ఇటీవల జరిగిన చోరీలు

మూడు రోజుల క్రితం కామారెడ్డిలోని అశోక్‌ నగర్‌ కాలనీలోని రెండు ఇళ్లలో దొంగలు పడి బంగారం, నగదు దోచుకెళ్లారు. అదే రోజున గురురాఘవేంద్ర కాలనీకి చెందిన ఓ ఇంట్లో చోరీ చేశారు. అంతకు రెండు రోజుల ముందు శ్రీరాంనగర్‌ కాలనీకి చెందిన ప్రకాష్‌, బాలాగౌడ్‌ ఇళ్లలో చోరీలకు పాల్పడ్డారు. వారం క్రితం ఆర్మూర్‌లో రెండు చోట్ల, కమ్మర్‌పల్లిలోని ఓ ఇంట్లో, నిజామాబాద్‌ 4వ టౌన్‌ పరిధిలోని ఓ ఇంట్లో దొంగతనాలు జరిగాయి. ఎల్లారెడ్డిలోని టీఎన్‌జీవోస్‌ కాంప్లెక్స్‌లోని నాలుగు దుకాణాల్లో షట్టర్ల తాళాలు పగులగొట్టి చోరీ చేశారు. ఇతర ప్రాంతాలకు చెందిన పాత నేరస్తులు ఇక్కడకు వచ్చి చోరీలకు పాల్పడుతున్నట్లు తెలుస్తుంది.