ట్రిపుల్‌ ఐటీలో గణిత దినోత్సవం

ట్రిపుల్‌ ఐటీలో గణిత దినోత్సవం

నూజివీడు: స్థానిక ట్రిపుల్‌ ఐటీలో ఆదివారం జాతీయ గణిత దినోత్సవాన్ని నిర్వహించారు. గణితం హెచ్‌ఓడీ సీహెచ్‌ సుబ్బారెడ్డి నేతృత్వంలో స్టూడెంట్‌ మిత్ర సహకారంతో ఈ కార్యక్రమాన్ని నిర్వహించారు. వరంగల్‌ నిట్‌ ప్రొఫెసర్‌ వై.నరసింహారెడ్డి పాల్గొని గణిత ప్రాముఖ్యాన్ని విద్యార్థులకు వివరించారు. అన్ని శాస్త్రాలకు గణితమే మూలమన్నారు. గణితంలో రాణిస్తే అన్ని శాస్త్రాల్లో రాణించడం సులువవుతుందన్నారు. అనంతరం నిర్వహించిన గ్రాండ్‌ మాస్టర్‌, మ్యాథ్స్‌ స్క్వేర్‌ పోటీల్లో విజేతలకు నగదు బహుమతి, సర్టిఫికెట్లు అందజేశారు. అనంతరం గణిత విభాగం అసిస్టెంట్‌ ప్రొఫెసర్లు మాచర వెర్రియ్యనాయుడు, రాజేష్‌ బండారి రూపొందించిన మ్యాథ్స్‌ రేసర్‌ అనే వెబ్‌ అప్లికేషన్‌ను ఆవిష్కరించారు. కార్యక్రమంలో ఏఓ బీ లక్ష్మణరావు, డీన్‌ రత్నాకర్‌ తదితరులు పాల్గొన్నారు.