వేడుకగా కాళియమ్మ ఆలయ మహా కుంభాభిషేకం

వేడుకగా కాళియమ్మ ఆలయ మహా కుంభాభిషేకం

సేలం: సేలంలోని ఎల్‌లై కాళియమ్మ ఆలయంలో ఆదివారం మహా కుంభాభిషేకం ఘనంగా నిర్వహించారు. సేలం జాన్సన్‌పేట చిన్న తిరుపతి రోడ్డులో ఎల్‌లై కాళియమ్మ ఆలయం ఉంది. ఈ ఆలయాన్ని ఇటీవలే పునరుద్ధరించారు. అనంతరం కుంభాభిషేక పనులను చేపట్టారు. ఆదివారం ఆలయ అధ్యక్షుడు సురేందర్‌ ఆధ్వర్యంలో అష్టబంధన మహా కుంభాభిషేకం నిర్వహించారు. గోపుర కళాశాలకు శివాచార్యులు పుణ్య జలాలను పోసి కుంభాభిషేకం చేపట్టారు. అనంతరం ఆ పుణ్య జలాలను భక్తులపై ప్రోక్షించారు. పెద్దసంఖ్యలో భక్తులు పాల్గొన్నారు. భక్తులకు అన్న ప్రసాదాలను అందజేశారు.