విద్యార్థులపై శ్రద్ధ చూపండి

విద్యార్థులపై శ్రద్ధ చూపండి

జిల్లా న్యాయ సేవాధికారి సంస్థ కార్యదర్శి భానుమతి

కొత్తగూడెంఅర్బన్‌/అన్నపురెడ్డిపల్లి (చండ్రుగొండ) : విద్యార్థుల చదువుతో పాటు వారి ఆరోగ్యంపై శ్రద్ధ చూపాలని, మంచి భోజనం అందించాలని జిల్లా న్యాయ సేవాధికారి సంస్థ కార్యదర్శి జి.భానుమతి అన్నారు. అన్నపురెడ్డిపల్లి సాంఘిక సంక్షేమ, గిరిజన సంక్షేమ, బీసీ గురుకుల పాఠశాలలతో పాటు కొత్తగూడెం రామవరంలోని ఎస్సీ బాలుర, బాలికల హాస్టళ్లను గురువారం ఆమె తనిఖీ చేశారు. ఆహారం కలుషితం కాకుండా అప్రమత్తంగా ఉండాలని, పరిశుభ్రత పాటించాలని నిర్వాహకులకు సూచించారు. హాస్టళ్లలో అందుతున్న సౌకర్యాలపై ఆరా తీశారు. విద్యార్థులు క్రమశిక్షణ పాటించేలా ఉపాధ్యాయులు కృషి చేయాలన్నారు. అంతకుముందు అన్నపురెడ్డిపల్లిలోని శ్రీ భ్రమరాంబ సమేత మల్లికార్జున స్వామి వారిని దర్శించుకున్నారు. ఆమె వెంట డిప్యూటీ లీగల్‌ ఎయిడ్‌ డిఫెన్స్‌ కౌన్సిల్‌ పి.నిరంజన్‌రావు, ప్రిన్స్‌పాళ్లు ఎన్‌.చైతన్య, రాధాకృష్ణమూర్తి, ఎస్వో బురాన్‌ పాల్గొన్నారు.