సత్యదేవుని దర్శించిన విధుశేఖర భారతి

సత్యదేవుని దర్శించిన విధుశేఖర భారతి

అన్నవరం: శృంగేరి పీఠాధిపతి జగద్గురు విధుశేఖ ర భారతీ స్వామి గురువారం రాత్రి రత్నగిరిపై స త్యదేవుని దర్శించి పూజలు చేశారు. ఆయనకు తూర్పు రాజగోపురం వద్ద దేవస్థానం చైర్మన్‌ ఐవీ రోహిత్‌, ఈఓ వి.త్రినాథరావు ఆధ్వర్యాన పండితులు ఘన స్వాగతం పలికారు. అనంతరం మంగళ వాయిద్య ఘోష, వేదపండితుల మంత్రోచ్ఛారణల నడుమ స్వామీజీ సత్యదేవుని దర్శించుకున్నారు. అనంతరం పండితులు వేదాశీస్సులు, స్వామివారి ప్రసాదాలను చైర్మన్‌, ఈఓ అందజేశారు.

రూ.లక్ష విరాళం

శృంగేరి పీఠాధిపతి భారతీతీర్థ స్వామి పేరిట సత్యదేవుని నిత్యాన్నదాన పథకానికి విధుశేఖర భారతీ స్వామి రూ.లక్ష విరాళం సమర్పించారు. కార్యక్రమంలో వేద పండితులు గొల్లపల్లి ఘనపాఠి, యనమండ్ర శర్మ, గంగాధరభట్ల గంగబాబు, ప్రధానార్చకుడు కోట సుబ్రహ్మణ్యం, వ్రత పురోహిత సంఘం అధ్యక్షుడు కన్నబాబు, దేవస్థానం డిప్యూటీ కమిషనర్‌ చంద్రశేఖర్‌, అసిస్టెంట్‌ కమిషనర్‌ రామ్మోహనరావు, ఇతర అధికారులు పాల్గొన్నారు.