TV
రాష్ట్రస్థాయి టీటీ పోటీలు ప్రారంభం
కొత్తగూడెంఅర్బన్‌: స్కూల్‌ గేమ్స్‌ ఫెడరేషన్‌ ఆధ్వర్యంలో మూడు రోజులపాటు జరగనున్న అండర్‌–17 బాలబాలికల రాష్ట్రస్థాయి టేబుల్‌ టెన్నిస్‌(టీటీ) పోటీలు ఆదివారం ప్రారంభమయ్యాయి. ఆనందఖని జిల్లా పరిషత్‌ ఉన్నత పాఠశాలలో ప్రారంభమైన ఈ పోటీలకు ముఖ్యఅతిథిగా కలెక్టర్‌ జితేష్‌ వి.పాటిల్‌ హాజరై మాట్లాడారు. ఎటువంటి పరిస్థితుల నుంచి, ఎక్కడి నుంచి వచ్చామని కాకుండా, గెలవాలనే కాంక్ష ఉంటేనే క్రీడాకారులు విజయం సాధిస్తారని చెప్పారు.
కాంస్య పతకం సాధించిన ఆతిథ్య జట్టు
68వ రాష్ట్రస్థాయి పాఠశాలల అండర్‌–17 బాలబాలికల టేబుల్‌ టెన్నిస్‌ పోటీల్లో ప్రతిభ చూపిన క్రీడాకారులను ఎంపిక చేసి జాతీయస్థాయి పోటీలకు పంపనున్నారు. ఈ పోటీల్లో ఆతిథ్య ఉమ్మడి ఖమ్మం జిల్లా బాలికల జట్టు తృతీయ స్థానం సాధించింది. బాలుర జట్టు సైతం అద్భుతమైన ప్రతిభతో క్వార్టర్‌ ఫైనల్స్‌కు చేరింది. ఈ కార్యక్రమంలో జిల్లా విద్యాశాఖ అధికారి ఎం. వెంకటేశ్వరాచారి, ఎస్‌జీఎఫ్‌ కార్యదర్శి నరేష్‌ కుమార్‌, పోటీల రాష్ట్ర పరిశీలకులు మామిడి సంతోష్‌, సీనియర్‌ వ్యాయామ ఉపాధ్యాయులు బట్టు ప్రేమ్‌కుమార్‌, యనమదల వేణుగోపాల్‌, లక్ష్మయ్య, శేఖర్‌, స్టెల్లా, రాము, కవిత, సీతాదేవి, సుజాత, నాగలక్ష్మి తదితరులు పాల్గొన్నారు.
రాష్ట్రస్థాయి టీటీ పోటీలు ప్రారంభం
Comments
Please login to add a commentAdd a comment