TV
విద్యార్థినికి మంత్రి లోకేష్‌ అభినందన
మంగళగిరి (తాడేపల్లి రూరల్‌ ): తెలుగు టైప్‌రైటింగ్‌ లోయర్‌ గ్రేడ్‌ పరీక్షలో రాష్ట్రస్థాయిలో మొదటి ర్యాంక్‌ సాధించిన విద్యార్థినిని మంత్రి లోకేష్‌ అభినందించారు. స్టేట్‌ బోర్డ్‌ ఆఫ్‌ టెక్నికల్‌ ఎడ్యుకేషన్‌ అండ్‌ ట్రైనింగ్‌ ఆంధ్రప్రదేశ్‌ ప్రభుత్వం గత ఏడాది సెప్టెంబర్‌లో నిర్వహించిన పరీక్షలో ఆమె ఈ ఘనత సాధించింది. మంగళగిరి తాడేపల్లి నగరపాలక సంస్థ పరిధిలోని యర్రబాలెంకు చెందిన ఆరాధ్యుల హరితసాయి నగరానికి చెందిన టైప్‌ ఇనిస్టిట్యూట్‌ ప్రిన్సిపల్‌ మురళీతో కలిసి తాడేపల్లిలోని నారా లోకేష్‌ నివాసంలో ఆదివారం మర్యాదపూర్వకంగా కలిశారు. ఆమెను మంత్రి అభినందించారు.
‘మా – ఏపీ’
గుర్తింపు కార్డులు జారీ
తెనాలి: మూవీ ఆర్టిస్ట్స్‌ అసోసియేషన్‌ – ఆంధ్రప్రదేశ్‌ 24 విభాగాల యూనియన్‌ (మా–ఏపీ)లో ఆదివారం వివిధ రంగాలకు చెందిన సినీ రంగ కార్మికులకు గుర్తింపు కార్డులను పంపిణీ చేశారు. సంస్థ వ్యవస్థాపకుడు, సినీ దర్శకుడు దిలీప్‌రాజా మాట్లాడుతూ.. గతంలో ఏ శాఖలో ఎవరి దగ్గర పనిచేశారో ఆయా రంగాల సాంకేతిక నిపుణులు ఇచ్చిన అనుభవం సర్టిఫికెట్ల ఆధారంగా గుర్తింపు కార్డులను అందజేస్తున్నట్టు తెలిపారు. కార్డులను అందుకున్న వారిలో కాస్ట్యూమ్‌ డిజైనర్లు పట్నాల పార్వతి, శ్రీవిద్య, ఫైటింగ్‌ డివిజనులో శ్రీధర్‌, కెమెరామెన్‌ రాజు తదితరులున్నారు.
ఫొటోగ్రఫీలో
బాలాజీకి బహుమతి
వేటపాలెం: స్థానిక స్టార్‌ స్టూడియో నిర్వాహకుడు బాలాజీ మోహన్‌ కృష్ణకు అమరావతి అనే సబ్జెక్టుపై తీసిన ఫొటోకి ప్రత్యేక బహుమతి లభించింది. ఇండియా ఇంటర్నేషనల్‌ ఫొటోగ్రఫీ కౌన్సిల్‌, ఫొటోగ్రఫీ అకాడమీ ఆఫ్‌ ఇండియా ఆధ్వర్యంలో ఉభయ తెలుగు రాష్ట్రాల పరిధిలో అమరావతిపై ఫొటోగ్రఫీ పోటీలు నిర్వహించారు. శనివారం విజయవాడలోని బాలోత్సవ్‌ భవనంలో జరిగిన కార్యక్రమంలో బాలాజీ బహుమతి అందుకున్నారు.
విద్యార్థినికి మంత్రి లోకేష్‌ అభినందన
విద్యార్థినికి మంత్రి లోకేష్‌ అభినందన
Comments
Please login to add a commentAdd a comment