అంబానీ ఇంట పెళ్లంటే ఎలా ఉండాలి? దేశమంతా మార్మోగిపోవాలి. కలకాలం చరిత్రలో నిలిచిపోయేంత ఘనంగా సెలబ్రేషన్స్‌ జరగాలి. ప్రీవెడ్డింగ్‌ సెలబ్రేషన్సే అందుకు సాంపుల్‌. పెళ్లికి నాలుగు నెలల ముందే హడావుడి మొదలుపెట్టేశారు. మార్చి 1 నుంచి 3 వరకు అనంత్‌-రాధికల ప్రీవెడ్డింగ్‌ కార్యక్రమాలు నిర్వహిస్తున్నారు. ఇందుకోసం జాతీయ, అంతర్జాతీయ సెలబ్రిటీలు గుజరాత్‌లోని జామ్‌నగర్‌కు చేరుకుని వేడుకల్లో భాగమయ్యారు. అంబానీ ఫ్యామిలీకి థ్యాంక్స్‌ మొదటి రోజు పాప్‌ సింగర్‌ రిహాన్నా తన పర్ఫామెన్స్‌తో అల్లాడించేసింది. భారత్‌లో ఇదే తన తొలి లైవ్‌ పర్ఫామెన్స్‌ కావడం విశేషం. ఇక స్టేజీపై మైక్‌ అందుకుని మాట్లాడిన రిహాన్నా.. 'నన్ను ఇక్కడికి ఆహ్వానించిన అంబానీ కుటుంబానికి కృతజ్ఞతలు. అలాగే కాబోయే కొత్త జంట అనంత్‌- రాధికిలకు ఆల్‌ద బెస్ట్‌' అని చెప్పుకొచ్చింది. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. అంబానీ కుటుంబంతో డ్యాన్స్‌ ఇది చూసిన నెటిజన్లు ఆమెకు పెళ్లికూతురి పేరు కూడా పలకడానికి రావడం లేదని సెటైర్లు వేస్తున్నారు. కోట్లు అందుకున్నప్పుడు కనీసం ఆ జంట పేర్లయినా బట్టీ పట్టాల్సిందని కామెంట్స్‌ చేస్తున్నారు. ఇకపోతే స్టేజీపై పోర్‌ ఇట్‌ అప్‌, వైల్డ్‌ థింగ్స్‌, డైమండ్స్‌ సాంగ్స్‌ పాడిన రిహాన్నా.. చివర్లో ఇషా అంబానీ, ముఖేశ్‌ అంబానీతో కలిసి డ్యాన్స్‌ చేసింది. ఒక్క రోజు పర్ఫామెన్స్‌ కోసం ఆమె ఏకంగా రూ.70 కోట్ల పైనే పారితోషికం తీసుకున్నట్లు తెలుస్తోంది. View this post on Instagram A post shared by Viral Bhayani (@viralbhayani) View this post on Instagram A post shared by RihannaHT (@twintwins17) చదవండి: భర్తను అన్‌ఫాలో చేసిన నయనతార.. ఆగమైన ఫ్యాన్స్‌!

‘‘కథ రాయడం మొదలుపెట్టి, తొలి డ్రాఫ్ట్‌ పూర్తి చేసేవరకూ నా సినిమాకు ‘సూపర్‌మేన్‌: లెగసీ’ అనే టైటిల్‌నే అనుకున్నాను. కానీ ఫైనల్‌ డ్రాఫ్ట్‌ పూర్తి చేశాక ‘లెగసీ’ని వదిలేద్దామని నిర్ణయించుకున్నాను. ఇప్పుడు నా సినిమా టైటిల్‌ జస్ట్‌ ‘సూపర్‌మేన్‌’... అంతే. మా ఈ సూపర్‌మేన్‌ వచ్చే ఏడాది జూలై 11న మీ ముందుకు వస్తాడు’’ అని సామాజిక మాధ్యమాల ద్వారా దర్శకుడు  జేమ్స్‌ గన్‌ పేర్కొన్నారు. సూపర్‌మేన్‌ క్యారెక్టర్‌తో ఇప్పటివరకూ ‘సూపర్‌మేన్‌’ ఫ్రాంచైజీలను నిర్మించిన డీసీ స్టూడియోస్‌ తాజా సూపర్‌మేన్‌ చిత్రాన్ని నిర్మించనుంది. అయితే సూపర్‌మేన్‌ని కొత్త రకంగా చూపించనున్నారు జేమ్స్‌ గన్‌. ఇప్పటివరకూ వచ్చిన చిత్రాల్లో సూపర్‌మేన్‌ ధరించిన సూట్‌కి భిన్నంగా తాజా చిత్రంలోని సూపర్‌మేన్‌ సూట్‌ ఉంటుందట. కాగా ఈ మధ్యకాలంలో సూపర్‌మేన్‌ అంటే నటుడు హెన్రీ కవిల్‌ గుర్తొస్తారు. 2013 నుంచి 2021 వరకూ డీసీ స్టూడియోస్‌ నిర్మించిన సూపర్‌మేన్‌ చిత్రాల్లో టైటిల్‌ రోల్‌లో అద్భుతంగా ఒదిగిపోయారు హెన్రీ. కానీ, తాజా చిత్రంలో ఈ  పాత్రను డేవిడ్‌ కోరెన్స్‌వెట్‌ చేయనున్నారు. ‘‘సూపర్‌మేన్‌ జీవితంలోని  పూర్వ భాగంపై ఈ చిత్రం ఉంటుంది. ఈ పాత్రను హెన్రీ కవిల్‌ చేయలేడు. అందుకే డేవిడ్‌ కోరెన్స్‌వెట్‌ని తీసుకున్నాం’’ అని జేమ్స్‌ గన్‌ పేర్కొన్నారు. ఇదిలా ఉంటే... ఇప్పటివరకూ మూడు నాలుగు చిత్రాల్లో మాత్రమే నటించిన 30 ఏళ్ల డేవిడ్‌ కోరెన్స్‌వెట్‌కి ‘సూపర్‌మేన్‌’ చాన్స్‌ రావడం అనేది గొప్ప విషయం అని హాలీవుడ్‌ అంటోంది.   

రిలయన్స్ అధినేత 'ముఖేష్ అంబానీ' చిన్న కుమారుడు అనంత్, ఎన్‌కోర్ హెల్త్‌కేర్ అధినేత 'వీరెన్ మర్చంట్' కుమార్తె రాధికల ప్రీ వెడ్డింగ్ వేడుకలు మొదలైపోయాయి. ఈ కార్యక్రమానికి ప్రపంచం నలుమూలల నుంచి సెలబ్రిటీలు, పారిశ్రామిక వేత్తలు హాజరవుతున్నారు. ఇందులో గ్లోబల్ సెన్సేషన్, పాప్ క్వీన్ 'రిహాన్నా' కూడా ఉన్నారు. రిహాన్నా గురువారమే జామ్‌నగర్‌ చేరుకుంది. ఈమె అనంత్, రాధిక ప్రీ వెడ్డింగ్ కార్యక్రమంలో పర్ఫామెన్స్ కూడా చేయనుంది. ఈ పర్ఫామెన్స్ కోసం అంబానీ ఫ్యామిలీ ఈమె కోసం 8 నుంచి 9 బిలియన్ డాలర్లు చెల్లిస్తున్నట్లు తెలుస్తోంది. భారతీయ కరెన్సీ ప్రకారం దాదాపు రూ. 66 కోట్ల నుంచి రూ. 74 కోట్లు. జామ్‌నగర్‌ చేరుకున్న సమయంలో రిహాన్నా లగేజ్ ఎంతో మందికి ఆశ్చర్యానికి ఆశ్చర్యం కలిగించింది. ఈమెతో పాటు పలువురు సింగర్స్, ఇతర కళాకారులు ఈ వేడుకలో పాల్గొనే అవకాశం ఉంది. ఈ రోజు ప్రారంభమైన ప్రీ వెడ్డింగ్ వేడుకలు మరో రెండు రోజులు (మార్చి 3) జరగనున్నాయి. ఇదీ చదవండి: అంబానీకి కాబోయే కోడలి గురించి ఈ విషయాలు తెలుసా? అనంత్, రాధికల ప్రీ వెడ్డింగ్ వేడుకలకు స్వీడన్ మాజీ ప్రధాని కార్ల్ బిల్డ్, కెనడా మాజీ ప్రధాని స్టీఫెన్ హార్పర్, బొలీవియా మాజీ అధ్యక్షుడు జార్జ్ క్విరోగా, ఆస్ట్రేలియా మాజీ ప్రధాని కెవిన్ రూడ్, వరల్డ్ ఎకనామిక్ ఫోరమ్ చైర్‌పర్సన్ క్లాస్ వంటి వారితో పాటు దిగ్గజ కంపెనీల సీఈఓలు మొదలైనవారు ఉన్నారు. View this post on Instagram A post shared by 𝑹𝒖𝒑𝒆𝒔𝒉 𝑺𝒖𝒓𝒗𝒆 (@rupesh.surve07)

మలయాళ బ్లాక్ బస్టర్ దృశ్యం మూవీకి అరుదైన ఘనత దక్కింది. ఈ సినిమాను హాలీవుడ్‌లో రీమేక్‌ చేయనున్నట్లు టాక్ వినిపిస్తోంది. ప్రముఖ హాలీవుడ్‌ చిత్ర నిర్మాణ సంస్థ ఇంగ్లిష్‌, స్పానిష్‌లలో తెరకెక్కించన్నట్లు ప్రకటించింది. దీంతో హాలీవుడ్‌లో రీమేక్‌ కానున్న మొదటి భారతీయ చిత్రంగా దృశ్యం నిలవనుంది.  ఈ చిత్రాన్ని మోహన్‌ లాల్, మీనా ప్రధాన పాత్రల్లో దర్శకుడు జీతూ జోసెఫ్‌ తెరకెక్కించారు. మలయాళంలో తెరకెక్కిన ఈ చిత్రం సూపర్‌ హిట్‌గా నిలిచింది. ఆ తర్వాత సీక్వెల్‌గా వచ్చిన దృశ్యం-2 కూడా సక్సెస్‌ అందుకుంది. ఆ తర్వాత తెలుగులో వెంకటేశ్ నటించగా.. భారీ హిట్‌ను సొంతం చేసుకుంది.   హిందీలో అజయ్‌ దేవ్‌గణ్‌, శ్రియ ప్రధాన పాత్రల్లో నటించారు. తమిళంలో కమల్‌ హాసన్‌, గౌతమి ప్రధాన పాత్రల్లో నటించారు.  ఇప్పటికే దృశ్యం సిరీస్ చిత్రాలను కొరియన్‌లో రీమేక్‌ చేశారు. అక్కడ కూడా భారీ విజయాన్ని సాధించింది. తాజాగా హాలీవుడ్‌కు చెందిన  గల్ఫ్‌ స్ట్రీమ్ పిక్చర్స్‌, మరో నిర్మాణ సంస్థతో కలిసి దృశ్యం సినిమాలను‌ ప్రేక్షకులకు అందించనుంది. ఇండియన్‌ సినిమా నిర్మాణ సంస్థ పనోరమ స్టూడియోస్‌ నుంచి అంతర్జాతీయ రీమేక్‌ హక్కులను ఆ సంస్థ సొంతం చేసుకుంది. దీంతో హలీవుడ్ దృశ్యంలో నటీనటులుగా ఎవరు కనిపించనున్నారన్నది ప్రస్తుతం ఆసక్తిగా మారింది. కాగా.. త్వరలోనే మలయాళంలో దృశ్యం 3 రానుంది.

డ్వేన్‌ డగ్లస్‌ జాన్సన్‌ అంటే గుర్తుపట్టకపోవచ్చేమో గానీ.. ‘ది రాక్‌’ అనగానే చాలా మందికి అతడి రూపం కళ్ల ముందు కదలాడుతుంది. ప్రొఫెషనల్‌ రెజ్లర్‌గా.. హాలీవుడ్‌ స్టార్‌గా అతడు సాధించిన.. సాధిస్తున్న విజయాలు స్ఫురణకు వస్తాయి. ఏకంగా ఎనిమిదిసార్లు వరల్డ్‌ రెజ్లింగ్‌ ఎంటర్‌టైన్మెంట్‌ చాంపియన్‌గా నిలిచిన ఘనత డ్వేన్‌ జాన్సన్‌ సొంతం. హాలీవుడ్‌లోనూ తన నటనతో స్టార్‌గా తనకంటూ అభిమానులను సంపాదించుకున్నాడతడు! కఠిన సవాళ్లను దాటుకుని కాలిఫోర్నియాలోని శాన్‌ ఫ్రాన్సిస్‌కోలో మే 2, 1972లో జన్మించాడు డ్వేన్‌ జాన్సన్‌. అతడి తల్లిండ్రులు అటా జాన్సన్‌, రాకీ జాన్సన్‌. రాకీ ప్రొఫెషన్‌ రెజ్లర్‌. తండ్రిని చూసి చిన్ననాటి నుంచే రెజ్లింగ్‌పై ఇష్టం పెంచుకున్నాడు డ్వేన్‌. డబ్ల్యుడబ్ల్యుఈ హాల్‌ ఆఫ్‌ ఫేమ్‌లో చోటు సంపాదించిన తండ్రి, తాత వారసత్వాన్ని పుణికిపుచ్చుకుని తానూ రెజ్లర్‌గా మారాలని నిర్ణయించుకున్నాడు. అయితే, తండ్రి సంపాదనలో నిలకడ లేకపోవడంతో చిన్నతనం నుంచే ఆర్థికంగా కష్టాలు చవిచూశాడు. అద్దె కట్టలేని కారణంగా ఎన్నోసార్లు ఇళ్లు మారాల్సి వచ్చేది. This man @TheAnswerMMA is a very special human being. Themba is committed to three things: His family, his village and people in Africa, and becoming world champion in the @ufc. What an inspiration he is. Rooting for him all the way. ❤️ https://t.co/ZOOfOZLka4 — Dwayne Johnson (@TheRock) February 28, 2024 ఫలితంగా అప్పటికి రెజ్లర్‌గా మారాలన్న కలకు విరామం ఇచ్చాడు. స్కూళ్లో చదువుతున్న సమయంలో ఫుట్‌బాల్‌ కోచ్‌ డ్వేన్‌లో దాగిన ప్రతిభను గుర్తించి అవకాశమిచ్చాడు. క్రమక్రమంగా స్టార్‌ ఫుట్‌బాలర్‌గా పేరొంది పెద్ద క్లబ్బులకు ఆడే అవకాశాలు వచ్చినా గాయాల కారణంగా చేజారిపోయేవి. దీంతో మళ్లీ కథ మొదటికే వచ్చేది. అలాంటి సమయంలో అనూహ్యంగా ప్రొఫెషనల్‌ రెజ్లింగ్‌లో అడుగుపెట్టాడు డ్వేన్‌ జాన్సన్‌. ఆరంభంలో తండ్రి, తాత పేరు కలిసి వచ్చేలా రాకీ మైవియా పేరుతో బరిలోకి దిగాడు. ఈ క్రమంలో కఠిన సవాళ్లు ఎదుర్కొని తనకంటూ ఫ్యాన్‌ బేస్‌ సొంతం చేసుకుని ‘ది రాక్‌’గా ఎదిగాడు. డబ్ల్యుడబ్ల్యుఈ సూపర్‌స్టార్‌గా క్రేజ్‌ సంపాదించాడు. అంతటితో సంతృప్తి చెందక హాలీవుడ్‌లో నటుడిగా అదృష్టం పరీక్షించుకుని అక్కడా విజయవంతమయ్యాడు డ్వేన్‌ జాన్సన్‌.  రెజ్లింగ్‌లోనే కాదు.. దయచూపడంలోనూ రాజే! ఇతరులకు సాయం చేయడంలోనూ తాను ముందే ఉంటానని నిరూపించాడు డ్వేన్‌ జాన్సెన్‌. అమెరికన్‌ మిక్స్‌డ్‌ మార్షల్‌ ఆర్ట్స్‌ను ప్రోత్సహించే అల్టిమేట్‌ ఫైటింగ్‌ చాంపియన్‌షిప్‌లో రాణించాలనుకుంటున్న ఆఫ్రికన్‌ వ్యక్తికి అందమైన ఇంటిని బహుమతిగా ఇచ్చాడు. తన అకౌంట్లో కేవలం ఏడు డాలర్లే ఉన్నాయంటూ ఆవేదన వ్యక్తం చేసిన అతడిని సర్‌ప్రైజ్‌ చేశాడు. ‘‘ఇతడు ఎంతో ప్రత్యేకమైన మనిషి. తెంబా జీవితంలో మూడు అత్యంత ముఖ్యమైనవి.  తన కుటుంబం, సౌతాఫ్రికాలోని తన గ్రామం, అక్కడి ప్రజలు.. ఇంకా యూఎఫ్‌సీలో వరల్డ్‌ చాంపియన్‌ కావడం. ఎంతో మందికి తను స్ఫూర్తి’’ అంటూ సదరు వ్యక్తిని ప్రశంసించిన డ్వేన్‌ జాన్సెన్‌.. అతడికి ఇంటి తాళాలు అందించిన వీడియోను పంచుకున్నాడు. ఈ వీడియో తాజాగా నెట్టింట వైరల్‌ అవుతోంది. తెంబా అంకితభావానికి ఫిదా అయి మియామిలో ఫుల్‌ ఫర్నిష్డ్‌ ఇంటిని కానుకగా అందించాడు. ఈ నేపథ్యంలో డ్వేన్‌ జాన్సన్‌ పెద్ద మనసు పట్ల ప్రశంసలు కురుస్తున్నాయి. The Rock gifted a UFC fighter a house after he tweeted he had $7 in his bank account pic.twitter.com/osT5Ve0GXC — Historic Vids (@historyinmemes) February 27, 2024

ఎన్టీఆర్, రామ్‌చరణ్‌ హీరోలుగా దర్శకత్వం వహించిన ‘ఆర్‌ఆర్‌ఆర్‌’ చిత్రంతో దర్శకుడు రాజమౌళికి ప్రపంచవ్యాప్తంగా మంచి గుర్తింపు వచ్చిన విషయం తెలిసిందే. పైగా ప్రతిష్టాత్మక ఆస్కార్‌ అవార్డు (‘నాటు నాటు..’ పాటకు బెస్ట్‌ ఒరిజినల్‌ సాంగ్‌ అవార్డు) కూడా సాధించడంతో హాలీవుడ్‌ ప్రముఖుల దృష్టిలో పడ్డారు రాజమౌళి. ‘టైటానిక్, అవతార్‌’లాంటి అద్భుత చిత్రాల సృష్టికర్త జేమ్స్‌ కామెరూన్‌ అయితే ‘ఆర్‌ఆర్‌ఆర్‌’ని, రాజమౌళి మేకింగ్‌ని ప్రశంసించారు కూడా. రాజమౌళిలోని మేకర్‌ అంటే కామెరూన్‌కి మంచి అభిమానం ఏర్పడిందని ఆయన మాటలు స్పష్టం చేశాయి. ఆ అభిమానంతోనే రాజమౌళి ఆహ్వానానికి కామెరూన్‌ పచ్చజెండా ఊపారని టాక్‌. మహేశ్‌బాబు హీరోగా రాజమౌళి దర్శకత్వంలో అంతర్జాతీయ స్థాయిలో ఓ భారీ చిత్రం తెరకెక్కనున్న విషయం తెలిసిందే. ప్రపంచ దేశాల్లోని పలు భాషల్లో ఈ చిత్రం రిలీజ్‌ కానుంది. బడ్జెట్‌ రూ. వెయ్యి కోట్లు అని భోగట్టా. ఇంత భారీ చిత్రం కాబట్టేప్రారంభోత్సవానికి ముఖ్య అతిథిగా కామెరూన్‌ని ఆహ్వానించారని టాక్‌. ఇప్పటికే ప్రీప్రోడక్షన్‌ పనులు దాదాపు పూర్తి కావచ్చిన నేపథ్యంలో త్వరలో సినిమాని ఆరంభించాలనుకుంటున్నారట. సో.. వార్తల్లో ఉన్న ప్రకారం కామెరూన్‌ని రాజమౌళి ఆహ్వానించారా లేదా అనేది త్వరలోనే తెలిసిపోతుంది.

ప్రస్తుతం సోషల్‌మీడియాలో దేశవ్యాప్తంగా ఒక వార్త వైరల్‌ అవుతుంది. డ్రైవర్ లేకుండానే కాశ్మీర్ నుంచి పంజాబ్ వరకు   గూడ్స్ రైలు పరుగులు తీసింది. గంటకు సుమారు 80 కిలామీటర్ల వేగంతో దూసుకెళ్లింది.  లోకో పైలట్, అసిస్టెంట్ లోకో పైలట్ హ్యాండ్ బ్రేక్ వేయకుండానే బయటకు వెళ్లిపోగా పఠాన్ కోట్ వైపు రైల్వే ట్రాక్ వాలుగా ఉండటం వల్ల రైలు ముందుకు కదిలింది. దీంతో ఈ సంఘటన చోటు చేసుకుంది. చివరికి ఉచ్చి బస్సీ రైల్వే స్టేషన్ వద్ద చెక్క దిమ్మెలు అడ్డుపెట్టి అపాల్సి వచ్చింది. ఈ రైలు ప్రయాణిస్తున్న సమయంలో ట్రాక్‌పై ఎదురుగా రైళ్లు రాకపోవడంతో పెను ప్రమాదం తప్పింది. ఇదీ సంగతి.. ఇప్పుడు సోషల్‌ మీడియాలో అందుకు సంబంధించిన వీడియోలు నెట్టింట చక్కర్లు కొడుతున్నాయి. అన్‌స్టాపబుల్‌ పేరుతో సినిమా .. సీట్‌ ఎడ్జ్‌లో కూర్చోబెట్టే కథ ఇలాంటి సంఘటనతో ముందే ఒక సినిమా వచ్చిందని తెలుసా.. అన్‌స్టాపబుల్ అనే హాలీవుడ్‌ సినిమాలో కూడా అచ్చు ఇలానే జరుగుతుంది. ఎంతో ఉత్కంఠతో సాగే ఈ సినిమా 2010లో విడుదల అయింది. యాక్షన్ థ్రిల్లర్ చిత్రంగా టోనీ స్కాట్ దర్శకత్వం వహించి నిర్మించారు. ఈ సినిమా కథ మొత్తం ఒక ట్రైన్‌ చుట్టూ తిరుగుతుంది. ప్రస్తుతం జరిగిన సంఘటన మాదిరే.. అన్‌స్టాపబుల్ సినిమా కథ ఉంటుంది. ఇందులో కూడా ఇద్దరు రైల్వే ఉద్యోగులు చేసిన పొరపాటు వల్ల ట్రాక్‌ నుంచి కదిలిన ట్రైన్‌ ఆటోమెటిక్‌గా వెళ్లిపోతుంది. ఆ ట్రైన్‌లో ప్రమాదకరమైన కెమికల్స్‌ ఉంటాయి. ఏ మాత్రం పొరపాటు జరిగితే భారీ విధ్వంసం జరగడం ఖాయం. లోకో పైలట్‌ లేకుండానే వేగం పెంచుకుంటూ గంటకు 100 కిలోమీటర్లతో దూసుకెళ్తుంది. ఆ సమయంలో ఎదురుగా 150 మంది పిల్లలతో ఒక ట్రైన్‌ వస్తుంది. ఇలాంటి సమయంలో ఆ విద్యార్థులు ఎలా బయటపడ్డారు..? అనే సీన్స్‌ నరాలు తెగె ఉత్కంఠతను పెంచుతాయి. ఆ తర్వాత ట్రాక్‌పై ప్రమాదానికి గురైన ఒక లారి పడి ఉంటుంది.. అ‍ప్పుడేం జరుగుతుంది..? అమెజాన్‌ ప్రైమ్‌లో స్ట్రీమింగ్‌ ఈ ఘటన దాటిన తర్వాత 100 కిలోమీటర్ల వేగంతో వెళ్తున్న ట్రైన్‌ వేగం తగ్గించుకోవాలి కానీ అందులో లోకో పైలట్‌ లేడు.. వేగం తగ్గకపోతే విధ్వంసమే.. ఆ సమయంలో డైరెక్టర్‌ మలుపు తిప్పిన ట్విస్ట్‌ ఏంటి..? చివరకు టన్నుల కొద్ది కెమికల్స్‌తో ఉన్న ఆ ట్రైన్‌ను ఎలా ఆపారు.. ఆ సమయంలో జరిగిన సీన్స్‌ తలుచుకుంటే మైండ్‌ బ్లాంక్‌ అవుతుంది. ప్రాణాలతో చెలగాటం లెక్క ఉన్న ఈ సినిమా అమెజాన్‌ ప్రైమ్‌ వీడియోలో స్ట్రీమింగ్‌ అవుతుంది. చూడకుంటే చూసేయండి మిమ్మల్ని మరో ప్రపంచంలోకి పక్కాగ తీసుకెళ్తుంది. ఫైనల్‌ ట్విస్ట్‌ ఎమిటంటే ఇది రియల్‌ సంఘటన అని కొన్ని అమెరికన్‌ పత్రికలు ప్రచురించాయి. 78 km without driver. Goods train ran over: Forgot to start and apply handbrake; Train reached Punjab from Jammu, stopped by placing wooden stopper#Train pic.twitter.com/dDIj7G78py — Dushyant Kumar (@DushyantKrRawat) February 25, 2024

ప్రముఖ సినిమాటోగ్రాఫర్‌ సంతోష్‌ శివన్‌కు అరుదైన గౌరవం లభించింది. కాన్స్‌ చలన చిత్రోత్సవాల్లో అందించే ప్రతిష్టాత్మకమైన పియర్‌ ఏంజెనీ అవార్డు ఈ ఏడాది సంతోష్‌ శివన్‌ను వరించింది. మే 14 నుంచి మే 25 వరకు 77వ కాన్స్‌ ఫిల్మ్‌ ఫెస్టివల్‌ ఫ్రాన్స్‌లో జరగనుంది. మే 24న సంతోష్‌ శివన్‌ అవార్డు అందుకోనున్నారని హాలీవుడ్‌ సమాచారం. కాగా ఈ అవార్డును అందుకోనున్న తొలి భారతీయుడు కూడా సంతోష్‌ శివనే అనే వార్తలు వినిపిస్తున్నాయి. ఇక సినిమాటోగ్రఫీ విషయంలో విశిష్ట సేవలు అందించి, రెట్రో ఫోకస్‌ అండ్‌ మోడ్రన్‌ లెన్స్‌ను కనుగొన్న ఫ్రెంచ్‌ శాస్త్రవేత్త  పియర్‌ ఏంజెనీకి నివాళిగా 2013లో ఆయన పేరిట పియర్‌ ఏంజెనీ అవార్డు ఆరంభించారు కాన్స్‌ ఫిల్మ్‌ ఫెస్టివల్‌ నిర్వహకులు. అప్పట్నుంచి ప్రతి ఏటా ఒక ఛాయాగ్రాహకుడికి ఈ అవార్డుని ప్రదానం చేస్తూ వస్తున్నారు. ఈ ఏడాది సంతోష్‌ శివన్‌ అందుకోనున్నారు. ఇక ఛాయాగ్రాహకుడిగా సంతోష్‌ చేసిన చిత్రాల్లో హిందీ ‘దిల్‌ సే’, ‘ముంబైకర్‌’ (దర్శకుడిగానూ), తెలుగులో ‘స్పైడర్‌’, తమిళంలో ‘తుపాకీ’, మలయాళంలో ‘ఉరుమి’ (దర్శకుడిగానూ),  వంటి పలు చిత్రాలు ఉన్నాయి. కేవలం సినిమాటోగ్రాఫర్‌గానే కాదు.. దర్శకుడిగా, నటుడిగా, నిర్మాతగా కూడా నిరూపించుకున్నారు.

మహేశ్‌ బాబు 'బ్రహ్మోత్సవం' సినిమాతో చైల్డ్‌ ఆర్టిస్టుగా పరిచయమై నేడు ప్రపంచవ్యాప్తంగా గుర్తింపు దక్కించుకున్న అవంతిక వందనపు హాలీవుడ్‌లో సత్తా చాటుతుంది. తాజాగా ఆమె నటించిన హాలీవుడ్‌ సినిమా ఓటీటీలోకి వచ్చేసింది. ఈ మధ్య  టాలీవుడ్‌ ప్రేక్షలు కూడా భాషతో సంబంధం లేకుండా కంటెంట్‌ బాగుంటే అన్ని సినిమాలను చూస్తున్న విషయం తెలిసిందే. ఈ క్రమంలో అవంతిక నటించిన చిత్రం తాజాగా ఓటీటీలోకి రావడంతో అమెరికాలోని తెలుగు ప్రేక్షకులు క్రేజీగా చూస్తున్నారు. హాలీవుడ్‌లో 'మీన్‌ గర్ల్స్‌- ది మ్యూజికల్' అనే సినిమాలో అవంతిక కీలకపాత్ర పోషించింది.  జనవరి 12న  ప్రేక్షకుల ముందుకు వచ్చిన ఈ సినిమా అక్కడి ప్రేక్షకులను మెప్పించింది. ఈ చిత్రంలో ఆమె నటన పట్ల హాలీవుడ్‌ ప్రేక్షకులు ప్రశంసించారు. టీన్‌ కామెడీ చిత్రంగా వచ్చిన ఇందులో  హాలీవుడ్‌ ప్రముఖ నటులతో కలిసి అవంతిక నటించింది. ఈ చిత్రంలోని బోల్డ్‌ సాంగ్‌ ఒకటి ఇప్పటికీ కూడా నెట్టింట వైరల్‌ అవుతుంది. 'మీన్‌ గర్ల్స్‌-ది మ్యూజికల్' అనే సినిమా ఓటీటీలో మంచి రెస్పాన్స్‌ను అందుకుంటోంది. అమెజాన్ ప్రైమ్ వీడియోలో స్ట్రీమింగ్ అవుతున్న ఈ సినిమా ఇప్పటికే హాలీవుడ్‌లో ట్రెండింగ్‌ అవుంతుంది. కానీ ఈ సినిమాను ప్రస్తుతం ఇండియన్‌ ప్రేక్షకులు చూడలేరు.  ప్రస్తుతానికి అమెరికాలో మాత్రమే స్ట్రీమింగ్ అవుతోంది. త్వరలో ఇండియన్‌ ప్రేక్షకులకు కూడా యాక్సెస్‌ రావచ్చని సమాచారం.  'బ్రహ్మోత్సవం' సినిమాలో మహేశ్‌ బాబుకు చెల్లెలుగా నటించిన అవంతిక పలు వాణిజ్య ప్రకటనల్లో కూడా నటించింది. కానీ ఆ తర్వాత ఏ తెలుగు సినిమాలోనూ ఆమె కనిపించలేదు.  ప్రస్తుతం ఆమె నటించిన మరో రెండు హాలీవుడ్‌ చిత్రాలు విడుదలకు సిద్ధంగా ఉన్నాయి. వీటితో పాటు మూడు హాలీవుడ్‌ వెబ్‌ సిరీస్‌ల్లోనూ అవంతిక నటిస్తోంది. 

గతేడాది బాక్సాఫీస్ వద్ద సూపర్‌ హిట్‌ చిత్రం ఓపెన్ హైమర్. క్రిస్టోఫర్ నోలన్ తెరకెక్కించిన ఈ సినిమా ప్రపంచవ్యాప్తంగా భారీ వసూళ్లు రాబట్టింది. అంతే కాకుండా ఆస్కార్‌ నామినేషన్స్‌లో ఏకంగా 13 విభాగాల్లో నామినేషన్స్‌ దక్కించుకుంది. ఇటీవల ప్రకటించిన బాఫ్టా అవార్డుల్లో ఏడింటిని కైవసం చేసుకుంది. అయితే ఇప్పటికే ఓటీటీకి వచ్చేసిన ఓపెన్‌ హైమర్‌ అమెజాన్‌ ప్రైమ్‌లో స్ట్రీమింగ్ అవుతోంది. కానీ కేవలం రెంట్ విధానంలో మాత్రం చూసే అవకాశం ఉంది.  దీంతో తాజాగా మరో ఓటీటీకి ఈ చిత్రాన్ని స్ట్రీమింగ్‌కు తీసుకొస్తున్నారు. థియేట‌ర్ల‌లో రిలీజైన ఎనిమిది నెల‌ల త‌ర్వాత హాలీవుడ్ మూవీ జియో సినిమాలో రాబోతోంది. మార్చి 21 నుంచి ఓపెన్‌హైమ‌ర్ స్ట్రీమింగ్ కాబోతుంది. ఈ విషయాన్ని జియో సినిమా అఫీషియ‌ల్‌గా ప్రకటించింది. అయితే జియో ప్రీమియ‌మ్ క‌స్ట‌మ‌ర్స్ మాత్ర‌మే ఓపెన్‌హైమ‌ర్ మూవీని ఓటీటీలో చూడవచ్చు. ఓటీటీలో ఇంగ్లీష్‌తో పాటు హిందీ, ద‌క్షిణాది భాష‌ల్లో ఓపెన్‌హైమ‌ర్ స్ట్రీమింగ్ కానున్నట్లు తెలుస్తోంది.  13 విభాగాల్లో ఆస్కార్ నామినేష‌న్స్‌ ఇటీవ‌ల ప్ర‌క‌టించిన ఆస్కార్ నామినేష‌న్స్‌లో ఓపెన్ హైమ‌ర్ ఓరేంజ్‌లో అద‌ర‌గొట్టింది. ఏకంగా ప‌ద‌మూడు విభాగాల్లో నామినేష‌న్స్‌ సాధించింది. 96వ ఆస్కార్ అవార్డ్స్‌లో అత్య‌ధిక నామినేష‌న్స్ ద‌క్కించుకున్న మూవీగా ఓపెన్ హైమ‌ర్ రికార్డ్ క్రియేట్ చేసింది. ఈ సినిమాకు క‌నీసం ప‌ది వ‌ర‌కు ఆస్కార్ అవార్డులు ద‌క్కే అవ‌కాశం ఉంద‌ని హాలీవుడ్ సినీ వ‌ర్గాలు భావిస్తున్నాయి. ఈ ఏడాదిలో లాస్‌ ఎంజిల్స్‌ వేదికగా మార్చి 11న ఆస్కార్ అవార్డుల‌ను ప్ర‌క‌టించ‌నున్నారు. ఓపెన్‌ హైమర్ కథేంటంటే..  అణుబాంబు సృష్టిక‌ర్త ఓపెన్‌హైమ‌ర్ జీవితం ఆధారంగా ద‌ర్శ‌కుడు క్రిస్టోఫ‌ర్ నోల‌న్ ఈ మూవీని తెర‌కెక్కించాడు. రెండో ప్ర‌పంచ‌యుద్ద స‌మ‌యంలో అణుబాంబును త‌యారు చేయ‌డానికి ఓపెన్ హైమ‌ర్ ఎలాంటి ప్ర‌యోగాలు చేశాడు? త‌న‌ను తాను ప్ర‌పంచ‌వినాశ‌కారిగా ఓపెన్ హైమ‌ర్ ఎందుకు ప్ర‌క‌టించుకోవాల్సి వ‌చ్చిందనే కోణంలో రూపొందించారు. ఈ సినిమాలో ఓపెన్‌హైమ‌ర్‌గా సిలియ‌న్ మార్ఫీ, అమెరికా అధ్య‌క్షుడు లూయిస్ స్ట్రాస్‌గా రాబ‌ర్ట్ డౌనీ నటించారు. 

ప్రముఖ ఆధ్యాత్మిక గురువు, ఇషా ఫౌండేషన్‌ వ్యవస్థాపకులు సద్గురు జగ్గీ వాసుదేవ్ పరిచయం చేయాల్సిన పనిలేదు. తన ఫౌండేషన్‌ ద్వారా సేవ్ సాయిల్ పేరిట అవగాహన కల్పిస్తున్నారు. తాజాగా ఆయన సినిమాల్లోను ఎంట్రీ ఇచ్చారు. ఇటీవల విడుదలైన హాలీవుడ్ చిత్రం 'దిస్ ఈజ్ మీ నౌ: ఎ లవ్ స్టోరీ'లో నటి జెన్నిఫర్ లోపెజ్‌ నటించిన చిత్రంలో కనిపించారు. ఈ సినిమాకు డేవ్‌ మేయర్స్‌ దర్శకత్వం వహించారు.  ఇటీవలే ఈ చిత్రం అమెజాన్‌ ప్రైమ్‌లో రిలీజైంది. లవ్‌ స్టోరీ నేపథ్యంలో తెరకెక్కించిన దిస్ ఈజ్ మీ నౌ: ఎ లవ్ స్టోరీలో బెన్ అఫ్లెక్, ట్రెవర్ నోహ్, సోఫియా వెర్గారా, కేకే పాల్మెర్, పోస్ట్ మలోన్, నీల్ డి గ్రాస్సే టైసన్ ప్రధాన పాత్రల్లో నటించారు. వీరితో పాటు ఇషా ఫౌండేషన్ అధినేత సద్గురు జగ్గీ వాసుదేవ్ ఓ కీలక పాత్రలో కనిపించారు. తాజాగా ఈ సినిమాలో ఆయన  నటించిన వీడియో సోషల్ మీడియాలో వైరలవుతోంది.  ఈనెల 16 నుంచే అమెజాన్‌ ప్రైమ్‌లో స్ట్రీమింగ్‌ అవుతోన్న ఈ చిత్రానికి ప్రేక్షకులు, విమర్శకుల నుంచి మంచి స్పందన వస్తోంది. ఇండియాతో పాటు మరికొన్ని దేశాల్లో పేరు తెచ్చుకున్న జగ్గీ వాసుదేవ్ ఈ సినిమాతో మరింత ఫేమస్ అయ్యారు.  See who is in Hollywood. Sadhguru appeared in the Hollywood movie, 'This is Me... Now'. It's so exciting to see his role alongside other Hollywood stars. 🙌✨🤩 "You Shall Always Be Loved" ❤️🙏#sadhguru #SadhguruInHollywood pic.twitter.com/Hr7lBVkJby — JANAKA (@immortalsutra) February 17, 2024 nothing, just all shades of @JLo being herself! 💗#ThisIsMeNowOnPrime, watch now pic.twitter.com/ZORql3wrf9 — prime video IN (@PrimeVideoIN) February 21, 2024

ప్రముఖ దర్శకుడు క్రిస్టోఫర్‌ నోలన్‌ తెరకెక్కించిన బయోగ్రాఫికల్‌ థ్రిల్లర్‌ ‘ఒప్పెన్‌ హైమర్‌’ చిత్రానికి అవార్డుల పంట పండింది. లండన్‌లోని రాయల్‌ ఫెస్టివల్‌ హాల్‌లో 77వ బ్రిటిష్‌ అకాడమీ ఫిల్మ్‌ అవార్డుల (బాఫ్టా) ప్రదానోత్సవం ఆదివారం రాత్రి జరిగింది. దేశం నుంచి దీపికా పదుకోన్‌ ఈ వేడుకల్లో పాల్గొని, ‘నాన్‌ ఇంగ్లిష్‌’ విభాగంలో ఉత్తమ చిత్రానికి (ది జోన్‌ ఆఫ్‌ ఇంట్రెస్ట్‌) అవార్డు అందజేశారు. ఇక ‘భాఫ్టా’లో ‘ఒప్పెన్‌ హైమర్‌’ చిత్రం ఏడు విభాగాల్లో పురస్కారాలు అందుకుని సత్తా చాటింది.                   అవార్డులతో ‘ఒప్పెన్‌ హైమర్‌’ టీమ్‌  ఉత్తమ చిత్రం, దర్శకుడు, నటుడు, సహాయనటుడు, సినిమాటోగ్రఫీ, బ్యాగ్రౌండ్‌ స్కోర్, ఎడిటింగ్‌ విభాగాల్లో ‘ఒప్పెన్‌ హైమర్‌’కి అవార్డులు దక్కాయి. క్రిస్టోఫర్‌ నోలన్‌కు దర్శకుడిగా దక్కిన తొలి బాఫ్టా అవార్డు ఇది. ఇప్పటికే అత్యధిక గోల్డెన్‌ గ్లోబ్‌ అవార్డులు గెలుచుకున్న ‘ఒప్పెన్‌ హైమర్‌’ చిత్రం తాజాగా బాఫ్టాలో ఏడు పురస్కారాలు దక్కించుకుని, వచ్చే నెలలో జరిగే ఆస్కార్‌ రేసులో 13 విభాగాల్లో పోటీలో ఉంది. ఇక ‘బాఫ్టా’లో ‘ఒప్పెన్‌ హైమర్‌’ తర్వాత ‘పూర్‌ థింగ్స్‌’ మూవీ అధికంగా ఐదు (కాస్ట్యూమ్, మేకప్, హెయిర్‌–స్టైలింగ్,ప్రోడక్షన్, స్పెషల్‌ విజువల్‌ ఎఫెక్ట్స్‌ విభాగాల్లో) అవార్డులను పొందింది. ఆ తర్వాత ‘ది జోన్‌ ఆఫ్‌ ఇంట్రెస్ట్‌’ సినిమాకి మూడు పురస్కారాలు దక్కాయి.   భారతీయత ఉట్టిపడేలా... ‘భాఫ్టా’ అవార్డుల ప్రదానోత్సవంలో ప్రజెంటర్‌గా వ్యవహరించిన దీపికా పదుకోన్‌ ప్రత్యేక ఆకర్షణగా నిలిచారు. ఈ కార్యక్రమంలో పాల్గొన్న తొలి భారతీయ నటి దీపికా కావడం విశేషం. ఈ వేదికపై భారతీయత ఉట్టిపడేలా చీరలో మెరిశారు దీపికా పదుకోన్‌. ‘చూపు తిప్పుకోలేనంత అందంగా ఉంది’ అనే ప్రశంసలు ఈ బ్యూటీ సొంతమయ్యాయి. ఈ వేడుకలో బ్యాక్‌ స్టేజీలో దీపికా దిగిన ఫొటోలు వైరల్‌ అయ్యాయి. ఇదిలా ఉంటే అంతర్జాతీయ సినీ వేడుకల్లో దీపికా పదుకోన్‌ పాల్గొనడం ఇది రెండోసారి. గతేడాది జరిగిన ఆస్కార్‌ అవార్డుల ప్రదానోత్సవంలో దీపిక ప్రజెంటర్‌గా వ్యవహరించారు. ‘ఆర్‌ఆర్‌ఆర్‌’ చిత్రంలోని ‘నాటు నాటు..’ పాటను ఆమె ఆస్కార్‌ వేదికపై పరిచయం చేశారు.

క్రిస్టోఫర్ నోలన్ ఆధారంగా తెరకెక్కిన ఓపెన్‌హైమర్ బయోపిక్ మరోసారి రికార్డు క్రియేట్‌ చేసింది. 77వ బ్రిటిష్‌ అకాడమీ ఫిలిం అవార్డు (BAFTA) వేడుకల్లో తన సత్తా చాటింది. 2024 ఏడాదికి సంబంధించి ఓపెన్‌హైమర్ అవార్డ్స్‌లో అగ్రగామిగా నిలిచింది. ఉత్తమ దర్శకుడు, ఉత్తమ చిత్రం, ఉత్తమ నటుడు సహా ఏడు అవార్డులను గెలుచుకుంది. నోలన్‌కు దర్శకుడిగా ఇదే తొలి BAFTA అవార్డు కావడం విషేశం. బాఫ్టా ఫిల్మ్ 2024 అవార్డుల వేడుక లండన్‌లోని రాయల్ ఫెస్టివల్ హాల్‌లో జరిగింది. పూర్ థింగ్స్ లో తన నటనకు గాను ఎమ్మా స్టోన్ ఉత్తమ నటి అవార్డును గెలుచుకుంది. ఓపెన్ హైమర్‌లో మనోజ్ఞ నటనకు సిలియన్ మర్ఫీ ఉత్తమ నటుడి అవార్డును గెలుచుకున్నారు. పూర్ థింగ్స్ చిత్రానికి సంబంధించి కాస్ట్యూమ్, మేకప్, హెయిర్-స్టైలింగ్, ప్రొడక్షన్, స్పెషల్ విజువల్ ఎఫెక్ట్స్ వంటి విభాగాల్లో ఐదు బాఫ్టా అవార్డులను పొందింది.   ఇప్పటికే అత్యధిక గోల్డెన్‌ గ్లోబ్‌ అవార్డులు గెలుచుకున్న 'ఓపెన్‌హైమర్‌' వచ్చే నెలలో జరిగే ఆస్కార్‌ రేసులో తన స్థానాన్ని మరింత సుస్థిరం చేసుకుంది. ఇవన్నీ చూస్తే ఈసారి ఆస్కార్‌ అవార్డుల్లో ఓపెన్‌హైమర్ పంట పండటం ఖాయం అని చెప్పవచ్చు. BAFTA అవార్డు విజేతలు ఉత్తమ చిత్రం: ఓపెన్‌హైమర్‌ ఉత్తమ దర్శకుడు:  క్రిస్టోఫర్‌ నోలన్‌ (ఓపెన్‌హైమర్‌) ఉత్తమ నటుడు:  సిలియన్‌ మర్ఫీ (ఓపెన్‌హైమర్‌) ఉత్తమ నటి:  ఎమ్మా స్టోన్‌ (పూర్‌ థింగ్స్‌) ఉత్తమ సహాయ నటుడు:  రాబర్ట్‌ డౌనీ జూనియర్‌ (ఓపెన్‌హైమర్‌) ఉత్తమ సహాయ నటి:  డావిన్‌ జాయ్‌ రాండాల్ఫ్‌ (ది హోల్డోవర్స్‌) ఉత్తమ కాస్ట్యూమ్: హోలీ వాడింగ్టన్ (పూర్ థింగ్స్) ఉత్తమ బ్రిటిష్ చిత్రం: జోనాథన్ గ్లేజర్, జేమ్స్ విల్సన్ (క్రాబ్ డే) ఉత్తమ సినిమాటోగ్రఫీ: హోట్‌ వాన్‌ హోటిమా (ఓపెన్‌హైమర్‌)  ఉత్తమ ఎడిటింగ్: జెన్నిఫర్ లేమ్ (ఓపెన్‌హైమర్)  ఉత్తమ ఒరిజినల్ స్క్రీన్ ప్లే: జస్టిన్ ట్రిట్, ఆర్థర్ హరారి (అనాటమీ ఆఫ్ ఎ ఫాల్ ) ఉత్తమ విజువల్స్: సైమన్ హ్యూస్ (పూర్ థింగ్స్ ) ఉత్తమ డాక్యుమెంటరీ:  20 డేస్‌ ఇన్‌ మరియోపోల్‌ Oh boy! Cillian Murphy collects his Leading Actor BAFTA for Oppenheimer 🙌 #EEBAFTAs pic.twitter.com/M5pjKhtrqZ — BAFTA (@BAFTA) February 18, 2024 Your Leading Actress winner is Emma Stone! #EEBAFTAs pic.twitter.com/Gyk48SQXrZ — BAFTA (@BAFTA) February 18, 2024

హాలీవుడ్‌ జోకర్‌ మళ్లీ వస్తున్నాడు. హాలీవుడ్‌ మ్యూజికల్‌ సైకలాజికల్‌ థ్రిల్లర్‌ ఫిల్మ్‌ ‘జోకర్‌’. జోక్విన్‌ ఫీనిక్స్‌ ప్రధాన పాత్రలో టాడ్‌ ఫిలిప్స్‌ డైరెక్షన్‌లో రూపొందిన ఈ సినిమా 2019లో విడుదలై బాక్సాఫీస్‌ వద్ద బ్లాక్‌ బస్టర్‌గా నిలిచింది. ఈ’ సినిమాకు సీక్వెల్‌గా ‘జోకర్‌ 2’ (జోకర్‌: ఫోలీ ఎ డ్యూక్స్‌)ను ప్రకటించారు టాడ్‌ ఫిలిప్స్‌. ఈ చిత్రంలో జోక్విన్‌ ఫీనిక్స్‌తో పాటు లేడీ గగా మరో లీడ్‌ రోల్‌ చేస్తున్నారు. జాజై బీట్జ్‌ మరో లీడ్‌ రోల్‌లో కనిపిస్తారు. లాస్‌ ఏంజిల్స్, న్యూయార్క్, న్యూ జెర్సీ లొకేషన్స్‌లో చిత్రీకరణ జరిపారు. ఈ చిత్రం ట్రైలర్‌ ఏప్రిల్‌ 4న విడుదల కానుం దని హాలీవుడ్‌ టాక్‌. సినిమాను ఈ ఏడాది అక్టోబరు 4న విడుదల చేయాలనుకుంటున్నారు. టాడ్‌ ఫిలిప్స్, బ్రాడ్లీ కూపర్‌ నిర్మిస్తున్న ఈ చిత్రాన్ని ప్రపంచవ్యాప్తంగా వార్నర్‌ బ్రదర్స్‌ డిస్ట్రిబ్యూట్‌ చేయనుంది.

అమెరికన్‌ ఫిల్మ్స్‌ ‘గాడ్జిల్లా’ ఫ్రాంచైజీలో వస్తున్న తాజా చిత్రం ‘గాడ్జిల్లా వర్సెస్‌ కాంగ్‌: ది న్యూ ఎంపైర్‌’ (2024). రెబెక్కా హాల్, బ్రియాన్‌ టైరీ హెన్రీ, డన్‌ స్టీవెన్స్, కైలీ హోట్లీ, అలెక్స్‌ ఫెర్న్స్, ఫలా చెన్‌ ప్రధాన పాత్రల్లో నటించిన ఈ చిత్రానికి ఆడమ్‌ విన్‌గార్డ్‌ దర్శకుడు. భారీ బడ్జెట్‌తో లెజండరీ పిక్చర్స్‌ నిర్మించిన ఈ సినిమాను వార్నర్‌ బ్రదర్స్‌ రిలీజ్‌ చేస్తున్నారు. ‘గాడ్జిల్లా వర్సెస్‌ కాంగ్‌: ది న్యూ ఎంపైర్‌’ చిత్రం అంతర్జాతీయంగా మార్చి 27న, యునైటెడ్‌ స్టేట్స్‌లో మార్చి 29న, జపాన్‌లో ఏప్రిల్‌ 26న విడుదల కానుంది. ఈ నేపథ్యంలో ‘గాడ్జిల్లా వర్సెస్‌ కాంగ్‌: ది న్యూ ఎంపైర్‌’ నుంచి లేటెస్ట్‌ ట్రైలర్‌ను విడుదల చేశారు. ‘మేము ఓ సిగ్నల్‌ని కనుగొన్నాం’, ‘ఏదో ఊహించనది జరగబోతోంది’, ‘అది కేవలం సిగ్నల్‌ మాత్రమే కాదు.. యుద్ధానికి పిలుపు’ వంటి డైలాగ్స్‌ ట్రైలర్‌లో ఉన్నాయి. ఇక 2021లో వచ్చిన ‘గాడ్జిల్లా వర్సెస్‌ కాంగ్‌’కి సీక్వెల్‌గా ‘గాడ్జిల్లా వర్సెస్‌ కాంగ్‌: ది న్యూ ఎంపైర్‌’ చిత్రం తెరకెక్కింది.    

సినీ ప్రియులు సినిమాలకే పరిమితం కాకుండా వెబ్‌ సిరీస్‌లకూ ఓటేస్తున్నారు. కొత్త కంటెంట్‌తో రిలీజయ్యే సిరీస్‌లను ఆదరిస్తున్నారు. ఇది దృష్టిలో పెట్టుకునే ఓటీటీ ప్లాట్‌ఫామ్స్‌ కూడా ఎప్పటికప్పుడు కొత్త కొత్త సిరీస్‌లను రిలీజ్‌ చేస్తున్నాయి. ఇప్పటికే అలా వచ్చినవాటిలో ఎన్నో హిట్టయ్యాయి కూడా! ఈ క్రమంలో కొన్ని సూపర్‌ హిట్‌ సిరీస్‌లకు సీక్వెల్స్‌ ప్రకటించింది డిస్నీ ప్లస్‌ హాట్‌స్టార్‌. అవేంటో చూసేద్దాం.. సేవ్‌ ది టైగర్స్‌  హాట్‌స్టార్‌లో గతేడాది వచ్చిన తెలుగు వెబ్‌ సిరీస్‌లలో సేవ్‌ ది టైగర్స్‌ ఒకటి. కడుపుబ్బా నవ్వించిన ఈ సిరీస్‌ ఫ్యామిలీ ఆడియన్స్‌కు బాగా కనెక్ట్‌ అయింది. తేజ కాకుమాను దర్శకత్వం వహించగా ప్రియదర్శి, అభినవ్‌ గోమటం, కృష్ణ చైతన్య ప్రధాన పాత్రలు పోషించారు. వీరి భార్యల పాత్రల్లో సుజాత, దేవయాని, పావని గంగిరెడ్డి నటించారు. హీరోలు ముగ్గురూ ఒక్కో రంగానికి సంబంధించినవారు. కానీ ఈ ముగ్గురూ భార్యా బాధితులే. భార్యల నస వల్ల ఫ్రస్టేషన్‌కు గురవతుంటారు. ఈ క్రమంలో వారి కాపురాలు ప్రమాదంలో పడతాయి. అలాంటి పరిస్థితుల్లో వీరు ఏం చేశారు? ఎటువంటి పరిణామాలు చోటు చేసుకున్నాయనేది రెండో సీజన్‌లో చూపించనున్నారు. ఈ ముగ్గురు హీరోలు జైల్లో ఉన్నట్లు ఓ పోస్టర్‌ రిలీజ్‌ చేసింది హాట్‌స్టార్‌. త్వరలోనే రెండో సీజన్‌ రిలీజ్‌ చేయనున్నట్లు ప్రకటించింది. Can anyone save the tigers this time around?! #HotstarSpecials #SavetheTigers S2 coming soon. pic.twitter.com/Yb1rtpoZao — Disney+ Hotstar (@DisneyPlusHS) February 14, 2024 కేరళ క్రైమ్‌ ఫైల్స్‌ 2 ఇది పూర్తిగా క్రైమ్‌ సిరీస్‌. గతేడాది కేరళ క్రైమ్‌ ఫైల్స్‌ రిలీజైంది. ఆషిఖ్‌ ఐమర్‌ అందించిన కథకు అహ్మద్‌ కబీర్‌ దర్శకత్వం వహించాడు. ఒక లాడ్జిలో వేశ్య హత్యకు గురవుతుంది. తనను ఎవరు చంపారు? ఎందుకు చంపారు? అన్న కోణంలో పోలీసులు విచారణ చేపడుతూ హంతకుడి కోసం వెతుకులాట మొదలుపెడతారు. ఒక ఫేక్‌ అడ్రస్‌ను పట్టుకుని వారు దర్యాప్తు చేస్తూ ఉంటారు. ఈ మలయాళ సిరీస్‌లో అజు వర్గీస్‌, లాల్‌, షింజ్‌ షాన్‌, సంజు సనిచెన్‌, అశ్వతి మనోహర్‌, నవాస్‌ వల్లికున్ను, దేవకి తదితరులు నటించారు. ఓటీటీలో ఏడు భాషల్లో స్ట్రీమింగ్‌ అవుతున్న ఈ హిట్‌ సిరీస్‌కు సీక్వెల్‌ ప్రకటించారు. త్వరలోనే కొత్త కేసుతో కేరళ క్రైమ్‌ ఫైల్స్‌ 2 రానున్నట్లు వెల్లడించారు. View this post on Instagram A post shared by Disney+ Hotstar (@disneyplushotstar) గూస్‌బంప్స్‌ ఇది ఒక హారర్‌ సిరీస్‌. ఆర్‌.ఎల్‌. స్టీన్‌ రాసిన పుస్తకం ఆధారంగా ఈ అమెరికన్‌ సిరీస్‌ రూపొందించారు. ఇందులో జాక్‌ మారిస్‌, ఇసా బ్రియోన్స్‌, మైల్స్‌ మెకెన్నా, అనయి పుయిగ్‌, విల్‌ ప్రైస్‌, రాచెల్‌ హారిస్‌ ప్రధాన పాత్రలు పోషించారు. రాబ్‌ లాటెర్‌మాన్‌, నికోలర్‌ స్టోలర్‌ దర్శకత్వం వహించారు. పది ఎపిసోడ్లతో హాట్‌స్టార్‌లో అందుబాటులో ఉంది. కథేంటంటే.. హైస్కూల్‌ విద్యార్థులు ఓ రోజు పాడుబడ్డ బంగ్లాలోకి వెళ్తారు. అక్కడ 30 ఏళ్ల క్రితం ఓ పిల్లవాడు చచ్చిపోతాడు. ఆ బంగ్లాకు వెళ్లినప్పటినుంచి విద్యార్థుల జీవితాల్లో అనేక మార్పులు చోటు చేసుకుంటాయి. మరి ఆ బంగ్లాలో ఎన్ని ఆత్మలున్నాయి? వాటితో వీళ్లు ఎలా పోరాడారు? ఎవరు విజయం సాధించారన్నదే గూస్‌బంప్స్‌ స్టోరీ. తాజాగా దీనికి కూడా సీక్వెల్‌ ప్రకటించారు.. త్వరలోనే రెండో సీజన్‌ రానున్నట్లు ప్రకటించింది హాట్‌స్టార్‌. ఇలా ఫన్‌, క్రైమ్‌, హారర్‌ సిరీస్‌లు త్వరలో అందుబాటులోకి వస్తున్నాయని తెలిసి ఖుషీ అవుతున్నారు ఓటీటీ లవర్స్‌! Season 2 of #GoosebumpsSeries is coming. pic.twitter.com/M1WgMzijg5 — Disney+ Hotstar (@DisneyPlusHS) February 12, 2024 చదవండి: విజయ్‌కు ఒక్క ఛాన్స్‌ ఇవ్వండి.. నాకూ రాజకీయాల్లోకి..

హాలీవుడ్‌ సూపర్‌ హీరోస్‌ ఫిల్మ్స్‌లో ‘డెడ్‌ పూల్‌’ ఫ్రాంచైజీ ఒకటి. 2016లో వచ్చిన ‘డెడ్‌ పూల్‌’, 2018లో వచ్చిన ‘డెడ్‌ పూల్‌ 2’ సినిమాలు బాక్సాఫీస్‌ వద్ద మంచి వసూళ్లు రాబట్టాయి. ప్రేక్షకులను అమితంగా అలరించాయి. తాజాగా ‘డెడ్‌ పూల్‌’ సిరీస్‌లోని మూడో భాగం ‘డెడ్‌ పూల్‌ అండ్‌ వోల్వరైన్‌’ విడుదలకు సిద్ధమవుతోంది. ర్యాన్‌ రేనాల్డ్స్, హ్యూ జాక్‌మెన్‌ ప్రధాన పాత్రల్లో, ఎమ్మా కొరిన్, మోరెనా బక్కరిన్, రాబ్‌ డెలానీ కీలక పాత్రల్లో నటించారు. షాన్‌ లెవీ ఈ సినిమాకు దర్శకత్వం వహించారు. జూలై 26న ‘డెడ్‌ పూల్‌ అండ్‌ వోల్వరైన్‌’ చిత్రం విడుదల కానుంది. ఈ సందర్భంగా ఇటీవల ఈ సినిమా ట్రైలర్‌ను విడుదల చేశారు మేకర్స్‌. ట్రైలర్‌ విడుదలైన 24 గంటల్లో 365 మిలియన్‌ వ్యూస్‌ను సాధించింది. 24 గంటల్లో ఇన్ని వ్యూస్‌ రావడంతో ఇదే ప్రపంచ రికార్డు అని మేకర్స్‌ పేర్కొన్నారని హాలీవుడ్‌ అంటోంది. గతంలో ఈ రికార్డు 2021లో విడుదలైన ‘స్పైడర్‌మేన్‌: నో వే హోమ్‌’ ట్రైలర్‌ పేరిట ఉండేది. 24 గంటల్లో ‘స్పైడర్‌ మేన్‌: నో వే హోమ్‌’ ట్రైలర్‌ 355.5 మిలియన్‌ వ్యూస్‌ సాధించింది. ఇప్పుడు ‘డెడ్‌ పూల్‌ అండ్‌ వోల్వరైన్‌’ ట్రైలర్‌ రాకతో ‘స్పైడర్‌మేన్‌: నో వే హోమ్‌’ సెకండ్‌ ప్లేస్‌లోకి వెళ్లింది. - పోడూరి నాగ ఆంజనేయులు

మార్వెల్ ప్రేక్ష‌కుల‌కు గుడ్ న్యూస్. మార్వెల్ సినిమాటిక్ యూనివర్స్ నుంచి మ‌రో సూప‌ర్ హీరో మూవీ రాబోతుంది. ఇప్ప‌టికే మార్వెల్ యూనివర్స్ నుంచి వ‌చ్చిన డెడ్‌పూబ్లా సినిమాలు ఎంత పెద్ద బ్లాక్ బస్టర్ అయ్యాయో ప్రత్యేకంగా చెప్పనక్కర్లేదు. అయితే తాజాగా ఈ సిరీస్ నుంచి మ‌రో సినిమా రాబోతుంది. మార్వెల్ స్టూడియోస్ నుంచి వ‌స్తున్న తాజా చిత్రం ‘డెడ్‌పూల్ & వోల్వారిన్’ .ఈ సినిమాలో ర్యాన్ రేనాల్డ్స్, హ్యూగ్ జాక్‌మాన్ ప్ర‌ధాన పాత్ర‌ల్లో న‌టిస్తుండ‌గా.. షాన్ లెవీ ద‌ర్శ‌క‌త్వం వ‌హిస్తున్నాడు. మార్వెల్ స్టూడియోస్, 21 ల్యాప్స్ ఎంట‌ర్‌టైన‌మెంట్ సంయుక్తంగా నిర్మిస్తున్నాయి. జూలై 26న ప్రేక్ష‌కుల ముందుకు రానుంది. ఈ సంద‌ర్భంగా మేక‌ర్స్ టీజ‌ర్ విడుదల చేశారు. ఫుల్ యాక్ష‌న్ అడ్వెంచర్‌గా ప్రేక్షకుల ముందుకు రాబోతున్న ఈ సినిమా టీజర్ ఆసక్తికరంగా ఉంది. డెడ్‌పూల్‌గా ర్యాన్ రేనాల్డ్స్ మ‌రోసారి ఎంట‌ర్‌టైన్ చేయ‌డానికి సిద్ద‌మ‌యిన‌ట్లు తెలుస్తుంది. ఇక ఈ సినిమాలో ఎమ్మా కొరిన్, మోరెనా బక్కరిన్, రాబ్ డెలానీ, లెస్లీ ఉగ్గమ్స్, కరణ్ సోని, మాథ్యూ మక్‌ఫాడియన్ త‌దిత‌రులు ముఖ్యపాత్ర‌లు పోషిస్తున్నారు.

ఆస్కార్‌ అవార్డుల్లో ఓ కొత్త కేటగిరీ చేరనుంది. ప్రస్తుతం 23 విభాగాల్లో ఆస్కార్‌ అవార్డులను ప్రదానం చేస్తున్నారు. కొత్తగా క్యాస్టింగ్‌ డైరెక్టర్స్‌కు ఓ కేటగిరీని చేర్చినట్లు అకాడమీ వెల్లడించింది. దీంతో ఆస్కార్‌ అవార్డుల విభాగాల సంఖ్య 24కు చేరనుంది. కానీ ఈ ఏడాది మార్చి 10న జరగనున్న 96వ ఆస్కార్‌ అవార్డ్స్‌లో కానీ, 2025లో జరిగే 97వ ఆస్కార్‌ అవార్డ్స్‌లో కానీ ‘క్యాస్టింగ్‌ డైరెక్టర్స్‌’ విభాగంలో అవార్డును ప్రదానం చేయరు. 2026లో జరిగే 98వ ఆస్కార్‌ అవార్డ్స్‌లో ఈ విభాగంలో అవార్డును ప్రదానం చేయనున్నారు. అంటే.. 2025లో రిలీజయ్యే సినిమాలకు క్యాస్టింగ్‌ డైరెక్టర్స్‌ 98వ ఆస్కార్‌ అవార్డ్స్‌ కోసం నామినేట్‌ అవుతారు. ‘‘ఫిల్మ్‌ మేకింగ్‌ విభాగంలో, ఆస్కార్‌ ప్రదానోత్సవంలో క్యాస్టింగ్‌ డైరెక్టర్స్‌ ముఖ్య భూమిక పోషిస్తున్నారు. ఇప్పుడు వారిని ఈ ప్రదానోత్సవంలో భాగం చేయడం గర్వంగా ఉంది’’ అన్నారు ఆస్కార్‌ అకాడమీ అధ్యక్షుడు జానెట్‌ యంగ్, చీఫ్‌ ఎగ్జిక్యూటివ్‌ బిల్‌ క్రామెర్‌. ‘‘క్యాస్టింగ్‌ డైరెక్టర్స్‌ ఆస్కార్‌ అవార్డు’ అనేది మా కృషికి గుర్తింపుగా భావిస్తున్నాం. ఆస్కార్‌ అకాడమీకి «థ్యాంక్స్‌’’ అని క్యాస్టింగ్‌ డైరెక్టర్‌ బ్రాంచ్‌ గవర్నర్‌లు రిచర్డ్‌ హిక్స్, కిమ్‌ టేలర్‌–కోల్‌మన్, డెబ్రా జేన్‌ ఓ ప్రకటనలో తెలిపారు. ఇదిలా ఉంటే దాదాపు 20 ఏళ్ల తర్వాత ఆస్కార్‌ అవార్డ్స్‌కు సంబంధించి ఓ కేటగిరీని చేర్చారని, చివరిసారిగా 2001లో బెస్ట్‌ యానిమేటెడ్‌ ఫీచర్‌ ఫిల్మ్‌ను చేర్చారని హాలీవుడ్‌లో కథనాలు వస్తున్నాయి.

హాలీవుడ్‌ దర్శకుడు జేమ్స్‌ కామెరూన్‌ అనగానే గుర్తొచ్చే చిత్రం ‘అవతార్‌’. 2009లో రిలీజైన ఈ సినిమా ప్రేక్షకులను పండోరా ప్రపంచంలో విహరించేలా చేసింది. కలెక్షన్స్‌లో సరికొత్త బాక్సాఫీస్‌ రికార్డులను సృష్టించింది. దీంతో ‘అవతార్‌’కు సీక్వెల్స్‌గా ‘అవతార్‌ 2’, ‘అవతార్‌ 3’, ‘అవతార్‌ 4’, ‘అవతార్‌ 5’లను ప్రకటించారు జేమ్స్‌ కామెరూన్‌. ‘అవతార్‌’ సీక్వెల్‌గా వచ్చిన ‘అవతార్‌ 2: ద వే ఆఫ్‌ వాటర్‌’ (2022) బ్లాక్‌బస్టర్‌గా నిలిచింది. ప్రస్తుతం ‘అవతార్‌ 3’, ‘అవతార్‌ 4’ సినిమాల చిత్రీకరణలు ఒకేసారి జరుగుతున్నాయి. ‘అవతార్‌ 3’ ఈ ఏడాదిలో విడుదల కావాల్సింది. కానీ 2025కి వాయిదా వేశారు. 2025 డిసెంబరు 19న‘అవతార్‌ 3’, 2029లో ‘అవతార్‌ 4’, 2031లో ‘అవతార్‌ 5’ సినిమాలు విడుదలకు రెడీ అవుతున్నాయి. కాగా ‘అవతార్‌’ ఫ్రాంచైజీలో ‘అవతార్‌ 6’, ‘అవతార్‌ 7’లకు కూడా చాన్స్‌ ఉందని జేమ్స్‌ కామెరూన్‌ చెబుతున్నారు. ఇటీవల ఓ అవార్డు ఫంక్షన్‌లో పాల్గొన్న ఆయన ‘అవతార్‌’ సినిమా ఫ్రాంచైజీ గురించి మాట్లాడుతూ– ‘‘అవతార్‌’ ఫ్రాంచైజీలోని ఐదు సినిమాలకు కథలు రెడీగా ఉన్నాయి. ‘అవతార్‌ 6’, ‘అవతార్‌ 7’ల గురించిన ఆలోచనలు కూడా ఉన్నాయి. కానీ ‘అవతార్‌ 6’, ‘అవతార్‌ 7’లకు నేను దర్శకత్వం వహించకపోవచ్చు’’ అని చెప్పుకొచ్చారు. హలీవుడ్‌లో ‘టైటానిక్‌’, ‘ది టెర్మినేటర్‌’ వంటి అద్భుత చిత్రాలను కూడా తీసిన జేమ్స్‌ కామెరూన్‌ కెరీర్‌ను ‘అవతార్‌’ ఫ్రాంచైజీ ఒక్కటే డామినేట్‌ చేయడం ఆయన ఫ్యాన్స్‌కు రుచించడం లేదని హాలీవుడ్‌లో కథనాలు వస్తున్నాయి. ఇక కామెరూన్‌ అన్నట్లు భవిష్యత్‌లో ‘అవతార్‌ 6’, ‘అవతార్‌ 7’లు సెట్స్‌పైకి వెళితే.. కనీసం ఇద్దరు, ముగ్గురు దర్శకులు కలిసి ఈ సినిమాలను తీయాల్సి ఉంటుందన్నట్లు హాలీవుడ్‌ సినీ విశ్లేషకులు అభి్రపాయపడుతున్నారట.

థియేటర్లలో సినిమాలు చూస్తే ఆ కిక్కే వేరప్పా అనేవాళ్లు చాలామందే! అయితే ఓటీటీలో సిరీస్‌లు, సినిమాలు చూస్తే ఆ మజానే వేరనేవారి సంఖ్య కూడా బాగానే పెరిగింది. అందుకే ఓటీటీల సంఖ్య పెరిగింది. అవి కూడా ఎప్పటికప్పుడు కొత్త కంటెంట్‌తో ముందుకు వస్తున్నాయి. సినిమాలు, సిరీస్‌లు, రియాలిటీ షోలు, కామెడీ షోలు, ఇంటర్వ్యూలు.. ఇలా రకరకాల కంటెట్‌ను ఒకే ప్లాట్‌ఫామ్‌లో వండి వడ్డిస్తున్నాయి. సంక్రాంతి సినిమాల్లో.. థియేటర్లలో విడుదలైన సినిమాలు కూడా ఇక్కడ అందుబాటులోకి వచ్చేస్తున్నాయి. కొన్ని డిజిటల్‌ ఎంట్రీ గురించి ముందస్తు ప్రకటనలు చేస్తుంటే మరికొన్ని మాత్రం ఎటువంటి అప్‌డేట్‌ లేకుండా సైలెంట్‌గా ఓటీటీలో అందుబాటులోకి వచ్చేస్తున్నాయి. ఇకపోతే సంక్రాంతికి వచ్చిన సైంధవ్‌ ఆల్‌రెడీ అమెజాన్‌ ప్రైమ్‌లో స్ట్రీమింగ్‌ అవుతుండగా గుంటూరు కారం నేటి అర్ధరాత్రి నుంచి నెట్‌ఫ్లిక్స్‌లో అందుబాటులోకి రానుంది. ఓటీటీలో నా సామిరంగ తాజాగా నా సామిరంగ కూడా డిజిటల్‌ ఎంట్రీకి సిద్ధమైంది. త్వరలోనే నా సామిరంగ రిలీజ్‌ చేయనున్నట్లు హాట్‌స్టార్‌ వీడియో రిలీజ్‌ చేసింది. డేట్‌ మాత్రం ప్రకటించలేదు. ఇకపోతే కన్నగి అనే తమిళ చిత్రం సైలెంట్‌గా అమెజాన్‌ ప్రైమ్‌లో అందుబాటులోకి వచ్చేసింది. కాకపోతే తెలుగు వర్షన్‌ మాత్రం ఇంకా అందుబాటులోకి వచ్చినట్లు లేదు. KomING to set your screens on fire 🙌 Can you guess the date?#NaaSaamiRangaonHotstar #KingOnHotstar@iamnagarjuna @allarinaresh @mmkeeravaani @vijaybinni4u @itsRajTarun @AshikaRanganath @mirnaaofficial @RuksharDhillon @actorshabeer @srinivasaaoffl @SS_Screens @boselyricist… pic.twitter.com/gsYHL1rPth — Disney+ Hotstar Telugu (@DisneyPlusHSTel) February 8, 2024 హారర్‌ మూవీ.. ప్రపంచవ్యాప్తంగా సినీ ప్రేక్షకులను హడలెత్తించిన నన్‌ 2 కూడా ఓటీటీలోకి ఎంట్రీ ఇచ్చింది. గతేడాది సెప్టెంబర్‌లో విడుదలైన ఈ మూవీ ఇదివరకే అమెజాన్‌ ప్రైమ్‌ వీడియోలో అందుబాటులోకి వచ్చింది. కానీ ఫ్రీగా కాకుండా అద్దెకు తీసుకుని చూడవచ్చని కండీషన్‌ పెట్టింది. ఇప్పుడీ చిత్రం తాజాగా జియో సినిమాలో రిలీజైంది. తెలుగు, తమిళ, హిందీ, ఇంగ్లీష్‌ భాషల్లో చూడొచ్చంటూ జియో సినిమా వీడియో షేర్‌ చేసింది. దీంతో హారర్‌ చిత్రాల అభిమానులు పండగ చేసుకుంటున్నారు. 2018లో వచ్చిన నన్‌ మూవీకి సీక్వెల్‌గా నన్‌ 2 తెరకెక్కింది. View this post on Instagram A post shared by JioCinema (@officialjiocinema) చదవండి: పండంటి మగబిడ్డకు జన్మనిచ్చిన బాలీవుడ్‌ నటి

సందీప్ రెడ్డి వంగా డైరెక్షన్‌లో వచ్చిన బ్లాక్ బస్టర్‌ చిత్రం యానిమల్. రణ్‌బీర్‌ కపూర్, రష్మిక జంటగా నటించిన ఈ చిత్రం బాక్సాఫీస్‌ను షేక్ చేసింది. గతడాది డిసెంబర్ 1న థియేటర్లలో రిలీజైన ఈ చిత్రం రూ.900 కోట్లకు పైగా వసూళ్లు రాబట్టింది. ఈ సినిమాపై ఎన్ని విమర్శలు వచ్చినప్పటికీ కలెక్షన్స్‌పై ఎలాంటి ప్రభావం చూపలేదు. అయితే గతనెలలో ఓటీటీకి వచ్చేసిన యానిమల్.. అదే జోరుతో దూసుకెళ్తోంది. రిపబ్లిక్ డే సందర్భంగా జనవరి 26న నెట్‌ఫ్లిక్స్‌లో స్ట్రీమింగ్‌కు వచ్చింది. రిలీజైన మొదటి మూడు రోజుల్లోనే టాప్ టైన్‌లో ట్రెండింగ్‌లోకి వచ్చేసింది. అంతే కాకుండా మొదటి వారంలోనే ప్రభాస్‌ సలార్ మూవీని వెనక్కి నెట్టి రికార్డును బ్రేక్ చేసింది. తాజాగా మరో రికార్డ్‌ను తన ఖాతాలో వేసుకుంది యానిమల్. రెండోవారంలో ఏకంగా టాప్‌-1 ప్లేస్‌లో ట్రెండ్ అవుతోంది. ప్రస్తుతం సలార్ ఐదో స్థానంలో కొనసాగుతోంది. యానిమల్ మూవీకి మొదటి 10 రోజుల్లోనే ఏకంగా ఏకంగా 3.93 కోట్ల గంటల వ్యూయర్‌షిప్ నమోదు చేసింది. ఇప్పటికే ఆల్ టైమ్ అత్యధిక వ్యూయర్‌షిప్ సాధించిన ఇండియన్ సినిమాగా యానిమల్ నిలిచింది.  ఆర్ఆర్ఆర్ రికార్డు బ్రేక్ ఆర్ఆర్ఆర్ మూవీ గతంలో తొలి 10 రోజుల్లో అత్యధిక వ్యూయర్‌షిప్ సొంతం చేసుకున్న సినిమాగా నిలిచింది. ఆ మూవీకి 2.55 కోట్ల గంటల వ్యూయర్‌షిప్ వచ్చింది. గతేడాది షారుక్ ఖాన్ నటించిన జవాన్ మూవీకి కూడా ఇదే స్థాయిలో నమోదైంది. తాజాగా ఈ రికార్డ్‌ను యానిమల్ అధిగమించింది. ఆర్ఆర్ఆర్, జవాన్ సినిమాల కంటే చాలా ఎక్కువ వ్యూయర్‌షిప్‌ను యానిమల్ సొంతం చేసుకుంది. ఈ మధ్య కాలంలో నెట్‌ఫ్లిక్స్ లో రిలీజైన ఏ సినిమాకూ ఈ స్థాయిలో ఆదరణ లభించలేదు. 

టాలీవుడ్ దర్శకధీరుడు రాజమౌళి గురించి ప్రత్యేకంగా చెప్పాల్సిన పనిలేదు. బాహుబలి, ఆర్ఆర్ఆర్ సినిమాలతో తెలుగువారి ఖ్యాతిని ప్రపంచానికి చాటిచెప్పారు. అంతే కాదు.. ప్రపంచంలోనే ప్రతిష్ఠాత్మకమైన ఆస్కార్‌ అవార్డ్‌ను గెలిచి మన గొప్పదనాన్ని మరింత పెంచారు. గతేడాది లాస్‌ ఎంజిల్స్‌ వేదికగా జరిగిన ఆస్కార్ వేడుకల్లో ఆర్ఆర్ఆర్‌ చిత్రానికి అవార్డ్ దక్కింది. ది బెస్ట్ ఒరిజినల్ సాంగ్ విభాగంలో నాటునాటు పాటకు ఈ ప్రతిష్ఠాత్మక అవార్డ్ లభించింది.  ఆస్కార్ అవార్డ్ రావడంతో తెలుగు సినిమా ప్రపంచవ్యాప్తంగా మార్మోగిపోయింది. అదే సమయంలో హాలీవుడ్‌ స్టార్ డైరెక్టర్‌ జేమ్స్‌ కామెరూన్ సైతం రాజమౌళిపై ప్రశంసల వర్షం కురిపించారు. 2023లో జరిగిన క్రిటిక్స్ ఛాయిస్ అవార్డుల కార్యక్రమంలో కామెరూన్‌ను రాజమౌళి కలిశాడు. ఆ సమయంలో ఆర్ఆర్ఆర్ మూవీ గురించి అతడు ప్రత్యేకంగా ప్రస్తావిస్తూ.. మూవీ అద్భుతంగా ఉందని కొనియాడారు. (ఇది చదవండి: 'మా నాన్నకు అలాంటి అవసరం లేదు'.. సూపర్ స్టార్‌ కూతురు ఆసక్తికర కామెంట్స్!) తాజాగా ఓ అవార్డుల కార్యక్రమంలో పాల్గొన్న హాలీవుడ్ దిగ్గజం మరోసారి రాజమౌళిని పొగిడారు.  ఈవెంట్‌లో ఓ మీడియా ప్రతినిధి ‍అడిగిన ప్రశ్నకు ఆయన సమాధానమిచ్చారు. ఆర్ఆర్ఆర్ మూవీ అద్భుతంగా తెరకెక్కించారని.. ఇండియన్ సినిమా ప్రపంచవ్యాప్తంగా తన ముద్ర వేయడం చాలా బాగుందన్నారు. కామెరూన్ మాట్లాడుతూ.. 'నిజంగా చాలా నిజాయతీగా అనిపించి ఈ విషయాన్ని చెప్పాను. అది చాలా అద్భుతమైన సినిమాగా అనిపించింది. ఇండియన్ సినిమా ప్రపంచ వేదిక స్థాయికి చేరడం చాలా గొప్పగా విషయం' అని  అన్నారు.  తాజాగా దీనికి సంబంధించిన వీడియోను ఆర్ఆర్ఆర్ టీం తన ట్విటర్‌ ద్వారా పంచుకుంది. 'మీ అమూల్యమైన మాటలు ఎల్లప్పుడూ ఉత్తమంగా ఉండటానికి మాకు స్ఫూర్తినిస్తాయి. భారతీయ సినిమా అన్ని సరిహద్దులను బద్దలు కొట్టి మరింత ఎత్తుకు ఎదుగుతుందని మేము గట్టిగా నమ్ముతున్నాము.' అంటూ ట్వీట్ చేసింది. కాగా.. రాజమౌళి ప్రస్తుతం మహేశ్‌ బాబుతో సినిమా తీసేందుకు రెడీ అవుతున్నారు.  James Cameron.. 🤗 Your precious words always inspire us to strive better and be the best. We strongly believe Indian cinema is going to break all boundaries and grow to its fullest. ❤️ #RRRMovie pic.twitter.com/pzHjGQNZnC — RRR Movie (@RRRMovie) February 7, 2024

అంతర్జాతీయ వేదికపై మనవాళ్లు మరోసారి సత్తా చాటారు. సంగీత రంగంలో ప్రతిష్టాత్మకంగా భావించే గ్రామీ అవార్డుల(Grammy Awards 2024)ను శక్తి మహదేవన్‌, జాకీర్‌ హుస్సేన్‌ ఎగరేసుకుపోయారు. వీరి బ్యాండ్‌లో రిలీజైన 'దిస్‌ మూమెంట్‌'కు బెస్ట్‌ గ్లోబల్‌ మ్యూజిక్‌ ఆల్బమ్‌గా గ్రామీ పురస్కారం వరించింది. అలాగే పాస్తో పాట, ఆజ్‌ వి స్పీక్‌ ఆల్బమ్‌కుగానూ జాకీర్‌ హుస్సేన్‌(తబల), రాకేశ్‌ చౌరాసియా(ఫ్లూటు) మరో రెండు అవార్డులు గెలుచుకున్నారు. సోమవారం నాడు అమెరికాలోని లాస్‌ ఏంజిల్స్‌లో 69వ గ్రామీ అవార్డు వేడుకలు జరిగాయి. భారతీయ కళాకారులకు మూడు అవార్డులు రావడంతో అభిమానులు, సంగీత ప్రియులు సంతోషం వ్యక్తం చేస్తున్నారు.  రెండోసారి గ్రామీ విజేత కాగా జాకీర్‌ హుస్సేన్‌ 2009లో గ్లోబల్‌ డ్రమ్‌ ప్రాజెక్ట్‌ ఆల్బమ్‌కుగానూ తొలిసారి గ్రామీ పురస్కారం అందుకున్నాడు. మళ్లీ ఇన్నాళ్ల తర్వాత ఏకంగా మూడు (ఇందులో రెండు రాకేశ్‌తో కలిసి తీసుకున్నవి) పురస్కారాలు అందుకోవడంతో ఆయన్ను అభినందిస్తున్నారు. 'గ్రామీ' అందుకున్న దిస్‌ మూమెంట్‌ పాటను శంకర్‌ మహదేవన్‌(సింగర్‌), జాన్‌ మెక్‌లాఫ్లిన్‌ (గిటార్‌), జాకీర్‌ హుస్సేన్‌ (తబలా), గణేశ్‌ రాజగోపాలన్‌ (వయోలిన్‌) వంటి ప్రతిభావంతులైన ఎనిమిది మంది ‘శక్తి’ బ్యాండ్‌ పేరిట కంపోజ్‌ చేశారు. శక్తి బ్యాండ్‌ ఏర్పడింది అప్పుడే! కాగా శక్తి బ్యాండ్‌ 1973లో ఏర్పాటైంది. మొదట్లో దీనికి మహావిష్ణు ఆర్కెస్ట్రా అన్న పేరు ఉండేది. వీరు భారతీయ సాంప్రదాయ సంగీతాన్ని ప్రధానంగా వాయించేవారు.  అప్పట్లో ఎంతో యాక్టివ్‌గా ఉండే ఈ బ్యాండ్‌ ఎన్నో కచేరీలు నిర్వహించింది. దాదాపు 46 ఏళ్ల తర్వాత అదే 'శక్తి' బ్యాండ్‌ పేరిట దిస్‌ మూమెంట్‌ అనే ఆల్బమ్‌ విడుదలైంది. ఇది ప్రపంచవ్యాప్తంగా ఉన్న సంగీతప్రియులను ఆకట్టుకుంది. ఈ ఆల్బమ్‌లో శ్రీని డ్రీమ్‌, బెండింగ్‌ రూల్స్‌, కరుణ, గిరిరాజ్‌ సుధ, మోహనం, లాస్‌ పల్మాస్‌, చంగై నైనో, సోనో మామ అనే పాటలు ఉన్నాయి. Congrats Best Global Music Album winner - 'This Moment' Shakti. #GRAMMYs 🎶 WATCH NOW https://t.co/OuKk34kvdu pic.twitter.com/N7vXftfaDy — Recording Academy / GRAMMYs (@RecordingAcad) February 4, 2024 చదవండి: 12th ఫెయిల్‌ దర్శకుడి భార్యపై కంగనా ఫైర్‌

అంతర్జాతీయ వేదికపై భారతీయ కళాకారులు విజయకేతనం ఎగరేయడంపై ప్రధాని నరేంద్ర మోదీ హర్షం వ్యక్తం చేశారు. భారతీయ సంగీత కళాకారులు జాకీర్‌ హుస్సేన్‌(తబలా),శంకర్‌ మహదేవన్‌ (సింగర్‌)లు ఉన్న శక్తి బ్యాండ్‌కు తాజాగా గ్రామీ అవార్డు దక్కింది. వీళ్లు కంపోజ్‌ చేసిన ‘దిస్‌ మూమెంట్‌’ ఉత్తమ గ్లోబల్‌ మ్యూజిక్‌ ఆల్బమ్‌ అవార్డును సొంతం చేసుకుంది.   సంగీతం పట్ల మీ అసాధారణమైన ప్రతిభ, అంకితభావం ప్రపంచవ్యాప్తంగా హృదయాలను గెలుచుకున్నాయి. భారతదేశం గర్విస్తోంది. మీ కృషికి ఈ విజయాలే నిదర్శనం అని ప్రధాని మోదీ ట్వీట్‌ చేశారు.  Congratulations @ZakirHtabla, @Rakeshflute, @Shankar_Live, @kanjeeraselva, and @violinganesh on your phenomenal success at the #GRAMMYs! Your exceptional talent and dedication to music have won hearts worldwide. India is proud! These achievements are a testament to the hardwork… — Narendra Modi (@narendramodi) February 5, 2024 దిస్‌ మూమెంట్‌ పాటను జాన్‌ మెక్‌లాఫ్లిన్‌ (గిటార్‌), జాకిర్‌ హుస్సేన్‌ (తబలా), శంకర్‌ మహదేవన్‌(సింగర్‌), గణేశ్‌ రాజగోపాలన్‌ (వయోలిన్‌) వంటి ప్రతిభావంతులైన ఎనిమిది మంది ‘శక్తి’ బ్యాండ్‌ పేరిట కంపోజ్‌ చేశారు. ప్రపంచ వ్యాప్తంగా పోటీని ఎదుర్కొని ‘శక్తి’ విజేతగా నిలవడంతో అంతర్జాతీయ స్థాయిలో ప్రశంసలు వెల్లువెత్తుతున్నాయి.  అంతకు ముందు.. శంకర్‌ మహదేవన్‌ మాట్లాడుతూ ‘నాకు ప్రతి విషయంలో ఎంతో ప్రోత్సాహం అందించిన నా భార్యకు ఈ అవార్డును అంకితం చేస్తున్నాను. దీనికి సహకరించిన ప్రతి ఒక్కరికీ మనస్ఫూర్తిగా ధన్యవాదాలు తెలుపుతున్నాను’ అని ఆనందం వ్యక్తం చేశారు.