తిరుపతిరెడ్డి సేవలు వెలకట్టలేనివి

తిరుపతిరెడ్డి సేవలు వెలకట్టలేనివి

అలంపూర్‌: అలంపూర్‌ ఆలయాల కమిటీ మాజీ చైర్మన్‌ బడుగుల తిరుపతిరెడ్డికి ప్రముఖలు నివాళులర్పించారు. బుధవారం ఉండవెల్లి మండలం కలుగోట్లలో ఆయన దశ దినకర్మ నిర్వహించారు. ఆయన జ్ఞాపకార్థం గ్రామంలో ఉచిత మెడికల్‌ క్యాంపు నిర్వహించారు. హైదరాబాద్‌ చెందిన 50 మంది డాక్టర్లు 150 మంది చిన్నపిల్లలకు, దాదాపు 200 మందికి పరీక్షలు నిర్వహించి ఉచితంగా మందులను అందజేశారు. అంతకుముందు తిరుపతిరెడ్డి చిత్రపటానికి ఆమె కుమార్తె, రాష్ట్ర ఐజీ బడుగుల సుమతితోపాటు ఐజీలు రమేష్‌ రెడ్డి, సత్యనారాయణ, ఎస్పీ శ్రీనివాస్‌రావు తిరుపతి రెడ్డి పూల మాల వేసి నివాళ్లు ఆర్పించారు. ఎమ్మెల్సీ చల్లా వెంకట్రామిరెడ్డి, గద్వాల ఎమ్మెల్యే బండ్ల కృష్ణమోహన్‌ రెడ్డి, మాజీ మంత్రి నిరంజన్‌రెడ్డి, పోలీస్‌ ఉన్నతాధికారులు నివాళులర్పించిన వారిలో ఉన్నారు. ఆలయాలకు, గ్రామానికి ఆయన చేసిన సేవలు వెలకట్టలేనివని పలువురు కొనియాడారు.