TV
ఏడు ఇసుక ట్రాక్టర్లు సీజ్‌
చింతకాని: మండలంలోని చిన్నమండవ మున్నేరు నుంచి అక్రమంగా ఇసుక రవాణా చేస్తున్న ఏడు ట్రాక్టర్లను బుధవారం పోలీసులు సీజ్‌ చేశారు. వైరా సీఐ సాగర్‌, ఎస్సై నాగుల్‌మీరా ఆధ్వర్యాన తనిఖీలు చేపట్టగా అనుమతి లేకుండా ఇసుక తరలిస్తున్నట్లు తేలింది. ఈ సందర్భంగా సీఐ మాట్లాడుతూ అక్రమంగా ఇసుక తరలిస్తే ట్రాక్టర్లను సీజ్‌ చేయడమేకాక యజమానిపై కేసు నమోదు చేస్తామని హెచ్చరించారు. కాగా, మండలంలోని చిన్నమండవ, తిమ్మినేనిపాలెం మున్నేరు నుంచి ఇసుకను తరలింపునకు అడ్డుకట్ట వేసేలా సిబ్బంది గస్తీ ముమ్మరం చేయాలని సూచించారు.
Comments
Please login to add a commentAdd a comment