నగరంలో

నగరంలో

విజయవాడ నగరం మంగళవారం కోలాహలంగా మారింది. గాంధీనగర్‌ బీఆర్‌టీఎస్‌ రోడ్డులోని శ్రీ శృంగేరి శారదాపీఠానికి మాజీ సీఎం, వైఎస్సార్‌ సీపీ అధ్యక్షుడు వైఎస్‌ జగన్‌మోహన్‌రెడ్డి విచ్చేశారు. పీఠం ఉత్తరాధికారి శ్రీ విధుశేఖర భారతిస్వామిని దర్శించుకున్నారు. ఆయన వెంట వైవీ సుబ్బారెడ్డి ఉన్నారు. పార్టీ కార్యకర్తలు, నాయకులు, అభిమానులు పెద్ద సంఖ్యలో అక్కడికి చేరుకున్నారు. వైఎస్‌ జగన్‌కు పార్టీ నాయకులు దేవినేని అవినాష్‌, వెలంపల్లి శ్రీనివాసరావు, మల్లాది విష్ణు స్వాగతం పలికారు. పార్టీ మాజీ ఎమ్మెల్యేలు, నేతలతో జగన్‌ కొద్దిసేపు ముచ్చటించారు. పేరు పేరునా వారిని ఆప్యాయంగా పలకరించారు. చిరునవ్వుతో అభిమానులతో కరచాలనం చేశారు.

– గాంధీనగర్‌(విజయవాడసెంట్రల్‌)