ముగిసిన అంతర్‌ కళాశాలల పురుషుల క్రీడల టోర్నమెంట్‌

ముగిసిన అంతర్‌ కళాశాలల పురుషుల క్రీడల టోర్నమెంట్‌

వెంకటాచలం: మండలంలోని కాకుటూరు వద్దనున్న విక్రమసింహపురి యూనివర్సిటీ (వీఎస్‌యూ) క్రీడా మైదానంలో రెండు రోజుల పాటు జరిగిన అంతర్‌ కళాశాలల పురుషుల క్రీడల పోటీలు మంగళవారంతో ముగిశాయి. వివిధ కళాశాలల నుంచి విద్యార్థులు ఈ క్రీడా పోటీల్లో చాలా ఉత్సాహంగా పాల్గొన్నారు. బాస్కెట్‌ బాల్‌లో జేబీ డిగ్రీ కళాశాల (కావలి) విన్నర్‌గా, రన్నర్‌గా వీఎస్‌యూ కళాశాల (కావలి), చెస్‌లో జెనెక్స్‌ విజన్‌ డిగ్రీ కళాశాల (నెల్లూరు) విన్నర్‌గా, వీఎస్‌యూ కళాశాల (కాకుటూరు) రన్నర్‌గా, సాఫ్ట్‌బాల్‌లో డాక్టర్‌ ఎస్‌ఆర్‌జే డిగ్రీ కళాశాల (ఆత్మకూరు) విన్నర్‌గా, వీఎస్‌యూ కళాశాల (కాకుటూరు) రన్నర్‌గా, హ్యాండ్‌ బాల్‌లో జేబీ డిగ్రీ కళాశాల (కావలి) విన్నర్‌గా, వీఎస్‌యూ కళాశాల (కాకుటూరు) రన్నర్‌గా, ఉత్తమ శరీరాకృతి (బెస్ట్‌ ఫిజిక్‌)లో వీఎస్‌యూ కళాశాల (కాకుటూరు) విన్నర్‌గా, జెనెక్స్‌ విజన్‌ డిగ్రీ కళాశాల (నెల్లూరు రన్నర్‌గా నిలిచారు. పోటీల్లో విజేతలకు వీఎస్‌యూ ఇన్‌చార్జి వీసీ విజయభాస్కర్‌రావు బహుమతులు అందజేసి అభినందించారు. ఈ కార్యక్రమంలో ఇన్‌చార్జి రిజిస్ట్రార్‌ డాక్టర్‌ కె.సునీత, ప్రిన్సిపల్‌ సీహెచ్‌ విజయ, స్పోర్ట్స్‌ బోర్డు సెక్రటరీ డాక్టర్‌ సీహెచ్‌ వెంకట్రాయులు, టోర్నమెంట్‌ నిర్వాహకులు డాక్టర్‌ పి.నారాయణరాజు తదితరులు పాల్గొన్నారు.