రోడ్డు ప్రమాదంలో ఇద్దరు యువకుల దుర్మరణం

రోడ్డు ప్రమాదంలో ఇద్దరు యువకుల దుర్మరణం

● ముస్త్యాల పట్టణంలో ఘటన

బచ్చన్నపేట : కారు అదుపు తప్పి బైక్‌ను ఢీకొంది. ఈప్రమాదంలో బై క్‌పై ప్రయాణిస్తున్న జనగామ జిల్లా బచ్చన్నపేట మండలం కట్కూర్‌ గ్రామానికి చెందిన ఇద్దరు యువకులు దుర్మరణం చెందారు. ఈ ఘటన ఘటన సిద్దిపేట జిల్లా చేర్యాల మండలం ము స్త్యాల పట్టణంలోని ప్రగతి పాఠశాల వద్ద జరి గింది. గ్రామస్తులు, బాధితుల కథనం ప్రకారం.. కట్కూర్‌ గ్రామానికి చెందిన ఎనుగుల కర్ణాకర్‌ (34), దూసరి సాయిబాబ (36) వ్యవసా యం చేసుకుంటూ జీవిస్తున్నారు. మంగళవారం సాయంత్రం ట్రాక్టర్‌ పరికరాల కొనుగోలు నిమిత్తం చేర్యాల వెళ్లారు. తిరుగు ప్రయాణంలో అదే రోజు రాత్రి ముస్త్యాల పట్టణం దాటిన తరువాత ప్రగతి పాఠశాల వద్ద ఎదురుగా వస్తున్న కారు అదుపు తప్పి బైక్‌ను ఢీకొంది. ఈ ప్రమాదంలో బైక్‌ ప్రయాణిస్తున్న కర్ణాకర్‌, సాయిబాబ అక్కడికక్కడే మృతి చెందారు. కర్ణాకర్‌కు భార్య, ఒక కుమారుడు , కుమార్తె, సాయిబాబకు భార్య, ఒక కుమార్తె ఉన్నారు. ఘటనా స్థలికి చేరుకున్న చేర్యాల పోలీసులు మృతదేహాలను పోస్టుమార్టం నిమిత్తం చేర్యాల ప్రభుత్వ ఆస్పత్రికి తరలించారు. కాగా, ఒకే గ్రామానికి చెందిన ఇద్దరు యువకులు మృతి చెందడంతో గ్రామంలో విషాదఛాయలు అలుముకున్నాయి.

1/1

రోడ్డు ప్రమాదంలో ఇద్దరు యువకుల దుర్మరణం