హాకీ పోటీల్లో రాణిస్తూ.. ముందుకు సాగుతూ..

నెల్లూరు(స్టోన్‌హౌస్‌పేట): చదువుకునే సమయంలో ఎంతో ఇష్టంగా ఆడిన హాకీ వారికి ఉద్యోగాలు వచ్చేలా చేసింది. ఆ తర్వాత కూడా పోటీల్లో పాల్గొంటూ ప్రతిభ చూపుతున్నారు. క్రీడలపై తమకున్న మక్కువను తెలియజేస్తున్నారు. సాధారణంగా స్పోర్ట్స్‌ కోటాలో ఉద్యోగం వచ్చిన తర్వాత క్రీడల్లో పాల్గొనడం మానేస్తారు. అయితే ఈ ముగ్గురూ మాత్రం ఓవైపు ఉద్యోగాలు చేస్తూనే మరోవైపు క్రమం తప్పకుండా జాతీయ స్థాయి పోటీలకు హాజరవుతున్నారు. జిల్లా నుంచి ముగ్గురు క్రీడాకారులు ఈ ఏడాది కూడా ఢిల్లీలో జరిగే జాతీయ సివిల్‌ సర్వీసెస్‌ హాకీ చాంపియన్‌షిప్‌లో రాష్ట్ర జట్టుకు ప్రాతినిధ్యం వహించనున్నారు.