TV
అదనపు పరీక్షల నియంత్రణాధికారుల నియామకం
కేయూ క్యాంపస్‌: కాకతీయ యూనివర్సిటీలో పరీక్షల విభాగంలో అదనపు పరీక్షల నియంత్రణాధికారులుగా ఇద్దరు అసిస్టెంట్‌ ప్రొఫెసర్లను నియమించారు. ఈ మేరకు రిజిస్ట్రార్‌ పి.మల్లారెడ్డి మంగళవారం ఉత్తర్వులు జారీచేశారు.పరీక్షల విభాగంలోని ఎస్‌డీఎల్‌సీఈ విభాగం అదనపు పరీక్షల నియంత్రణాధికారిగా ఫిజిక్స్‌ విభాగం అసిస్టెంట్‌ ప్రొఫెసర్‌ జి. ప ద్మజను నియమించారు. ఇప్పటివరకు అదనపు ప రీక్షల నియంత్రణాధికారిగా నరేందర్‌ బాధ్యతలు నిర్వర్తించారు. ఆయన స్థానంలో పద్మజను నియమించారు. 2010లో అసిస్టెంట్‌ ప్రొఫెసర్‌గా నియమితులైన పద్మజ గతంలో ఆ విభాగం బోర్డు ఆఫ్‌స్టడీస్‌ చైర్మ న్‌గా కూడా బాధ్యతలు నిర్వర్తించారు.అలాగే కేయూ పరీక్ష ల విభాగం రెగ్యులర్‌ డిగ్రీ సెక్షన్‌లో అదనపు పరీక్షల నియంత్రణాధికారిగా మైక్రోబయాలజీ విభాగం అసిస్టెంట్‌ ప్రొఫెసర్‌డాక్టర్‌ పి. వెంకటయ్య నియమిస్తూ మల్లారెడ్డి ఉత్తర్వులు జారీచేశారు. 2010లో మైక్రోబయాలజీ విభాగంలో అసిస్టెంట్‌ ప్రొఫెసర్‌గా నియమితులైన వెంకటయ్య ప్రస్తుతం ఆ విభాగం అధిపతిగా, కేయూ అవెన్యూప్లాంటేషన్‌ ఇన్‌చార్జ్‌ బాధ్యతలు నిర్వర్తిస్తున్నారు. వీరిద్దరు సంవత్సరం పాటు ఆయాపదవుల్లో బాధ్యతలు నిర్వర్తిస్తారు. వీరు నేడు బాధ్యతలు స్వీకరించనున్నారు.
ఉత్తర్వులు జారీ చేసిన కేయూ రిజిస్ట్రార్‌ మల్లారెడ్డి
అదనపు పరీక్షల నియంత్రణాధికారుల నియామకం
Comments
Please login to add a commentAdd a comment