2 నుంచి మార్గశిర మాసోత్సవాలు

2 నుంచి మార్గశిర మాసోత్సవాలు

డాబాగార్డెన్స్‌: ఉత్తరాంధ్రుల ఇలవేల్పు కనకమహాలక్ష్మి అమ్మవారి ఆలయంలో డిసెంబర్‌ 2 నుంచి 30వ వరకు మార్గశిర మాసోత్సవాలను వైభవంగా నిర్వహించనున్నట్లు ఆలయ ఏఈవో కె.తిరుమలేశ్వరరావు తెలిపారు. మార్గశిరమాసంలో ప్రతీ గురువారం పంచామృతాభిషేకాలు నిర్వహిస్తామని, ఇందులో పాల్గొనాలనుకునే భక్తులు రూ.7,500 చెల్లించాలని తెలిపారు. గురువారం మినహా మిగిలిన రోజుల్లో పంచామృతాభిషేకంలో పాల్గొనదలిచే భక్తులు రూ.2,500 పూజా రుసుం చెల్లించాలన్నారు. ప్రతి శుక్రవారం నిర్వహించే క్షీరాభిషేకానికి రూ.1,116 చెల్లించాలని, ఆయా పూజల్లో పాల్గొనదలచే భక్తులు పూజా రుసుమును ముందుగా చెల్లించి పేర్లు నమోదు చేసుకోవాలని తెలియజేశారు. ఆన్‌లైన్‌ ద్వారా www. aptemples.ap.gov.in వెబ్‌సైట్‌లో బుక్‌ చేసుకోవాలని పేర్కొన్నారు. నేరుగా టికెట్లు తీసుకునేవారి కోసం ఆలయ కౌంటర్లలోనూ టికెట్లు అందుబాటులో ఉంచామన్నారు.