ఉత్సాహంగా రాష్ట్రస్థాయి క్రీడా పోటీలు

కొమ్మాది(విశాఖ): బిర్సాముండా 150వ జయంతిని పురస్కరించుకుని జన జాతీయ గౌరవ దివస్‌ వేడుకల్లో భాగంగా నిర్వహిస్తున్న రాష్ట్రస్థాయి క్రీడా పోటీలు రెండోరోజు ఆదివారం ఉత్సాహంగా సాగాయి. రుషి కొండ గాయత్రీ పీజీ, డిగ్రీ కళాశాల ప్రాంగణంలో ఏర్పాటుచేసిన పోటీలను ఎస్టీకమిషన్‌ చైర్మన్‌ డా.వి.జి.శంకర్రావు ప్రారంభించారు. ఉత్సవాల్లో భాగంగా గిరిజన సాంస్కృతిక పరిశోధనా శిక్షణ మిష న్‌(టీసీఆర్‌టీఎం) భవన్‌ ప్రాంగణంలోని గిరిజన ఉత్పత్తులతో ఏర్పాటు చేసిన 24 స్టాళ్లను పరిశీలించారు. మాజీ ఎమ్మెల్సీ పి.వి.ఎన్‌.మాధవ్‌, టీసీఆర్‌టీఎం ఎగ్జిక్యూటివ్‌ డైరెక్టర్‌ రాణి మందా పాల్గొన్నారు.