విండీస్పై పాక్ గెలుపు

విండీస్పై పాక్ గెలుపు

షార్జా: వెస్టిండీస్‌తో జరుగుతున్న మూడు వన్డేల సిరీస్‌లో పాకిస్తాన్ తొలి వన్డే గెలిచింది. శుక్రవారం జరిగిన మ్యాచ్‌లో పాక్ డక్‌వర్త్ లూరుుస్ పద్ధతిన 111 పరుగుల తేడాతో నెగ్గింది. బాబర్ ఆజమ్ (120) సెంచరీతో తొలుత పాక్ 49 ఓవర్లలో 9 వికెట్లకు 284 పరుగులు చేసింది. మ్యాచ్ మధ్యలో స్టేడియంలో ఓ ఫ్లడ్‌లైట్ పని చేయకపోవడంతో మ్యాచ్‌ను 49 ఓవర్లకు కుదించారు. ఆ తర్వాత బరిలోకి దిగిన విండీస్‌కు డక్‌వర్త్ లూరుుస్ పద్ధతిలో 49 ఓవర్లలో 287 పరుగుల లక్ష్యాన్ని విధించారు. విండీస్ 38.4 ఓవర్లలో 175 పరుగులకే కుప్పకూలింది. నేడు ఇరు జట్ల మధ్య రెండో మ్యాచ్ జరుగుతుంది.