దీక్షా దివస్‌ను విజయవంతం చేయండి

దీక్షా దివస్‌ను విజయవంతం చేయండి

రాజ్యసభ సభ్యుడు వద్దిరాజు రవిచంద్ర

సూపర్‌బజార్‌(కొత్తగూడెం): తెలంగాణ ఉద్యమ చరిత్రను నేటి తరానికి తెలియజేయాలనే ఉద్దేశంతో శుక్రవారం జిల్లా బీఆర్‌ఎస్‌ కార్యాలయంలో దీక్షా దివస్‌ కార్యక్రమం నిర్వహిస్తున్నామని, దీన్ని విజయవంతం చేయాలని రాజ్యసభ సభ్యులు వద్దిరాజు రవిచంద్ర పిలుపునిచ్చారు. దీక్షా దివస్‌ కార్యక్రమ ఏర్పాట్లను గురువారం రాత్రి పరిశీలించిన ఆయన.. బీఆర్‌ఎస్‌ జిల్లా అధ్యక్షుడు రేగా కాంతారావుతో కలిసి విలేకరులతో మాట్లాడారు. శుక్రవారం మొదట కార్యాలయ ఆవరణలో ఉన్న తెలంగాణ తల్లి విగ్రహానికి పూలమాల వేసి, ఆ తర్వాత తెలంగాణ అమరవీరుల స్థూపం వద్ద నివాళులర్పిస్తామని తెలిపారు. ప్రభుత్వ ఆస్పత్రిలో రోగులకు పాలు, బ్రెడ్‌, పండ్లు పంపిణీ చేస్తామన్నారు. సమావేశంలో మాజీ మంత్రి వనమా వెంకటేశ్వరరావు, కొత్తగూడెం మున్సిపల్‌ చైర్‌పర్సన్‌ కాపు సీతాలక్ష్మి తదితరులు పాల్గొన్నారు.