నిందితుడి అరెస్ట్‌

నిందితుడి అరెస్ట్‌

పాణ్యం: చోరీలు చేస్తూ తప్పించుకు తిరుగుతున్న నిందితుడిని ఎట్టకేలకు పోలీసులు అరెస్ట్‌ చేశారు. నిందితుడి వివరాలను సోమవారం సర్కిల్‌ కార్యాలయంలో సీఐ కిరణ్‌కుమార్‌రెడ్డి వివరాలు వెల్లడించారు. నంద్యాల మండలం పెద్ద కొట్టాల గ్రామానికి చెందిన వడ్డే సుబ్బరాయుడు 1997 నుంచి చోరీలే వృత్తిగా ఎంచుకున్నాడు. గడివేముల–2, నంద్యాల తాలుకా–3, నందివర్గం–1, డోన్‌ –1 చొప్పున కేసులు నమోదయ్యాయి. గడివేములో నమోదైన 2 కేసుల్లో ఒకటి హత్యాయత్నం కేసు. మిగిలిన 6 కేసులు చోరీలకు సంబంధించినవే. నిందితుడిని దుర్వేశి క్రాస్‌ రోడ్డులో ఆటో ఎక్కుతుండగా అదుపులోకి తీసుకుని విచారించగా చోరీలు చేసినట్లు ఒప్పుకోవడంతో అరెస్ట్‌ చేసినట్లు సీఐ తెలిపారు.