TV
చెట్టును ఢీకొట్టిన ఆటో: డ్రైవర్‌ మృతి
దుబ్బాక: చెట్టును ఆటో ఢీకొట్టడంతో డ్రైవర్‌ అక్కడికక్కడే మృతి చెందాడు. ఈ ఘటన రాయపోల్‌ మండలం వడ్డేపల్లి గుర్రాలసోప చౌరస్తా వద్ద మంగళవారం రాత్రి చోటు చేసుకుంది. రాయపోల్‌ పోలీసుల కథనం మేరకు.. నిజామాబాద్‌కు చెందిన బిల్లివాల చంద్రకాంత్‌ (36) ఆటో నడుపుకుంటూ జీవనం సాగిస్తున్నాడు. నిజామాబాద్‌ నుంచి ఉదయం ఆటోలో రాంసాగర్‌ గ్రామంలో ఉన్న చెల్లెలు ఇంటికొచ్చాడు. తిరిగి సాయంత్రం నిజామాబాద్‌కు వెళ్తుండగా గుర్రాలసోప సమీపంలోని గజ్వేల్‌– చేగుంట మార్గంలో ఆటోను అతివేగంగా నడపడంతో అదుపుతప్పి చెట్టును ఢీకొట్టింది. ప్రమాదంలో తలకు బలమైన గాయాలై అక్కడికక్కడే మృతి చెందాడు. మృతుడి తల్లి లక్ష్మి ఫిర్యాదు మేరకు కేసు నమోదు చేసినట్లు ఎస్‌ఐ విక్కుర్తి రఘుపతి తెలిపారు.
Comments
Please login to add a commentAdd a comment