న్యూస్‌రీల్‌

3న దివ్యాంగ చిన్నారులకు ఆటల పోటీలు

రెబ్బెన(ఆసిఫాబాద్‌): అంతర్జాతీయ దివ్యాంగుల దినోత్సవం సందర్భంగా డిసెంబర్‌ 3న గోలేటి టౌన్‌షిప్‌లోని సీఈఆర్‌ క్లబ్‌లో దివ్యాంగ చిన్నారులకు ఆటల పోటీలు నిర్వహిస్తున్నట్లు బెల్లంపల్లి ఏరియా అధికార ప్రతినిధి రెడ్డిమల్ల తిరుపతి ఒక ప్రకటనలో తెలిపారు. ఉదయం 9 గంటల అనంతరం వేడుకలు నిర్వహిస్తామని పేర్కొన్నారు. సమీప గ్రామాల్లోని చిన్నారులు, పాఠశాల విద్యార్థులు, తల్లిదండ్రులు, ఉపాధ్యాయులు వేడుకలకు హాజరుకావాలని కోరారు.

థియేటర్లలో బాలల చిత్రాల ప్రదర్శన

ఆసిఫాబాద్‌: జిల్లాలోని సినిమా థియేటర్లలో బాలల చలన చిత్రాలు ప్రత్యేకంగా ప్రదర్శిస్తున్నట్లు కలెక్టర్‌ వెంకటేశ్‌ దోత్రే ఒక ప్రకటనలో తెలిపారు. హోంశాఖ, సినీ గ్లో, చిల్డ్రన్స్‌ ఫిల్మ్‌ సొసైటీ హైదరాబాద్‌ ఆధ్వర్యంలో జిల్లాలోని సినిమా థియేటర్లలో ఉదయం 9 గంటల నుంచి 11 గంటల వరకు బాలల చలన చి త్రాలు ప్రదర్శించాలని ఉత్తర్వులు జారీ చేసినట్లు పేర్కొన్నారు. వచ్చే ఏడాది సెప్టెంబర్‌ 31 వరకు ఎగిసే తారాజువ్వలు, జురాసిక్‌ వ రల్డ్‌, యాక్షన్‌ కిడ్స్‌, గాడ్జిల్లా కింగ్‌, ప్రయాణం 2, ఆత్రేయ ఇతర చిత్రాలు ప్రదర్శిస్తామని తెలిపారు. పట్టణ ప్రాంతాల్లోని విద్యార్థికి రూ.30, గ్రామీణ ప్రాంతాల్లోని వారికి రూ. 25గా టికెట్‌ ధర ఉంటుందన్నారు. ఒక్కో ప్రదర్శనకు థియేటర్‌ ఇన్సిడెంటల్‌ చార్జీలు రూ.1000, సిబ్బందికి రూ.500 చెల్లిస్తారని పేర్కొన్నారు. థియేటర్ల నిర్వాహకులు సహకరించాలని సూచించారు.