బాసరలో సాంస్కృతిక కార్యక్రమాలు

బాసరలో సాంస్కృతిక కార్యక్రమాలు

బాసర: నిర్మల్‌ జిల్లా బాసర శ్రీజ్ఞాన సరస్వతి అమ్మవారి క్షేత్రంలో కార్తిక మాసం సందర్భంగా గురువారం సాంస్కృతిక కార్యక్రమాలు నిర్వహించారు. శ్రీవాగ్దేవి వాద్య సంగీత కళానృత్య సంస్కృతిక కూచిపూడి, భరతనాట్యం చిన్నారుల నృత్య ప్రదర్శన ఆకట్టుకుంది. హైదరాబాద్‌కు చెందిన శారద నాగేంద్ర యాదవ్‌ ఆధ్వర్యంలో కూచిపూడి నృత్యాన్ని ప్రదర్శించగా, తెనాలిలోని శ్రీలక్ష్మీ కూచిపూడి నృత్య కళా కేంద్రానికి చెందిన భావన పెదప్రోలు, వెంకటలక్ష్మి శిష్య బృందం ఆధ్వర్యంలో కూచిపూడి, భరతనాట్యం ప్రదర్శించారు. ప్రతిభ కనబర్చిన చిన్నారులకు ఆలయం తరఫున అమ్మవారి ప్రసాదంతోపాటు మెమొంటో అందజేశారు. ఇక ఆలయ ప్రాంగణంలో అర్చకులు, మహిళా భక్తులు కార్తిక దీపాలు వెలిగించారు.