అట్టహాసంగా ఖోఖో పోటీలు ప్రారంభం

అట్టహాసంగా ఖోఖో పోటీలు ప్రారంభం

కారెంపూడి: స్కూల్‌ గేమ్స్‌ ఫెఢరేషన్‌ ఆఫ్‌ ఇండియా అండర్‌ 14 రాష్ట్రస్థాయి ఖోఖో పోటీలు స్థానిక బ్రహ్మనాయుడు జెడ్పీ హైస్కూల్లో శనివారం ప్రారంభమయ్యాయి. మాచర్ల ఎమ్మెల్యే జూలకంటి బ్రహ్మానందరెడ్డి పోటీలను ప్రారంభించారు. బాలుర విభాగంలో తొలి మ్యాచ్‌ గుంటూరు, శ్రీకాకుళం జట్ల మధ్య జరిగింది. శ్రీకాకుళం జిల్లా జట్టుపై గుంటూరు జిల్లా జట్టు 12–11 తేడాతో విజయం సాధించింది. అనంతపురంపై విశాఖపట్నం జట్టు 17–15తో విజయం సాధించింది. నెల్లూరు జట్టుపై ఈస్ట్‌ గోదావరి జట్టు 15–13తో విజయం సాధించింది. వెస్ట్‌ గోదావరి జట్టుపై విజయనగరం జట్టు 14–7 పాయింట్ల తేడాతో విజయం సాధించాయి. బాలికల విభాగంలో కర్నూలు జట్టుపై వెస్ట్‌ గోదావరి జట్టు 10–6 తేడాతో విజయం సాధించింది. నెల్లూరు జట్టుపై విజయనగరం జట్టు 6–3తో విజయం సాధించింది. కృష్ణా జిల్లా జట్టుపై అనంతపురం జట్టు 15–1 తేడాతో గెలిచింది. గుంటూరు జట్టుపై కడప జిల్లా జట్టు 9–7 పాయింట్ల తేడాతో విజయం సాధించింది.