TV
'భూ ఆక్రమణదారులతో ప్రభుత్వం కుమ్మకైంది'
హైదరాబాద్: భూ క్రమబద్దీకరణ జీవో 59ని వ్యతిరేకిస్తున్నట్లు కాంగ్రెస్ పార్టీ ఎమ్మెల్సీ షబ్బీర్ అలీ స్పష్టం చేశారు. బుధవారం హైదరాబాద్లో షబ్బీర్ అలీ విలేకర్ల సమావేశంలో మాట్లాడుతూ... భూ ఆక్రమణదారులతో కేసీఆర్ ప్రభుత్వం కుమ్మకైందని ఆయన ఆరోపించారు. ఉద్యోగ భర్తీ నియామక నోటిఫికేషన్లో జాప్యం జరుగుతోందని అన్నారు. జనవరిలోనే ఉద్యోగ నియామక నోటిఫికేషన్ విడుదల చేయాలని ఆయన ప్రభుత్వాన్ని డిమాండ్ చేశారు. హైదరాబాద్ నగర కాంగ్రెస్ పార్టీ అధ్యక్షుడు దానం నాగేందర్ పార్టీని వీడుతున్నట్లు వస్తున్న వార్తల్లో వాస్తవం లేదని షబ్బీర్ అలీ తెలిపారు.
