ఎయిడ్స్‌ ప్రచార పోస్టర్ల ఆవిష్కరణ

ఎయిడ్స్‌ ప్రచార పోస్టర్ల ఆవిష్కరణ

సాక్షి,పాడేరు: హెచ్‌ఐవీ/ఎయిడ్స్‌ మహమ్మారిపై జిల్లా వ్యాప్తంగా ప్రజలను చైతన్య పరిచే విధంగా విస్తృత ప్రచారం చేయాలని జాయింట్‌ కలెక్టర్‌ డాక్టర్‌ ఏజే అభిషేక్‌గౌడ కోరారు. వైద్య ఆరోగ్యశాఖ, ఎయిడ్స్‌ కంట్రోల్‌ సోసైటీలు రూపొందించిన హెచ్‌ఐవీ/ఎయిడ్స్‌ అవగాహన ప్రచార పోస్టర్లను సబ్‌కలెక్టర్‌ సౌర్యమన్‌పటేల్‌, డీఎంహెచ్‌వో జమాల్‌బాషాతో కలిసి గురువారం ఆవిష్కరించారు. ఈ సందర్భంగా జేసీ మాట్లాడుతూ హెచ్‌ఐవీ/ఎయిడ్స్‌ నియంత్రణ కార్యక్రమాలపై క్షేత్రస్థాయిలో ప్రచారం చేపట్టాలన్నారు. వచ్చేనెల ఒకటిన ప్రపంచ హెచ్‌ఐవీ/ఎయిడ్స్‌ దినోత్సవాన్ని జిల్లా వ్యాప్తంగా నిర్వహించాలన్నారు. పాడేరు ఆర్టీసీ కాంప్లెక్స్‌లో ప్రయాణికులకు అవగాహన కల్పించారు. ప్రభుత్వ డిగ్రీ కళాశాలలో విద్యార్థినులకు ముగ్గుల పోటీలు నిర్వహించారు. సీపీఎం రాంచందర్‌, డీఎండీవో చిరంజీవి, ప్రిన్సిపాల్‌ వనుము చిట్టబ్బాయి పాల్గొన్నారు.