42 వేల గంజాయి మొక్కలు ధ్వంసం

42 వేల గంజాయి మొక్కలు ధ్వంసం

పర్లాకిమిడి: గజపతి జిల్లాలో అక్రమంగా 42 ఎకరాల్లో పండిస్తున్న గంజాయి క్షేత్రాలను ఎస్పీ జితేంద్ర నాథ్‌ పండా ఎకై ్సజ్‌, అటవీ శాఖ, పోలీసు శాఖల సమన్వయంతో శుక్ర, శనివారం ధ్వంసం చేసి తగులబెట్టారు. ఈ సంఘటన మోహన బ్లాక్‌లో బడసింధిబా గ్రామ పంచాయతీ కుటిమరా గ్రామ సమీపంలో జరిగింది. ఈ జాయింట్‌ ఆపరేషన్‌లో 192 మంది అబ్కారీ, పోలీసు, ఫారెస్టు శాఖలకు చెందిన సిబ్బంది పాల్గొన్నారు. మొత్తం 42 ఎకరాల్లో పండిస్తున్న గంజాయి క్షేత్రంలో 42 వేల మొక్కలను యంత్రాలతో ధ్వంసం చేసి తగులబెట్టారు. గంజాయి పంటకు అక్టోబరు నుంచి జనవరి వరకు పంట కోతకు వచ్చే సమయం కావడం వల్ల పోలీసులు ఏజెన్సీలో నిఘా పెట్టారు. గంజాయిపై రానున్న రోజుల్లో ఉక్కుపాదం మోపుతామని ఇదివరకే ప్రెస్‌మీట్‌లో ఎస్పీ జితేంద్ర పండా ప్రకటించారు.

1/1

42 వేల గంజాయి మొక్కలు ధ్వంసం