నేరాల నియంత్రణలో సీసీ కెమెరాలు కీలకం

నేరాల నియంత్రణలో సీసీ కెమెరాలు కీలకం

పాల్వంచ: నేరాల నియంత్రణలో సీసీ కెమెరాల పాత్ర కీలకమని ఎస్పీ రోహిత్‌రాజు అన్నారు. స్థానిక పట్టణ పోలీస్‌ స్టేషన్‌ పరిధిలో ఏర్పాటు చేసిన 43 సీసీ కెమెరాలను అనుసంధానం చేసే కంట్రోల్‌ సెంటర్‌ను మంగళవారం ఆయన ప్రారంభించారు. అనంతరం మాట్లాడుతూ.. జిల్లాలో ఇప్పటికే సీసీ కెమెరాల సహాయంతో అనేక నేరాలను ఛేదించామని చెప్పారు. జిల్లాలోని అన్ని ప్రాంతాల్లో సీసీ కెమెరాల ఏర్పాటుకు చర్యలు చేపడుతున్నామని తెలిపారు. స్టేషన్‌లో రికార్డులు పరిశీలించి కేసుల వివరాలు అడిగి తెలుసుకున్నారు. పోలీస్‌ అధికారులు, సిబ్బంది సమస్యలు పరిష్కరిస్తామని హామీ ఇచ్చారు. కార్యక్రమంలో డీఎస్పీ సతీష్‌ కుమార్‌, సీఐలు వినయ్‌కుమార్‌, నాగరాజు, ఎస్‌ఐలు సుమన్‌, రాఘవయ్య, జీవన్‌రాజు పాల్గొన్నారు.