![Allu Arjun Pushpa 2: The Rule Movie Updates](/sites/default/files/styles/webp/public/article_images/2024/07/3/Allu%20Arjun%20Pushpa%202.jpg.webp?itok=sYYId1nx)
డిష్యుం... డిష్యుం అంటూ ఫైట్ చేయనున్నారు పుష్పరాజ్. హీరో అల్లు అర్జున్, దర్శకుడు సుకుమార్ కాంబినేషన్లో రూపొందుతున్న సినిమా ‘పుష్ప’. ఈ చిత్రంలో పుష్పరాజ్ పాత్రలో అల్లు అర్జున్, శ్రీవల్లి పాత్రలో రష్మికా మందన్నా నటిస్తున్నారు. ‘పుష్ప’ నుంచి ఇప్పటికే ‘పుష్ప: ది రైజ్’ విడుదలై, ఘనవిజయం సాధించింది. ప్రస్తుతం ‘పుష్ప’ మలి భాగం ‘పుష్ప: ది రూల్’తో బిజీగా ఉన్నారు అల్లు అర్జున్ అండ్ సుకుమార్.
ఈ సినిమా కొత్త షెడ్యూల్ ఈ వారంలో హైదరాబాద్ శివార్లలోని ఓ ప్రముఖ స్టూడియోలో ప్రారంభం కానుందని తెలిసింది. అల్లు అర్జున్ పాల్గొనగా ఓ భారీ యాక్షన్ సీక్వెన్స్ను ప్లాన్ చేశారని, ఈ యాక్షన్ సీక్వెన్స్ క్లైమాక్స్లో రానుందని సమాచారం. మరి క్లైమాక్స్లో డిష్యుం... డిష్యుం అంటూ విలన్స్ను పుష్పరాజ్ ఏ విధంగా రఫ్ఫాడించాడో చూడాలంటే డిసెంబరు 6న థియేటర్స్కు వెళ్లాలి. ఆ రోజునే ‘పుష్ప: ది రూల్’ విడుదల కానుంది. నవీన్ ఎర్నేని, వై. రవిశంకర్, నిర్మిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నారు. సునీల్, అనసూయ, జగపతిబాబు, ఫాహద్ ఫాజిల్ ఈ సినిమాలోని ఇతర లీడ్ రోల్స్లో నటిస్తున్నారు.
Comments
Please login to add a commentAdd a comment