'సోనియా, రాహుల్పై కేంద్రం కక్షసాధిస్తోంది'

'సోనియా, రాహుల్పై కేంద్రం కక్షసాధిస్తోంది'

హైదరాబాద్: ప్రధాని నరేంద్ర మోదీ ప్రభుత్వం.. ఏఐసీసీ అధినేత్రి సోనియా గాంధీ, పార్టీ ఉపాధ్యక్షుడు రాహుల్ గాంధీలపై కక్షసాధిస్తోందని టీపీసీసీ చీఫ్ ఉత్తమ్ కుమార్ రెడ్డి ఆరోపించారు. నేషనల్ హెరాల్డ్ కేసు విచారణకు సోనియా, రాహుల్ హాజరవుతున్న నేపథ్యంలో శనివారం ఉదయం 11 గంటలకు తెలంగాణలో కాంగ్రెస్ పార్టీ శ్రేణులు నిరసన చేపట్టాలని పిలుపునిచ్చారు.

ఈ కేసులో సోనియా, రాహుల్ అరెస్టయితే జైల్ భరోకు పార్టీ శ్రేణులు సిద్ధంకావాలని ఉత్తమ్ కుమార్ రెడ్డి పేర్కొన్నారు. రేపు ఆంధ్రప్రదేశ్లో కూడా నిరసన కార్యక్రమాలు చేపడుతున్నట్టు ఏపీసీసీ వెల్లడించింది.