తెలంగాణలో మొట్టమొదటి కేంద్రం..

డిపార్ట్‌మెంట్‌ ఆఫ్‌ హెల్త్‌ రీసెర్చ్‌లో భాగంగా కేంద్ర ప్రభుత్వ కుటుంబ సంక్షేమ మంత్రిత్వ శాఖ 2013లో మోడల్‌ రూరల్‌ హెల్త్‌ రీసెర్చ్‌ యూనిట్ల ఏర్పాటుకు శ్రీకారం చుట్టింది. 2014 నుంచి దేశవ్యాప్తంగా 34 కేంద్రాలను ఏర్పాటు చేశారు. ఉమ్మడి రాష్ట్రంలో తిరుపతికి సమీపంలోని చంద్రగిరిలో కేంద్రాన్ని ఏర్పాటు చేయగా.. తాజాగా తెలంగాణ రాష్ట్రంలో మొదటి కేంద్రాన్ని ఇక్కడ ఏర్పాటు చేశారు. ఉమ్మడి మహబూబ్‌నగర్‌ జిల్లాలో మాతాశిశు మరణాలు, రక్తహీనత, గుండె సంబంధిత సమస్యలను ఎక్కువగా గుర్తించగా.. వాటిపై ఎంఆర్‌హెచ్‌ఆర్‌యూ ద్వారా పరిశోధనలు చేపట్టనున్నారు. మహబూబ్‌నగర్‌ ప్రభుత్వ వైద్య కళాశాలతో పాటు మహబూబ్‌నగర్‌, నాగర్‌కర్నూల్‌, వనపర్తి, జోగుళాంబ గద్వాల జిల్లాల్లో కేంద్రం పనిచేస్తుందని నోడల్‌ ఆఫీసర్‌ ఉదయ్‌కుమార్‌ తెలిపారు. వచ్చే జనవరి నుంచి ఇక్కడ కార్యకలాపాలను కొనసాగించనున్నట్లు పేర్కొన్నారు.