28 నుంచి 31 వరకు గ్రామీణ బ్యాంక్‌ సేవలు నిలుపుదల

అనకాపల్లి: ఏపీ గ్రామీణ వికాస్‌ బ్యాంక్‌ సేవలను ఈనెల 28 నుంచి 31వ తేదీ వరకు నిలిపివేస్తున్నట్టు బ్యాంకు రీజనల్‌ మేనేజర్‌ ఎస్‌.సతీష్‌ బుధవారం ఒక ప్రకటనలో తెలిపారు. ప్రస్తుతం బ్యాంక్‌ ప్రధాన కార్యాలయం రెండు తెలుగు రాష్ట్రాలకు కలిపి తెలంగాణలోని వరంగల్‌ జిల్లాలో ఉందని, ఆర్‌బీఐ ఆదేశాల మేరకు ప్రధాన కార్యాలయాన్ని విజయవాడలో ఏర్పాటు చేస్తున్నామని ఆయన పేర్కొన్నారు. ఇందుకోసం ఈనెల 28 నుంచి 31వ తేదీ వరకూ బ్యాంక్‌ సేవలు, ఏటీఎం, ఆన్‌లైన్‌ నగదు లావాదేవీలతోపాటు ఇతర సేవలు నిలుపుదల చేస్తున్నామని ఆయన చెప్పారు. జనవరి 1వ తేదీ నుంచి బ్యాంక్‌ సేవలు వినియోగదారులకు అందుబాటులోకి వస్తాయని ఆయన చెప్పారు.