బాల్‌బ్యాడ్మింటన్‌ జిల్లా జట్లు ఎంపిక

బాల్‌బ్యాడ్మింటన్‌ జిల్లా జట్లు ఎంపిక

చీమకుర్తి: రాష్ట్రస్థాయి బాల్‌బ్యాడ్మింటన్‌ పోటీల్లో పాల్గొనేందుకు ప్రకాశం జిల్లా జట్లను శనివారం చీమకుర్తిలో ఎంపిక చేశారు. స్కూల్‌ గేమ్స్‌ ఫెడరేషన్‌ ఆధ్వర్యంలో చీమకుర్తి ప్రభుత్వ హైస్కూల్లో నిర్వహించిన ఈ పోటీల్లో జిల్లాలోని పలు ప్రభుత్వ పాఠశాలల నుంచి 150 మంది క్రీడాకారులు పాల్గొన్నారు. అండర్‌–14, 17 విభాగాలలో బాలబాలికలకు వేరువేరుగా పోటీలు నిర్వహించి జిల్లా జట్లను ఎంపిక చేశారు. అండర్‌–14కు ఎంపికై న బాలబాలికల జట్లకు ఈ నెల 6, 7 తేదీల్లో అన్నమయ్య జిల్లాలో అండర్‌–17 జట్లకు త్వరలో రాజమండ్రిలో రాష్ట్రస్థాయి పోటీలు ఉంటాయని స్కూలు గేమ్స్‌ ఫెడరేషన్‌ సెక్రటరీ హాజీరాబేగం తెలిపారు. ఎంపికై న క్రీడాకారులను అభినందించారు. క్రీడాకారులకు మధ్యాహ్న భోజన సదుపాయాన్ని వెల్లంపల్లి రంగారావు ఏర్పాటు చేయటంతో స్కూలు గేమ్స్‌ ఫెడరేషన్‌ తరఫున అభినందించి కృతజ్ఞతలు తెలిపారు. కార్యక్రమంలో స్థానిక పీడీ డీ స్వరూపావాణి, జిల్లాలోని పలు ప్రాంతాల పీడీలు, పీఈటీలు పాల్గొన్నారు.

1/1

బాల్‌బ్యాడ్మింటన్‌ జిల్లా జట్లు ఎంపిక