TV
డాటా ఎంట్రీ పక్కాగా చేయాలి
డిచ్‌పల్లి: రాష్ట్ర ప్రభుత్వం ప్రతిష్టాత్మకంగా చేపట్టిన సమగ్ర కులగణన సర్వేలో సేకరించిన వివరాలను పకడ్బందీగా డాటా ఎంట్రీ చేయాలని నిజామాబాద్‌ ఆర్డీవో రాజేంద్రకుమార్‌ అన్నారు. మంగళవారం డిచ్‌పల్లి మండల పరిషత్‌ కార్యాలయంలో నవీపేట్‌, మాక్లూర్‌, డిచ్‌పల్లి, ధర్పల్లి, సిరికొండ, ఇందల్వాయి, మోపాల్‌, జక్రాన్‌ పల్లి, నిజామాబాద్‌ రూరల్‌ మండలాలకు చెందిన తహసీల్దార్లు, ఎంపీడీవోలు, మండల ప్రత్యేక అధికారులు, కంప్యూటర్‌ ఆపరేటర్లకు డాటా ఎంట్రీపై ఒకరోజు శిక్షణ నిర్వహించారు. ఆర్డీవో కుటుంబాల వివరాల నమోదు తీరును ప్రొజెక్టర్‌ సహాయంతో వివరించారు. కార్యక్రమంలో ఇన్‌చార్జి డీపీవో శ్రీనివాస్‌, అధికారులు పాల్గొన్నారు.
ఆర్డీవో రాజేంద్ర కుమార్‌
1/1
డాటా ఎంట్రీ పక్కాగా చేయాలి
Comments
Please login to add a commentAdd a comment