రామాలయంలో సహస్ర కలశావాహనం

రామాలయంలో సహస్ర కలశావాహనం

భద్రాచలం: భద్రాచలం శ్రీ సీతారామచంద్ర స్వామి వారి ఆలయంలో మంగళవారం సహస్ర కలశావాహనాన్ని శాస్త్రోక్తంగా నిర్వహించారు. మాఘ మాస ఉత్సవాల్లో భాగంగా దేవస్థానంలో సహస్ర కలశాభిషేకం నిర్వహించడం ఆనవాయితీ. ఈ క్రమంలో మొదట కలశావాహనం జరిపారు. బేడా మండపంలో వెయ్యి కలశాలను వరుస క్రమంలో అమర్చి శాస్త్రోక్తంగా దేవతలను ఆవాహన చేశారు. ఈ సందర్భంగా యాగశాలలో అగ్ని ప్రతిష్ఠ, హవనం, మండప, వాస్తు పూజలు జరిపించారు. ఈ వేడుకల నేపథ్యంలో స్వామి వారి నిత్యకల్యాణం, పవళింపు సేవ రద్దు చేశారు. కాగా, బుధవారం శ్రీ సీతా లక్ష్మణ సమేతుడైన రామచంద్రస్వామికి సహస్ర కలశాభిషేకం, శ్రీ రంగనాథ స్వామి వార్షిక తిరుకల్యాణోత్సవం నిర్వహించనున్నారు.

నేడు రామయ్యకు సహస్ర కలశాభిషేకం

1/1

రామాలయంలో సహస్ర కలశావాహనం