సర్టిఫికెట్‌ ఒక ఎంట్రీ పాస్‌ వంటిది

సర్టిఫికెట్‌ ఒక ఎంట్రీ పాస్‌ వంటిది

మహబూబ్‌నగర్‌ ఎడ్యుకేషన్‌: పాలమూరు యూనివర్సిటీలో పీజీ పూర్తి చేసుకున్న వారికి ఇచ్చే సర్టిఫికెట్‌ ఒక ఎంట్రీ పాస్‌ వంటిదని వీసీ జీఎన్‌ శ్రీనివాస్‌ అన్నారు. బుధవారం పీయూలో మొదటి సంవత్సరం విద్యార్థులకు ఏర్పాటు చేసిన ఇండక్షన్‌ కార్యక్రమంలో ఆయన మాట్లాడారు. కార్పొరేట్‌ కంపెనీలో ఉద్యోగం చేయాలంటే సర్టిఫికెట్‌తోపాటు వివిధ రకాల నైపుణ్యాలు అవసరమన్నారు. ఇక్కడ చదివిన విద్యార్థులకు వెంటనే ఉద్యోగ, ఉపాధి అవకాశాలు కల్పించేందుకు ఉద్యోగ ఆధారిత కోర్సులు ప్రవేశపెట్టేందుకు మెషన్‌ లర్నింగ్‌, ఆర్టిఫిషియల్‌ ఇంటెలిజెన్స్‌ వంటి కోర్సులు ఏర్పా టు చేస్తామన్నారు. అనంతరం వక్త, గ్లోబల్‌ స్పీకర్‌ రమేష్‌ వేముగంటి మాట్లాడారు. కార్యక్రమంలో జేఎన్‌టీయూ ఆలీమ్నీ అసోసియేషన్‌ అధ్యక్షుడు విజయ్‌మోహన్‌, డీన్‌ జైపాల్‌రెడ్డి పాల్గొన్నారు.