రోడ్డు ప్రమాదంలో ఆర్‌ఎంపీ మృతి

రోడ్డు ప్రమాదంలో ఆర్‌ఎంపీ మృతి

కనుమూరు(పామర్రు): రోడ్డు ప్రమాదంలో ఆర్‌ఎంపీ మృతి చెందిన సంఘటన పామర్రు మండలం కనుమూరు గ్రామ పరిధిలో మంగళవారం రాత్రి చోటు చేసుకుంది.

సేకరించిన వివరాల ప్రకారం కురుమద్దాలి గ్రామం ఎస్సీ కాలనీకి చెందిన ఆర్‌ఎంపీ పిడుగు సురేంద్ర(45) విజయవాడ – మచిలీపట్నం జాతీయ రహదారిలో ఉయ్యూరు వైపు వెళ్తున్నాడు. కనుమూరు చెక్‌పోస్టు దాటుతుండగా వెనుక నుంచి వచ్చిన గుర్తు తెలియని వాహనం ఆయనను బలంగా ఢీకొట్టి వెళ్లి పోయింది. దీనితో సురేంద్ర రహదారిపై పడి అక్కడికక్కడే దుర్మరణం చెందాడు. విషయం తెలుసుకున్న పామర్రు ఎస్‌ఐ అవినాష్‌ సంఘటనా స్థలానికి చేరుకుని వివరాలను పరిశీలించారు. ఘటనపై కేసు నమోదు చేసి దర్యాప్తు చేస్తున్నట్లు తెలిపారు. ఆర్‌ఎంపీ మృతితో కురుమద్దాలి గ్రామం ఎస్సీ కాలనీలో విషాద ఛాయలు అలముకున్నాయి.