటవీశాఖ పరిధిలో రంగురాళ్ల తవ్వకాలు జరిపినా, ప్రోత్సహించినా కేసులు తప్పవని పెదవలస అటవీశాఖ రేంజ్‌ అఽధికారి శివరంజిని హెచ్చరించారు. జీకేవీధి మండలం దామనాపల్లి పంచాయతీ పరిధిలోని దొడ్డికొండ సమీపంలో రంగురాళ్ల తవ్వకాలు జరుగుతున్నట్టు అందిన సమాచారంపై అటవీశాఖ అధికారులు అప్రమత్తమయ్యారు. ఈ మేరకు రేంజర్‌ సిబ్బందితో కలిసి గ్రామాన్ని సందర్శించారు. ఈ సందర్భంగా ఆమె మాట్లాడుతూ తమ రేంజ్‌ పరిధిలో సిగనాపల్లి, దొడ్డికొండ ప్రాంతాల్లో రంగురాళ్ల తవ్వకాలను కొంతమంది వ్యాపారులు ప్రోత్సహిస్తున్నట్లు సమాచారం అందిందన్నారు. ఈ నేపథ్యంలో రంగరాళ్ల తవ్వకాలు చేపడితే తీసుకునే చట్టపరమైన చర్యలపై సదస్సులో గిరిజనులకు అవగాహన కల్పించామన్నారు. అటవీ ప్రాంతాల్లో కొత్త వ్యక్తులు సంచరించినా తమకు సమాచారం అందించాలన్నారు. ఇప్పటికే ఈ ప్రాంతాల్లో రంగురాళ్ల తవ్వకాలను ప్రోత్సహించే వ్యాపారుల జాబితాను సిద్ధం చేశామన్నారు. ఈ ప్రాంతంలో వారి కదలికలను తమ సిబ్బంది ద్వారా గుర్తిస్తున్నామని తెలిపారు. తవ్వకాలు జరిగే అవకాశాలున్న ప్రదేశాల్లో 24 గంటలు తమ సిబ్బందిగస్తీ నిర్వాహణకు చర్యలు తీసుకుంటున్నామని రేంజ్‌ అధికారి వెల్లడించారు.

పెదవలస అటవీశాఖ రేంజ్‌ అఽధికారి

శివరంజిని హెచ్చరిక