గుర్తుతెలియని వ్యక్తులు హల్‌చల్‌

అశ్వారావుపేట: అశ్వారావుపేటలో సోమవారం రాత్రి సమయంలో ముగ్గురు గుర్తు తెలియని వ్యక్తులు హల్‌చల్‌ చేశారు. పట్టణంలోని కలింగులబజార్‌లో అర్ధరాత్రి ఒంటి గంట సమయంలో ధనబాబు ఇంటి ఆవరణంలో ముగ్గురు గుర్తుతెలియని వ్యక్తులు ప్రవేశించి తలుపులు, కిటికీలు కొడుతూ తలుపులు తీసేందుకు ప్రయత్నం చేశారు. శబ్దాలు రావడంతో గమనించిన కుటుంబ సభ్యులు తలుపులు తీయకుండా గట్టిగా కేకలు వేస్తూ, కర్రలు తీసుకొని ఇంట్లో నుంచి బయటకు వచ్చారు. కేకలు విని చుట్టుపక్కల వారు కూడా వచ్చే సరికి గుర్తు తెలియని వ్యక్తులు అక్కడి నుంచి పారిపోయారు. బాధితులు స్థానిక పోలీసులకు సమాచారం అందించడంతో పోలీసులు వచ్చి పరిసర ప్రాంతాల్లో గాలింపు చర్యలు చేపట్టారు. రాత్రి సమయాల్లో ఎవరైనా తలుపులు కొడితే ఒంటరిగా బయటకు రావొద్దని, వెంటనే పోలీసులకు సమాచారం అందించాలని సూచించారు. కాగా, ఇదే కాలనీలో ఆదివారం తెల్లవారుజామున ఇంట్లో నిద్రిస్తున్న ఓ మహిళ మెడలో నుంచి 32 గ్రాముల బంగారు గొలుసును దుండగులు చోరీ చేసిన విషయం విదితమే. ఒకే కాలనీలో ఇలా వరుస ఘటనలు జరుగుతున్నందున పోలీసులు రాత్రి సమయంలో గస్తీ నిర్వహించాలని ప్రజలు కోరుతున్నారు.