TV
ఆకట్టుకున్న సైన్స్‌ కాంగ్రెస్‌ ప్రదర్శన
విజయనగరం అర్బన్‌: స్థానిక మున్సిపల్‌ కంటోన్మెంట్‌ ఉన్నత పాఠశాలలో ‘చెత్త నుండి సంపద’ అనే అంశంపై పర్యావరణ సైన్స్‌ కాంగ్రెస్‌ జిల్లా కమిటీ శనివారం నిర్వహించిన చిత్రలేఖన ప్రదర్శన ఆకట్టుకుంది. జిల్లాలోని వివిధ పాఠశాలల విద్యార్థులు తాము తయారుచేసిన పర్యావరణ హితవస్తువులను ప్రదర్శించారు. ‘వాతావరణ కాలుష్యం’ అనే అంశంపై విద్యార్థులు చిత్రించిన చిత్రలేఖనాలు, స్పాట్‌ పెయింట్స్‌ ఆలోచింపజేశాయి. ఈ ప్రదర్శనలో ఉత్తమమైన వాటిని ఎంపిక చేశారు. అనంతరం జరిగిన కార్యక్రమంలో విజేతలకు జ్ఞాపికలు, ధ్రువపత్రాలను డీఈఓ యు.మాణిక్యంనాయుడు అందజేశారు. కార్యక్రమంలో ఎన్‌జీసీ కో ఆర్డినేటర్‌ వేణుగోపాలరావు, క్లస్టర్‌ కోఆర్డినేటర్లు వి.సత్యారావు, పి.సత్యప్రకాష్‌, తదితరులు పాల్గొన్నారు.
1/1
ఆకట్టుకున్న సైన్స్‌ కాంగ్రెస్‌ ప్రదర్శన
Comments
Please login to add a commentAdd a comment