TV
కణేకల్లు క్రాస్‌లో వేటకొడవళ్లతో హల్‌చల్‌
కణేకల్లు: కణేకల్లు క్రాస్‌లో సోమవారం సాయంకాలం ముగ్గురు దుండగులు వేటకొడవళ్లతో హల్‌చల్‌ చేశారు. సరిగ్గా ఎనిమిది నెలల క్రితం ఇదే ప్రాంతంలోని ఓ ఇంట్లో దుండగులు చొరబడి దోపిడీకి పాల్పడ్డారు. తాజాగా ఇదే ప్రాంతంలోని అవని గార్డెన్‌లో గుర్తు తెలియని వ్యక్తులు వేడకొడవళ్లతో సంచరించడం తీవ్ర కలకలాన్ని రేపింది. ఇటీవల కొందరు ఆ ప్రాంతంలో పక్కా గృహాలు నిర్మించుకుని నివాసముంటున్నారు. సోమవారం సాయంకాలం 6 గంటల సమయంలో షైన్‌ బైక్‌పై వచ్చిన ముగ్గురు వేటకొడవళ్లతో తిరుగుతూ స్థానికులను భయభ్రాంతులకు గురి చేశారు. ఓ వ్యక్తి ధైర్యం చేసి వారిని నిలదీయడంతో ఎదిరించి తప్పించుకుని పారిపోయే ప్రయత్నం చేశారు. దీంతో స్థానికులు ధైర్యంగా వెంటాడడంతో తమ ద్విచక్ర వాహనాన్ని అక్కడే వదిలేసి పారిపోయారు. కాగా, ఈ ప్రాంతంలో ఓ రైతు పొలంలో ఉన్న శ్రీగంధం చెట్లను నరికి తీసుకెళ్లేందుకు వచ్చి ఉంటారనే అనుమానాలు వ్యక్తమయ్యాయి. రెండ్రోజుల క్రితం కొన్ని చెట్లను గుర్తు తెలియని వ్యక్తులు నరికి తీసుకెళ్లారు. సమాచారం అందుకున్న పోలీసులు అక్కడకు చేరుకుని ఘటనపై ఆరా తీశారు. దుండగులు వదిలి వెళ్లిన ద్విచక్ర వాహనాన్ని స్వాధీనం చేసుకుని స్టేషన్‌కు తరలించారు.
కణేకల్లు క్రాస్‌లో వేటకొడవళ్లతో హల్‌చల్‌
Comments
Please login to add a commentAdd a comment