సామాజిక విప్లవ యోధుడు జ్యోతిరావు పూలే

సామాజిక విప్లవ యోధుడు జ్యోతిరావు పూలే

సాక్షి,పాడేరు: సామాజిక విప్లవ యోధుడిగా చరిత్రలో నిలిచిన మహాత్మ జ్యోతిరావు పూలే జీవితం ఆదర్శనీయమని పాడేరు ఎమ్మెల్యే మత్స్యరాస విశ్వేశ్వరరాజు అన్నారు. ఆయన వర్ధంతిని గురువారం పాడేరులోని తన క్యాంపు కార్యాలయంలో ఆయన నిర్వహించారు. దీనిలో భాగంగా ఆయన చిత్రపటానికి పూలమాలలు వేసి నివాళులర్పించారు. అనంతరం ఆయన మాట్లాడారు. బడుగు, బలహీన వర్గాల హక్కుల కోసం పోరాడిన మహనీయుడు జ్యోతిరావు పూలే అని కొనియాడారు. ఈ కార్యక్రమంలో వైఎస్సార్‌సీపీ మండల అధ్యక్షుడు సీదరి రాంబాబు, జిల్లా ప్రధాన కార్యదర్శి సీదరి మంగ్లన్నదొర, మండల సర్పంచ్‌ల ఫోరం అధ్యక్షుడు వనుగు బసవన్నదొర, ఎంపీటీసీ లకే రామకృష్ణపాత్రుడు, ఎస్టీ సెల్‌ రాష్ట్ర సంయుక్త కార్యదర్శి కూడా సురేష్‌కుమార్‌, వాణిజ్య విభాగం జిల్లా ఉపాధ్యక్షుడు డి.పి.రాంబాబు పాల్గొన్నారు.

అరకులోయ టౌన్‌: జ్యోతిరావు పూలే వర్ధంతి సందర్భంగా ఆయన చిత్ర పటానికి అరకు ఎమ్మెల్యే రేగం మత్స్యలింగం పూలమాలలు వేసి నివాళులర్పించారు. గురువారం తన నివాసంలోని క్యాంప్‌ కార్యాలయంలో నిర్వహించిన కార్యక్రమంలో వైఎస్సార్‌సీపీ ఎస్టీ సెల్‌ రాష్ట్ర కార్యదర్శి పాంగి చిన్నారావు, మండల పార్టీ అధ్యక్షుడు లొక్కోయి లక్ష్మణ కుమార్‌, పార్టీ జిల్లా అధికార ప్రతినిధి కొర్రా రాధిక, బీసీ సెల్‌ జిల్లా అధ్యక్షుడు గెడ్డం నర్సింగరావు, వైస్‌ ఎంపీపీ కిల్లో రామన్న, మండల పార్టీ ప్రధాన కార్యదర్శి పంచాడి తిరుపతి, సర్పంచ్‌ల ఫోరం అధ్యక్షుడు పాది రమేష్‌, పార్టీ పార్లమెంట్‌ ప్రతినిధి కమిడి అశోక్‌, సర్పంచ్‌లు పెట్టెలి సుశ్మిత, దురియా భాస్కర్‌రావు, ఎంపీటీసీలు దురియా ఆనంద్‌కుమార్‌,. గరం పూర్ణ, సమర్ధి శత్రుఘ్న, స్వాభి రాంచందూర్‌ తదితరులు పాల్గొన్నారు.

అడ్డతీగల: బడుగు బలహీన వర్గాల హక్కుల కోసం నిరంతరం పోరాడిన మహానేత జ్యోతిరావుపూలే అని రంపచోడవరం మాజీ ఎమ్మెల్యే నాగులపల్లి ధనలక్ష్మి అన్నారు. మండలంలోని ఎల్లవరంలో గురువారం ఆయన వర్ధంతిని నిర్వహించారు. ఈ సందర్భంగా పూలే చిత్రపటానికి పూలమాలలు వేసి నివాళులు అర్పించారు. బొడ్లంక ఎంపీటీసీ లోసూరి సూర్యకాంతం,ఎల్లవరం సర్పంచ్‌ బెన్నోజి నూకరత్నం, వైఎస్సార్‌సీపీ నేతలు, కార్యకర్తలు పాల్గొన్నారు.

పాడేరు ఎమ్మెల్యే మత్స్యరాస

విశ్వేశ్వరరాజు

నివాళి అర్పించిన అరకు ఎమ్మెల్యే మత్స్యలింగం, మాజీ ఎమ్మెల్యే

నాగులపల్లి ధనలక్ష్మి

1/2

సామాజిక విప్లవ యోధుడు జ్యోతిరావు పూలే

2/2

సామాజిక విప్లవ యోధుడు జ్యోతిరావు పూలే