రాణి రుద్రమదేవికి ఘన నివాళి

రాణి రుద్రమదేవికి ఘన నివాళి

నకిరేకల్‌ : మండలంలోని చందుపట్ల గ్రామంలో బుధవారం వివేకానంద యువజన మండలి ఆధ్వర్యంలో కాకతీయ వీరవనిత రాణి రుద్రమదేవి వర్ధంతిని ఘనంగా నిర్వహించారు. ఈ సందర్భంగా రుద్రమదేవి మరణ శిలాశాసనం వద్ద పూజలు చేసి, ఆమె చిత్రపటానికి పూలమాలలు వేసి నివాళులర్పించారు. ఈ సందర్భంగా పలువురు మాట్లాడుతూ రుద్రమదేవి చరిత్రను భావితరాలకు తెలియజేయాల్సిన బాధ్యత ప్రతిఒక్కరిపై ఉందన్నారు. రాణి రుద్రమదేవి మరణ శిలాశాసనం ఉన్న చందుపట్ల గ్రామాన్ని పర్యాటక కేంద్రంగా తీర్చిదిద్దాలన్నారు. ఈ కార్యక్రమంలో వివేకానంద యువజన మండలి ప్రతినిధులు పోతుల వెంకన్న, బెజవాడ లక్ష్మీనారాయణ, కోటగిరి రాధాకృష్ణ, పుట్ట రాకేష్‌, పుట్ట సాయికుమార్‌, కొల్లు వివేక్‌, చౌగోని రాజశేఖర్‌, బుడిగె మహేష్‌, నాయకులు ప్రగడపు నవీన్‌రావు, మల్గిరెడ్డి రంగారెడ్డి, సిలివేరు ప్రభాకర్‌, ఇమడపాక వెంకన్న, పుట్ట సత్యనారాయణ, నర్సింహారావు, మాచర్ల సుదర్శన్‌, దోరపెల్లి మధు, దిగ్గోజు వెంకటాచారి, రామ్మూర్తి, శ్రీను, చందర్‌రావు, సైదులు, రమేష్‌ పాల్గొన్నారు.