భారీగా గంజాయి సీజ్‌

భారీగా గంజాయి సీజ్‌

పర్లాకిమిడి: గజపతి జిల్లా అడవ పోలీసుస్టేషన్‌ పరిధి నల్లాఘాట్‌, గుడ్రిపంక, పరమగుడ, ఉలియాపడలో సోమవారం పెట్రోలింగ్‌ నిర్వహించిన సమయంలో ఒక వ్యక్తి వద్ద సుమారు 337.700 కిలోల గంజాయి పట్టుబడింది. ఈ మేరకు గుడ్రిపంక గ్రామానికి చెందిన జగన్నాథ పరిచ్చాను అరెస్టు చేసి కోర్టుకు మంగళవారం తరలించినట్లు ఎస్పీ జితేంద్రనాథ్‌ తెలియజేశారు. అదేవిధంగా అడవ పోలీసుస్టేషన్‌ పరిధి ఉలియాపడ వద్ద జరిపిన పెట్రోలింగ్‌లో సుమారు మరో 155.900 కిలోలు గంజాయిని పోలీసులు స్వాధీనం చేసుకున్నారు. ఈ కేసుకు సంబంధించి అక్రమంగా గంజాయి రవాణా చేస్తున్న ముగ్గురు నిందితులను అరెస్టు చేసి కోర్టుకు తరలించారు. ఈ కేసులో ఉపేంద్ర బరయితో, సుధాం దొళాయి, సంతును దొళాయిలు అరైస్టెయ్యారు. వీరందరూ గంజాం జిల్లా బడగోడో గ్రామానికి చెందినవారని వెల్లడించారు.