జోగుళాంబను దర్శించుకున్న కాళేశ్వరం ఎంకై ్వరీ కమిషన్‌ చైర్మన్‌

జోగుళాంబను దర్శించుకున్న కాళేశ్వరం ఎంకై ్వరీ కమిషన్‌ చ

అలంపూర్‌: అలంపూర్‌ ఆలయాలను ఆదివారం కాళేశ్వరం ప్రాజెక్టు ఎంకై ్వరీ కమిషన్‌ చైర్మన్‌ పినాకి చంద్రఘోష్‌ కుటుంబ సమేతంగా దర్శించుకున్నారు. వారికి ఆలయ అధికారులు, అర్చకులు పూర్ణకుంభంతో స్వాగతం పలికారు. జోగుళాంబ బాలబ్రహ్మేశ్వరస్వామి ఆలయాల్లో ప్రత్యేక పూజలు నిర్వహించిన అనంతరం వేద ఆశీర్వచనం ఇచ్చి తీర్థ ప్రసాదాలు అందజేసి శేషవస్త్రాలతో సత్కరించారు.

మద్యం తాగేందుకు డబ్బు ఇవ్వలేదని..

తండ్రిని కడతేర్చిన తనయుడు

శాంతినగర్‌: మద్యం తాగేందుకు డబ్బు ఇవ్వలేదని కన్నతండ్రిని కొడుకు హతమార్చిన ఘటన వడ్డేపల్లి మండలం జక్కిరెడ్డిపల్లిలో ఆదివారం చోటు చేసుకుంది. గ్రామస్తుల వివరాల మేరకు.. జక్కిరెడ్డిపల్లికి చెందిన ఆకుల ఉప్పరి కృష్ణయ్య(52), అతడి కొడుకు యుగంధర్‌ మద్యం తాగారు. ఇంట్లో డీజే పాటలు పెట్టుకుని డ్యాన్స్‌ చేశారు. ఈ క్రమంలో మరింత మద్యం తాగడానికి తనకు డబ్బులు ఇవ్వాలని యుగంధర్‌ తన తండ్రి కృష్ణయ్యను కోరాడు. అయితే తన వద్ద డబ్బులు లేవని అతడు చెప్పడంతో కోపోద్రిక్తుడైన కొడుకు.. ఇంట్లో దొరికిన వస్తువులతో దాడికి పాల్పడ్డాడు. దీంతో కృష్ణయ్యకు తీవ్రగాయాలై అక్కడికక్కడే మృతి చెందాడు. మృతుడికి కుమారుడితో పాటు కూతురు, భార్య ఉన్నారు.

● వడ్డేపల్లి మండలం జక్కిరెడ్డిపల్లిలో ఘటన