‘పోలీసు స్పందన’కు 68 వినతులు

‘పోలీసు స్పందన’కు 68 వినతులు

అనంతపురం: జిల్లా పోలీసు కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు వివిధ సమస్యలపై 68 వినతులు అందాయి. ఎస్పీ పి.జగదీష్‌ స్వయంగా వినతలు స్వీకరించి, బాధితులతో మాట్లాడారు. సమస్య తీవ్రత తెలుసుకుని తక్షణ పరిష్కారానికి చర్యలు తీసుకోవాలంటూ సంబంధిత ఎస్‌హెచ్‌ఓలకు ఫోన్‌ చేసి ఆదేశించారు. కార్యక్రమంలో అడిషనల్‌ ఎస్పీ డీవీ రమణమూర్తి, మహిళా డీఎస్పీ ఎస్‌.మహబూబ్‌బాషా తదితరులు పాల్గొన్నారు.

కోడి పందెం రాయుళ్ల అరెస్ట్‌

కూడేరు/రాప్తాడురూరల్‌: కూడేరు మండలం రామదుర్గం ఆలయ సమీపంలో సోమవారం కోడి పందెం ఆడుతున్న ఏడుగురిని కూడేరు పోలీసులు అరెస్ట్‌ చేశారు. నిందితుల నుంచి రూ.10,500 నగదు, 14 ద్విచక్ర వాహనాలు, ఆరు సెల్‌ఫోన్లు స్వాధీనం చేసుకుని, కేసు నమోదు చేశారు. అలాగే అనంతపురం రూరల్‌ మండలం ఉప్పరపల్లి గ్రామ శివారులో కోడి పందెం ఆడుతూ 16 మంది ఇటుకలపల్లి పోలీసులకు పట్టుబడ్డారు. వీరి నుంచి రూ. 60,100 నగదు, 18 బైకులు, రెండు పందెం కోళ్లు, నాలుగు కోడి కత్తులు స్వాధీనం చేసుకుని, నిందితులపై కేసు నమోదు చేసినట్లు సీఐ హేమంత్‌కుమార్‌, ఎస్‌ఐ విజయ్‌కుమార్‌ తెలిపారు.