ప్రైవేటు బస్సు బోల్తా

ప్రైవేటు బస్సు బోల్తా

● 30 మందికి గాయాలు

తుమకూరు: అతివేగం, అజాగ్రత్తగా నడపడంతో ఓ ప్రైవేట్‌ బస్సు బోల్తా పడిన ఘటనలో 30 మందికి పైగా ప్రయాణికులు గాయపడ్డారు. జిల్లాలోని శిరా తాలూకా హెగ్గనహళ్లి వద్ద జాతీయ రహదారి–48లో సోమవారం ఉదయం ఈ దుర్ఘటన జరిగింది. వివరాలు.. బళ్లారి నుంచి బెంగళూరు వైపు వెళుతుండగా ప్రైవేట్‌ బస్సు మార్గమధ్యంలో ప ల్టీలు కొట్టింది. రోడ్డుపైనే బోల్తా పడింది. అదృష్టవశాత్తు ఆ సమయంలో ఎదురుగా వాహనాలు రాకపోవడంతో మరో ప్రమాదం తప్పింది. గాయపడిన ప్రయాణికుల్లో 15–20 మందిని శిరా ప్రభుత్వ ఆస్పత్రిలో చేర్పించారు. ఘటనపై కళ్లంబెళ్ల పోలీసులు కేసు నమోదు చేశారు. కొన్ని గంటలపాటు ట్రాఫిక్‌కు అంతరాయం ఏర్పడింది.

1/1

ప్రైవేటు బస్సు బోల్తా