మణుగూరు టు ప్రయాగ్‌రాజ్‌

మణుగూరు టు ప్రయాగ్‌రాజ్‌

మణుగూరు టౌన్‌: మణుగూరుకు చెందిన ఆర్టీసీ రిటైర్డ్‌ క్యాషియర్‌, 63 ఏళ్ల వయసు గల కృష్ణ ఉత్తర ప్రదేశ్‌లో జరుగుతున్న మహా కుంభమేళాకు ఆదివారం సైకిల్‌పై బయలుదేరారు. 1200 కి.మీ.దూరంలోని ప్రయాగ్‌రాజ్‌ వరకు ఈ నెల 21న చేరుకుంటానని ఆయన చెప్పారు. ప్రస్తుతం అంతటా కాలుష్య ప్రభావం తీవ్రరూపం దాలుస్తోందని, ప్రతి ఒక్కరూ కాలుష్య రహిత వాహనాలను సమకూర్చుకోవాలని కోరారు. ఈ సందర్భంగా పట్టణానికి చెందిన పలువురు కొబ్బరికాయలు కొట్టి పూజలు చేసి కృష్ణ చేపట్టిన యాత్రను ప్రారంభించారు. కార్యక్రమంలో స్థానిక పెద్దలు దుస్సా సమ్మయ్య, వలసాల వెంకటరామారావు, గాండ్ల సురేశ్‌, ఆర్టీసీ కార్మికుడు ఉపేందర్‌ ఉన్నారు.

సైకిల్‌పై బయలుదేరిన ఆర్టీసీ రిటైర్డ్‌ ఉద్యోగి