జనవరి 29న ఆరాధన మహోత్సవం

తిరుమల: ప్రముఖ వాగ్గేయకారుడు, కన్నడ సంగీత పదకవితా పితామహుడైన శ్రీ పురందరదాసుల ఆరాధన మహోత్సవాన్ని 2025 జనవరి 29వ తేదీన టీటీడీ వైభవంగా నిర్వహించనుంది. సహస్ర దీపాలంకరణ సేవ అనంతరం మలయప్పస్వామి ఉభయ దేవేరులతో కలిసి సాయంత్రం 5.30 గంటలకు తిరుమలలోని నారాయణగిరి ఉద్యానవనానికి విచ్చేస్తారు. సంగీత కళాకారుల బృందగానం ఆలకించిన అనంతరం స్వామివారు రాత్రి 8 గంటలకు బయలుదేరి 9 గంటలకు ఆలయానికి చేరుకుంటారు. పురందరదాసుల ఆరాధనా మహోత్సవం సందర్భంగా టీటీడీ దాస సాహిత్య ప్రాజెక్టు ఆధ్వర్యంలో పలు సాంస్కృతిక కార్యక్రమాలు నిర్వహిస్తారు.