రిలయన్స్‌ అధినేత ముఖేష్, నీతా ‌అంబానీ ముద్దుల తనయ, వ్యాపారవేత్త ఇషా అంబానీ గురించి ప్రత్యేక పరిచయం అవసరం లేదు. రిలయన్స్‌ రీటైల్‌ వ్యాపారాన్ని విజయ వంతంగా నడిపిస్తూ తండ్రికి తగ్గ తనయగా వ్యాపారంలో రాణిస్తోంది. తాజాగా ఇషా, భర్త ఆనంద్ పిరమల్ ఇంటికి సంబంధించి  ఒక ముఖ్య సమాచారం వెలుగులోకి వచ్చింది. అమెరికాలోని ఇషా ఖరీదైన ఇంటిని ప్రముఖ హాలీవుడ్ జంట కొనుగోలు చేసిందట. ఈ వార్తలపై అధికారికంగా ఎలాంటి ధృవీకరణ లేనప్పటికీ, ఈ డీల్‌ మాత్రం హాట్‌ టాపిక్‌గా  నిలిచింది.  ఇషా-ఆనంద్ పిరమల్ లాస్‌ ఎంజేల్స్‌లోని విలాసవంతమైన భవనాన్ని విక్రయించినట్టు తెలుస్తోంది. దీన్ని అమెరికన్ టాప్‌ సింగర్ జెన్నిఫర్ లోపెజ్ బెన్ అఫ్లెక్ జంట కొనుగోలు చేసిందట. 38వేల చదరపు అడుగుల విస్తీర్ణంలో విస్తరించి ఉన్న ఈ ఇంటిని 'క్వీన్ ఆఫ్ డ్యాన్స్' జెలో,బెన్ దంపతులు సొంతం చేసుకున్నట్టు తాజా సమాచారం ద్వారా తెలుస్తోంది. ఇందులో 12 బెడ్‌రూమ్‌లు, 24 బాత్‌రూమ్‌లు ఉన్నాయి. ప్రత్యేక జిమ్‌లు, స్పాలు, సెలూన్లు, ఇండోర్ బ్యాడ్మింటన్ కోర్ట్ లాంటి స్పెషల్‌ వసతులు కూడా లగ్జరీ హౌస్‌లో కొలువు దీరాయి. దాదాపు 61 మిలియన్ డాలర్ల (రూ. 508కోట్లు) ఇంటిని కొనుగోలు చేశారని కూడా ఇన్‌స్టా ఫ్యాన్‌ పేజీ నివేదించింది. కాగా ఇషాకు ఈ ఇంటితో ఉన్న అనుబంధం చాలా ప్రత్యేకమైందే అని చెప్పవచ్చు. ఇషా గర్భంతో ఉన్నపుడు తల్లి నీతాతో కలిసి ఆ ఇంట్లోనే గడిపింది. ఇద్దరు పిల్లలకు ఈ ఇంట్లోనే జన్మనిచ్చింది. అయితే  ఈ ఇల్లు  విక్రయించడానికి గల కారణాలు ఏంటి అనేదానిపై స్పష్టత లేదు.

త్వరలో ముఖేష్ అంబానీ ఫ్యామిలిలో మరో వ్యక్తి చేరనున్నారు. నీతా అంబానీ చిన్న కొడుకు 'అనంత్ అంబానీ' రాధిక మర్చంట్‌ను వివాహం చేసుకోనున్నారు. దీంతో వారి కుటుంబ సభ్యుల సంఖ్య ఓ అడుగు ముందుకు వేయనుంది. అయితే ఈ కథనంలో అంబానీ అల్లుడు, కోడళ్ళు ఏం చదువుకున్నారు, ఏం చేస్తున్నారనే విషయాలు తెలుసుకుందాం. ఆనంద్ పిరమల్ అజయ్ పిరమల్ & డాక్టర్ స్వాతి పిరమల్ కుమారుడైన ఆనంద్ పిరమల్ 'పిరమల్ గ్రూప్‌' బోర్డులో నాన్-ఎగ్జిక్యూటివ్ డైరెక్టర్‌గా పనిచేస్తున్నారు. ఈయన బోస్టన్‌లోని హార్వర్డ్ బిజినెస్ స్కూల్ నుంచి బిజినెస్ అడ్మినిస్ట్రేషన్‌లో మాస్టర్స్ డిగ్రీ, యూనివర్శిటీ ఆఫ్ పెన్సిల్వేనియా నుంచి ఎకనామిక్స్‌లో బ్యాచిలర్స్ డిగ్రీ పూర్తి చేశారు. శ్లోకా మెహతా రస్సెల్ మెహతా, మోనా మెహతా కుమార్తె శ్లోకా మెహతా రోజీ బ్లూ ఇండియా కంపెనీ బోర్డులో డైరెక్టర్‌గా పనిచేస్తున్నారు. ఈమె ది లండన్ స్కూల్ ఆఫ్ ఎకనామిక్స్ అండ్ పొలిటికల్ సైన్స్ నుంచి లా & న్యూజెర్సీలోని ఐవీ లీగ్ సంస్థ అయిన ప్రిన్స్‌టన్ యూనివర్శిటీ నుంచి ఆంత్రోపాలజీలో బ్యాచిలర్స్ డిగ్రీ పూర్తి చేసింది. రాధిక మర్చంట్  వీరేన్ మర్చంట్ & శైలా మర్చంట్ కుమార్తె  రాధికా మర్చంట్ ఎన్‌కోర్ హెల్త్‌కేర్ డైరెక్టర్ బోర్డులో ఒకరుగా ఉన్నారు. ఈమె న్యూయార్క్ యూనివర్సిటీ నుంచి పాలిటిక్స్ అండ్ ఎకనామిక్స్‌లో బ్యాచిలర్ డిగ్రీ పూర్తి చేసింది.

రిలయన్స్‌ ఇండస్ట్రీస్‌ అధినేత ముఖేష్‌ అంబానీ కుటుంబం గురించి పరిచయం అక్కర్లేదు. దేశంలోనే సంపన్న కుటుంబం కావడంతో ఆ కుటుంబం గురించిన ప్రతి విషయంపైనా అందరికీ ఆసక్తి ఉంటుంది. ముఖ్యంగా సతీమణి నీతా అంబానీ, కుమారులు, కుమార్తె, అల్లుడు ఇలా ఎవరో ఒకరు వార్తల్లో నిలుస్తూనే ఉన్నారు. తన అల్లుడు, కుమార్తె ఇషా అంబానీ భర్త అయిన ఆనంద్‌ పిరమల్‌కు ముఖేష్‌ అంబానీ ఇచ్చిన సలహా వెలుగులోకి వచ్చింది. (అది ఆఫర్‌ లెటర్‌ కాదు.. ఫ్రెషర్లకు షాకిచ్చిన క్యాప్‌జెమినీ! కాస్త​ ఓపిక పట్టండి..) ఆనంద్ పిరమల్ భారతదేశంలోని అత్యంత సంపన్నులలో ఒకరైన అజయ్ పిరమల్ కుమారుడు. తన తండ్రి నిర్మించిన ఫార్మారంగ వ్యాపార సామ్రాజ్యాన్ని సోదరి నందిని పిరమల్‌తో కలిసి నడుపుతున్నాడు. ప్రస్తుతం వారి కుటుంబ నికర ఆస్తి విలువ దాదాపు రూ.24 వేల కోట్లు. ఆనంద్ పిరమల్ ముఖేష్ అంబానీకి అల్లుడు. ఇషా అంబానీని వివాహం చేసుకున్నాడు. అయితే ముఖేష్ అంబానీకి ఆనంద్ పిరమల్ ముందు నుంచే తెలుసు. దేశంలోనే అత్యంత ధనవంతుడైన ముఖేష్‌ అంబానీ సలహాలను ఆనంద్‌ తీసుకునేవాడు. (ఫ్లిప్‌కార్ట్‌ సమ్మర్‌ సేల్‌: ఐఫోన్‌13పై రూ.10 వేలు డిస్కౌంట్‌!) ఆనంద్ పిరమల్, ఇషా అంబానీల వివాహం 2018లో జరిగింది. వారికి కవలలు జన్మించారు. వారి పేర్లు కృష్ణ, ఆదియా. పెళ్లికి ముందే వీరి కుటుంబాలు ఒకరికొకరు తెలుసు. ఆనంద్ పిరమల్ ముఖేష్ అంబానీతో చాలా సన్నిహితంగా ఉంటాడు. ఇటీవల ఓ ఇంటర్వ్యూలో కెరియర్‌కు సంబంధించి ముఖేష్‌ అంబానీ తనకు ఏం సలహా ఇచ్చారో ఆనంద్‌ పిరమల్‌ బయటపెట్టాడు. క్రికెట్‌ను ముడిపెడుతూ అంబానీ ఇచ్చిన సలహా ఆసక్తికరంగా ఉంది.  (తెలుగు రాష్ట్రాల్లో అటవీ సందర్శకులకు గుడ్‌ న్యూస్‌.. ఇక దూసుకెళ్లడమే!) తాను కన్సల్టింగ్ లేదా బ్యాంకింగ్‌ రంగంలోకి వెళ్లాలనుకుంటున్నట్లు ఆనంద్‌ ఒకసారి అంబానీకి చెప్పాడు. దానిపై అతని సలహా కోరాడు. దీనికి అంబానీ క్రికెట్‌ను ముడిపెడుతూ చక్కని సలహా ఇచ్చాడు. కన్సల్టెంట్‌గా ఉండటం అనేది క్రికెట్ చూడటం లేదా క్రికెట్ గురించి వ్యాఖ్యానించడం లాంటిదని, అదే పారిశ్రామికవేత్త కావడం అనేది క్రికెట్ ఆడటం లాంటిదని అంబానీ తనకు సలహా ఇచ్చారని పిరమల్ చెప్పారు. ఇది తనకు 20 సంవత్సరాల వయసులో ఉన్నప్పుడు చెప్పాల్సిందని, 25 ఏళ్ల వయసులో కాదని తాను అంబానీతో చమత్కరించిన్లు పేర్కొన్నారు. ఎవరీ ఆనంద్ పిరమల్? పిరమిల్‌ గ్రూప్‌ ఆర్థిక సేవలకు ఆనంద్ పిరమల్ నాయకత్వం వహిస్తున్నారు. అతని కంపెనీ గృహ రుణాలు, ఎస్‌ఎంఈ లోన్లు, నిర్మాణ ఫైనాన్స్ మొదలైనవాటిని అందిస్తుంది. అలాగే రియల్ ఎస్టేట్ విభాగానికి కూడా ఆయన నాయకత్వం వహిస్తున్నారు. పిరమల్ ఈ-స్వస్థ్య అనే ఆనంద్‌ స్థాపించారు. గ్రామీణ ఆరోగ్య సంరక్షణ సేవలు అందించే ఈ కంపెనీలో దాదాపు 2300 మంది ఉద్యోగులు, 140 మంది వైద్యులు ఉన్నారు. ఆనంద్ పిరమల్ హార్వర్డ్ బిజినెస్ స్కూల్ నుంచి ఎంబీఏ పట్టా పొందారు. యూనివర్సిటీ ఆఫ్ పెన్సిల్వేనియా నుంచి ఎకనామిక్స్‌లో గ్రాడ్యుయేషన్ చేశారు. 100 ఏళ్ల ఇండియన్‌ మర్చంట్ ఛాంబర్స్ యువజన విభాగానికి ఆనంద్‌ అతి పిన్న వయస్కుడైన అధ్యక్షుడు. (ఈషా అంబానీకి సరికొత్త వెపన్‌ దొరికిందా?)

రిలయన్స్ అధినేత ముఖేష్‌ అంబానీ తాతయ్యారు. అంబానీ కుమార్తె ఇషా అంబానీ కవల పిల్లలకు జన్మనిచ్చారు. ఇషా అంబానీ, ఆమె భర్త ఆనంద్ పిరమల్..నవంబర్ 19న కవల పిల్లలకు జన్మనిచ్చారంటూ..ఈ మేరకు అంబానీ, పిరమల్ కుటుంబాలు అధికారికంగా ప్రకటనను విడుదల చేశాయి. ఇషాకు పుట్టిన కవల పిల్లలో..ఒక పాప, బాబు ఉన్నారు. పాపకు ఆదియా అని పేరు పెట్టగా, బాబుకు కృష్ణ అని పేర్లు పెట్టినట్టుగా ఆ ప్రకటనలో పేర్కొన్నాయి.    కాగా రిలయన్స్ ఇండస్ట్రీస్ ఛైర్మన్ ముఖేష్ అంబానీ,నీతూ అంబానీల కుమార్తె ఇషా అంబానీ..పారిశ్రామికవేత్త అజయ్ పిరమల్, స్వాతి పిరమల్ కుమారుడు ఆనంద్ పిరమల్‌ల వివాహం 2018 డిసెంబర్‌లో జరిగింది. ప్రస్తుతం ఇషా అంబానీ రిలయన్స్ రిటైల్ వెంచర్స్‌కి ఎగ్జిక్యూటివ్ డైరెక్టర్‌గా వ్యవహరిస్తుండగా ఆమె భర్త ఆనంద్ పిరమల్.. పిరమల్ గ్రూప్ ఆర్థిక సేవల వ్యాపారాలను నిర్వహిస్తున్నారు. చదవండి👉 ముగ్గురు పిల్లలకు..చాలా తెలివిగా ముఖేష్‌ అంబానీ వీలునామా!

ముంబై: వ్యాపార దిగ్గజం ముఖేష్‌ అంబానీ కూతురు ఇషా అంబానీ​కి, పిరమాల్‌ సంస్థకు వారసుడైన ఆనంద్‌ పిరమాల్‌కు అంగరంగ వైభవంగా వివాహమైన సంగతి తెలిసిందే. ఇషా అంబానీ ఈ మధ్య వోగ్‌ మ్యాగజైన్‌కు ఇచ్చిన ఇంటర్వ్యూలో పలు ఆసక్తికరమైన అంశాలను చెప్పుకొచ్చారు. తన భర్తకు ఆనంద్‌ పిరమాల్‌కు మంచి సెన్సాఫ్‌ హ్యుమర్‌ ఉందని, తనను బాగా నవ్విస్తారని చెప్పుకొచ్చారు. ఆహారం వృథా చేసేవారు తనకు నచ్చరని తెలిపారు. తాను సంప్రదాయ దుస్తుల్నే(కాటన్‌ సల్వార్‌ కమీజ్స్‌) ధరిస్తానని తెలిపారు. తాను ఎక్కువగా ఎవరితోనూ కలవలేనని, బాగా ఆలోచించి జడ్జ్‌ చేస్తానని చెప్పుకొచ్చారు. 

గత కొన్ని రోజులగా తన పెళ్లి విశేషాలతో వార్తల్లో నిలిచిన ఆసియా కుబేరుడు ముఖేష్‌ అంబానీ ముద్దుల తనయ ఇషా అంబానీ మరోసారి వార్తల్లోకెక్కారు. ఓ మ్యాగజీన్‌కు ఇచ్చిన ఇంటర్వూలో తన గురించి ఓ ఆసక్తికర విషయం వెల్లడించారు. ‘మా అమ్మానాన్నల పెళ్లి జరిగిన ఏడేళ్లకు నేను, నా కవల సోదరుడు ఆకాశ్‌ జన్మించాం. మేమిద్దరం ఐవీఎఫ్‌(ఇన్‌ విట్రో ఫెర్టిలైజేషన్- టెస్ట్‌ట్యూబ్‌ బేబీ‌) పద్ధతి ద్వారా జన్మించాం. మాకు ఐదేళ్లు వచ్చే దాకా మా అమ్మ తన పూర్తి సమయాన్ని మాకోసమే వెచ్చించారు. అయితే తను చాలా స్ట్రిక్ట్‌గా ఉండేవారు’ అంటూ ఇషా చెప్పుకొచ్చారు. డబ్బు విలువ బాగా తెలుసు ‘ తన కలలను నెరవేర్చుకునేందుకు, రిలయన్స్‌ను మేటి సంస్థగా నిలిపేందుకు మా నాన్న పడ్డ కష్టాన్ని చూస్తూ పెరిగాను. ఎంత బిజీగా ఉన్నప్పటికీ మాకు తన అవసరం ఉందనిపిస్తే మాత్రం మా దగ్గరే ఉండిపోయేవారు. మా అమ్మానాన్నలు ఎలాంటి పరిస్థితుల్లో పెరిగారో మమ్మల్ని కూడా అలాగే పెంచారు. వారి పెంపకం వల్లే క్రమశిక్షణ, వినయ విధేయతలు అలవడ్డాయి. డబ్బు విలువ కూడా మాకు బాగా తెలుసు’ అని ‘జియో’ సృష్టికర్త ఇషా వ్యాఖ్యానించారు. కాగా గతేడాది డిసెంబరు 12న ఇషా అంబానీ- పిరమాల్‌ గ్రూప్‌ వారసుడు ఆనంద్‌ పిరమాల్‌ల వివాహం అంగరంగ వైభవంగా జరిగిన సంగతి తెలిసిందే. ముంబైలోని అంబానీ నివాసం అంటిలియాలో జరిగిన వివాహ వేడుకకు అమెరికా మాజీ విదేశాంగ మంత్రి హిల్లరీ క్లింటన్‌ సహా పలువురు బాలీవుడ్‌ సెలబ్రిటీలు, క్రీడా ప్రముఖులు హాజరై సందడి చేశారు. దేశంలో అత్యంత ఖరీదైన వివాహ వేడుకగా నిలిచిన ఇషా పరిణయం నిలిచింది. భర్త ఆనంద్‌ పిరమాల్‌తో ఇషా అంబానీ

ఆసియాలోనే అత్యంత ధనవంతుడిగా అవతరించి చరిత్ర సృష్టించిన భారతీయ కుబేరుడు ముఖేష్‌ అంబానీ కూతురు ఇషా అంబానీ- పిరమాల్‌ గ్రూప్‌ వారసుడు ఆనంద్‌ పిరమాల్‌ల వివాహం డిసెంబరు 12న వైభవోపేతంగా జరిగిన సంగతి తెలిసిందే. దేశంలోనే అత్యంత ఖరీదైన వివాహ వేడుకగా నిలిచిన ఈ శుభకార్యం జరిగి రెండు వారాలు గడిచినా.. అందుకు సంబంధించిన విశేషాలు, వీడియోలు సోషల్‌మీడియాలో హల్‌చల్‌ చేస్తూనే ఉన్నాయి. తమ గారాల పట్టి, ఇంటి ఒక్కగానొక్క ఆడపడుచు అప్పగింతల సమయంలో ముఖేష్‌ కుటుంబ సభ్యులు భావోద్వేగానికి గురైన వీడియో ఒకటి తాజాగా వెలుగులోకి వచ్చింది. వివాహానంతరం కుమార్తెను దేవుడి గదిలోకి తీసుకువెళ్లిన అంబానీ దంపతులు ఇషాను ప్రేమగా హత్తుకుని భర్త చేతిలో పెట్టారు. ఆ తర్వాత ఇంటి సంప్రదాయం ప్రకారం ఇషా ధాన్యం వెనక్కి జల్లుతూ తల్లిదండ్రులతో కలిసి కారు వద్దకు నడిచిరాగా... సోదరులు ఆకాశ్‌(కవల సోదరుడు), అనంత్‌లు, నానమ్మ కోకిలాబెన్‌ కూడా ఇషాను ఆత్మీయంగా ఆలింగనం చేసుకుని వీడ్కోలు పలికారు. ఆ సమయంలో ముఖేష్‌ కన్నీళ్లు పెట్టుకుంటూ కూతురిని సాగనంపిన దృశ్యం ప్రతీ ఒక్కరిని హత్తుకుంటోంది. కాగా ఇందుకు సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది. అయినా అపర కుబేరుడు అయితేనేం ముఖేష్‌ అంబానీ కూడా ఓ ఆడపిల్ల తండ్రే కదా. ఇన్నాళ్లు అపురూపంగా పెంచుకున్న తన కూతురుని మెట్టింటికి పంపిస్తున్నపుడు ఆమాత్రం ఉద్వేగానికి గురవడం సహజమే. ఈ విషయంలో సగటు భారతీయ తండ్రికి తానేమీ అతీతుడిని కాదని నిరూపించుకున్నారు అంబానీ. ఇక ఈ వీడియో చూసిన నెటిజన్లు... ‘ ఎంత ధనవంతులైనా కుటుంబ సంప్రదాయాలను తూచా తప్పకుండ పాటించిన అంబానీ కుటుంబం చాలా గొప్పది. నిజంగా వధువు తరఫు వారికి ఇది చాలా భావోద్వేగమైన సమయం’ నెటిజన్లు కామెంట్‌ చేస్తున్నారు. View this post on Instagram #ishaambani wedding Budaai video #filmyhaiboss #ambaniwedding #mukeshambani #nitaambani #akashambani #anantambani #video #mumbai #anandpiramal #ishaambaniwedding A post shared by Filmy Hai Boss (@filmyhaiboss) on Dec 27, 2018 at 4:56am PST

ముంబై : ఇషా అంబానీ - ఆనంద్‌ పిరమాల్‌ల వివాహం దేశంలోనే అత్యంత ఖరీదైన వివాహంగా నిలిచింది. భారతదేశ కుబేరుడైన ముఖేష్‌ అంబానీ తన కూతురు పెళ్లి కోసం ఏకంగా రూ. 700 కోట్లు ఖర్చుపెట్టినట్లు సమాచారం. అంగరంగ వైభవంగా జరిగిన ఇషా పెళ్లి వేడుకకు దేశ విదేశాల నుంచి ఎందరో ప్రముఖులు హజరయ్యారు. వారం రోజుల పాటు జరిగిన పెళ్లి తంతు పూర్తయ్యింది. ఇషా - ఆనంద్‌లు నివసింసచేబోయే ఇంటి గురించి ఇప్పుడు చర్చ నడుస్తోంది.  ఇంద్రభవనాన్ని తలపించేలా ఉన్న ఈ సౌధం విస్తీర్ణం దాదాపు 50 వేల చదరపు అడుగులు. దక్షిణ ముంబైలోని వర్లీ ప్రాంతంలో అరేబియా సముద్ర ప్రాంత సమీపంలో ఉంది. ఆనంద్‌ పిరమాల్‌ తల్లిదండ్రులు ఈ ఇంటిని నూతన దంపతులకు కానుకగా ఇస్తున్నారు. ప్రస్తుతం ఈ ఇంటిదగ్గర రిన్నోవేషన్‌ పనులు జరుగుతున్నాయి. దీనితో పోలిస్తే, ముఖేష్‌ అంబానీ ఇళ్లు​ యాంటిలియా దాదాపు 8 రేట్ల పెద్దదిగా ఉంటుంది.

ముంబై: భారతీయ కుబేరుడు ముఖేశ్‌ అంబానీ కూతురు ఇషా అంబానీ, పిరమాల్‌ గ్రూప్‌ చైర్మన్‌ అజయ్‌ పిరమాల్‌ తనయుడు ఆనంద్‌ పిరమాల్‌ వివాహం ఇటీవల ఘనంగా జరిగిన సంగతి తెలిసిందే. అయితే ఈ  జంట వివాహ వేడుకలకు వచ్చిన అతిథులకు బాలీవుడ్‌ తారా గణం కొసరి కొసరి వడ్డించడం హాట్‌ టాపిక్‌గా మారింది. బాలీవుడ్‌ అగ్రతారలు అమితాబ్ బచ్చన్‌, షారుఖ్‌ ఖాన్‌, అమీర్‌ఖాన్‌, అభిషేక్‌ బచ్చన్‌, ఐశ్వర్యరాయ్‌లతో పాటు ఏడేళ్ల ఆరాధ్య కూడా భోజనం వడ్డిస్తూ అతిథులకు మర్యాద చేశారు. అయితే ఇందుకు సంబంధించిన ఫొటోలు, వీడియోలు సోషల్‌ మీడియాలో వైరల్‌గా మారడంతో దీనిపై విపరీతమైన చర్చ జరుగుతుంది. ఇషా పెళ్లికి హాజరైన అతిథులకు బాలీవుడ్‌ తారలు మర్యాదలు చేయడంపై పలువురు నెటిజన్లు సోషల్‌ మీడియా వేదికగా ప్రశ్నల వర్షం కురిపిస్తున్నారు. అయితే తాజాగా దీనిపై అభిషేక్‌ ట్విటర్‌లో స్పందించారు. ‘పెళ్లి వేడుకల్లో అతిథులకు భోజనం వడ్డించే సంప్రదాయాన్ని ‘సజ్జన్‌ ఘోట్’ అంటారు. వధువు తరఫు కుటుంబ సభ్యులు వరుడి తరఫు వారికి భోజనాలు వడ్డిస్తారు’ అని పేర్కొన్నారు. 

సాక్షి, ముంబై : భారతీయ కుబేరుడు ముఖేష్‌ అంబానీ గారాల పట్టి ఇషా అంబానీ- పిరమాల్‌ గ్రూప్‌ వారసుడు ఆనంద్‌ పిరమాల్‌ల వివాహం అంగరంగ వైభవంగా జరిగిన సంగతి తెలిసిందే. బుధవారం రాత్రి ముంబైలోని అంబానీ నివాసం అంటిలియాలో జరిగిన వివాహ వేడుకకు అమెరికా మాజీ విదేశాంగ మంత్రి హిల్లరీ క్లింటన్‌ సహా పలువురు బాలీవుడ్‌ సెలబ్రిటీలు, క్రీడా ప్రముఖులు హాజరై సందడి చేశారు. గుజరాతీ సం‍ప్రదాయం ప్రకారం జరిగిన ఇషా- ఆనంద్‌ల పెళ్లి తంతులో భాగంగా... పెళ్లికుమార్తె ఇషాను ఆమె సోదరులు ఆకాశ్‌, అనంత్‌, అన్‌మోల్‌ తదితరులు ముత్యాలతో అలంకరించిన ఛాదర్‌ పట్టి మండపానికి తీసుకురాగా.... నృత్య కళాకారులతో బారాత్‌ బృందం ముందు వస్తుండగా.. రోల్స్‌ రాయిస్‌ కారులో వరుడు ఆనంద్‌‌, తన  కుటుంబసభ్యులతో కలిసి అంటిలియాకు చేరుకున్నారు. ఆ తర్వాత ఇషా-ఆనంద్‌లు పెళ్లి వేదిక వద్దకు చేరుకోగానే వధువు- వరుడి బంధువుల కోలాహలంతో అక్కడ సందడి నెలకొంది. ఇరువర్గాల ఆనందోత్సహాల మధ్య వారిద్దరు వివాహ బంధంతో ఒక్కటయ్యారు. కాగా కన్యాదానం సమయంలో బిగ్‌బీ అమితాబ్‌ బచ్చన్‌.. మంత్రాలకు సంబంధించిన పరమార్థం చెబుతుండగా... అంబానీ దంపతులు తమ ముద్దుల కూతురిని అల్లుడి చేతిలో పెట్టారు. అయితే ఈ సమయంలో ముఖేష్‌ అంబానీ భావోద్వేగానికి లోనయ్యారని ఆయన సన్నిహితులు పేర్కొన్నారు. అయినా అపర కుబేరుడు అయితేనేం ముఖేష్‌ అంబానీ కూడా ఓ ఆడపిల్ల తండ్రే కదా. ఇన్నాళ్లు అపురూపంగా పెంచుకున్న తన కూతురుని మెట్టింటికి పంపిస్తున్నపుడు ఆమాత్రం ఉద్వేగానికి గురవడం సహజమే. ఈ విషయంలో సగటు భారతీయ తండ్రికి తానేమీ అతీతుడిని కాదని నిరూపించుకున్నారు అంబానీ. View this post on Instagram @amitabhbachchan gave a sentimental speech at the #IshaAmbani's wedding exclusive from @filmyaccess . . . . . . . . . . #Bollywood #bigfatwedding #wedding #celebration #Bollywoodstars #Dance #EthnicLove #happiness #Indianwedding #performance #IshaAmbani #marriage #AnandPiramal #Groom #Bride #Marriage #weddingceremonies #love #couplegoals #lovelycouple #likeforlikeback #LikeForLike A post shared by FILMYACCESS (@filmyaccess) on Dec 12, 2018 at 11:15pm PST View this post on Instagram Here’s a glimpse from the Varmala Ceremony 🌟🌟🌟✨✨✨✨#IshaAmbaniWedding . . . . . . #theshaadico #anantambani #nitaambani #mukeshambani #akashambani #ishaambani #anantambani #shlokamehta #radhikamerchant #kokilabenambani #neetaambani #ambani #reliance #reliancejio #jio #reliancefoundation #dhirubhaiambani #antilia #akustoletheshlo #ambaniwedding #summerwedding#bridetobe#picoftheday#ishakishaadi#bigfatindianwedding#salmankhan#varundhawan#karishmakapoor#kiaraadvani A post shared by The Fashion Rid (@thefashionrid) on Dec 12, 2018 at 8:40pm PST

ముంబై : పెళ్లంటేనే ఆకాశమంత పందిరి - భూదేవంత అరుగు, అతిథులు - ఆర్భటాలు, విందులు - వినోదాలు, సంతోషాలు - సరదాలు. మామూలు పెళ్లిలే ఓ రేంజ్‌లో జరుగుతున్న రోజుల్లో.. ఇక భారతీయ కుబేరుడు ముఖేష్‌ అంబానీ ఇంట పెళ్లి వేడుక అంటే ఎలా ఉంటుందో ఊహించుకోవచ్చు. నీతా - ముఖేష్‌ అంబానీల ముద్దుల తనయ ఇషా అంబానీ, పిరమిల్‌ గ్రూప్‌ వారసుడు ఆనంద్‌ పిరమిల్‌ వివాహ వేడుక అంగరంగ వైభవంగా జరిగింది. దేశంలోని సినీ, రాజకీయ, క్రీడా, వ్యాపార ప్రముఖులు.. విదేశీ అతిథుల మధ్య అత్యంత వైభవంగా మూడు ముళ్ల బంధంతో ఒక్కటయ్యారు ఇషా - ఆనంద్‌లు.  పెళ్లి వేదికయిన ముకేశ్‌ అంబానీ స్వగృహం ‘అంటిలియా’ను దేశ విదేశాల నుంచి తీసుకొచ్చిన పూలు, విద్యుద్దీపాలతో అందంగా అలంకరించారు. అనంతరం పెళ్లికుమార్తె ఈశాను సోదరులు ఆకాశ్‌, అనంత్‌, అన్‌మోల్‌ తదితరులు ముత్యాలతో అలంకరించిన ఛాదర్‌ పట్టి మండపానికి తీసుకువచ్చారు. నృత్య కళాకారులతో బారాత్‌ బృందం ముందు రాగా.. ఆ వెనకనే రోల్స్‌ రాయల్‌ కారులో వరుడు ఆనంద్‌ పిరమాల్‌, తన  కుటుంబసభ్యులతో కలిసి అంటిలియాకు చేరుకున్నారు. అంబానీ సోదరులు ముకేశ్‌, అనిల్‌లు పెళ్లి కొడుకు ఆనంద్‌ పిరమిల్‌ను సాదరంగా ఎదుర్కొని వేదిక వద్దకు తీసుకెళ్లారు. ఆ తర్వాత సంప్రదాయ పద్ధతిలో ఇశా, ఆనంద్‌ల వివాహం జరిగింది. ఈ వివాహ వేడుకకు హిల్లరీ క్లింటన్‌, మాజీ రాష్ట్రపతి ప్రణబ్‌ ముఖర్జీ, అమితాబ్‌ దంపతులు, రజనీకాంత్‌ దంపతులు, ఐశ్వర్య-అభిషేక్‌ బచ్చన్‌, సచిన్‌ - అంజలి, ఆమీర్‌ ఖాన్‌ - కిరణ్‌ రావు, సల్మాన్‌ఖాన్‌, ప్రియాంకా చోప్రా-నిక్‌ జోనాస్‌, అనిల్‌కపూర్‌, సోనమ్‌కపూర్‌, రణ్‌వీర్‌సింగ్‌ - దీపికా పదుకొనే, కరీనాకపూర్‌ - సైఫ్‌, కైరా అద్వానీ తదితరులు హాజరయ్యారు. వీరేకాక ముఖ్యమంత్రులు మమతా బెనర్జీ, చంద్రబాబు నాయుడు, కేంద్ర మంత్రులు హాజరయ్యారు. (ఫొటో గ్యాలరీ కోసం ఇక్కడ క్లిక్ చేయండి)

జైపూర్‌ : భారతీయ కుబేరుడు ముఖేష్‌ అంబానీ గారాల పట్టి ఇషా అంబానీ ప్రీ వెడ్డింగ్‌ వేడుకలతో ఉదయ్‌పూర్‌ కళకళలాడుతోంది. ఇందులో భాగంగా అంబానీ దంపతులు ఇస్తున్న పార్టీకి అమెరికా మాజీ విదేశాంగ మంత్రి హిల్లరీ క్లింటన్‌ సహా పలువురు బాలీవుడ్‌ సెలబ్రిటీలు ఉదయ్‌పూర్‌కు చేరుకుంటున్నారు. దీంతో ఉదయ్‌పూర్‌ ఎయిర్‌పోర్టు వద్ద సందడి నెలకొంది. ప్రియానిక్‌ దంపతులు, ఆమిర్‌ ఖాన్- కిరణ్‌రావు‌, అమితాబ్ బచ్చన్‌ కుటుంబం, సల్మాన్‌ ఖాన్‌, విద్యాబాలన్‌ దంపతులు, బోనీ కపూర్‌, జాన్వీ, ఖుషీ కపూర్‌, వరుణ్‌ ధావన్‌, మాజీ క్రికెటర్‌ జహీర్‌ ఖాన్‌ దంపతులు సహా పలువురు సెలబ్రిటీలు ఇప్పటికే ఉదయ్‌పూర్‌ చేరుకున్నారు. కాగా ఈనెల 12న ఇషా- ఆనంద్‌ పిరమాల్‌ల వివాహం ముంబైలో అంగరంగ వైభవంగా జరుగనున్న సంగతి తెలిసిందే. ఇప్పటికే ఇరు కుటుంబాల్లో పెళ్లి సందడి మొదలైంది. ఈ నేపథ్యంలో శుక్రవారం నుంచే ఉదయ్‌పూర్‌లో సంబరాలు మొదలయ్యాయి. ప్రీ వెడ్డింగ్‌ వేడుకల్లో భాగంగా డిసెంబర్‌ 7 నుంచి డిసెంబరు 10 వరకు నాలుగు రోజుల పాటు నిత్యాన్నదానం నిర్వహిస్తోంది.

అన్నదాత సుఖీభవ, అన్ని దానాల్లోకెల్లా అన్నదానం గొప్పది అనేవి మనం వింటూ ఉంటాం. మనం ఏం పని చేసినా.. జానెడు పొట్ట నిండటం కోసమే కదా. అలా పక్కవారి కడుపునిండా అన్నం పెట్టడంలో ఉండే సంతృప్తి ఎందులోనూ ఉండదు. ఇలాంటి గొప్పకార్యక్రమంతో అంబానీ ఇంట వివాహ మహోత్సవం ఘనంగా మొదలైంది. ఉదయ్‌పూర్‌లో అంబానీ కుటుంబసభ్యులు శుక్రవారం అన్నదాన కార్యక్రమం జరిపించారు. అంబానీ కుటుంబ సభ్యులు ముకేశ్ అంబానీ, నీతా అంబానీ, అజయ్, స్వాతి పిరమాల్, ఇషా, ఆనంద్ పాల్గొని.. 5,100 మందికి ఆహార పదార్ధాలను వడ్డించారు. ఇషా అంబానీ-ఆనంద్‌ పిరమాల్‌ల వివాహం డిసెంబర్ 12న ముంబయిలో ఘనంగా జరగనున్న విషయం తెలిసిందే. ఇప్పటికే ఇరు కుటుంబాల్లో పెళ్లి సందడి నెలకొంది. ఉదయ్‌పూర్ (రాజస్థాన్)లో ఈషా అంబానీ పెళ్లి వేడుకలు ప్రారంభమయ్యాయి. ఈ నేపథ్యంలో శుక్రవారం నుంచే అక్కడ సంబరాలు మొదలయ్యాయి. ఉదయ్‌పూర్ వాసుల ఆశీర్వాదం తీసుకునేందుకు ప్రత్యేక కార్యక్రమాలు చేపట్టింది అంబానీ కుటుంబం. పెళ్లి వేడుకల్లో భాగంగా డిసెంబర్‌ 7 నుంచి డిసెంబరు 10 వరకు నాలుగు రోజుల పాటు నిత్యాన్నదానం చేస్తున్నారు. అందులో దివ్యాంగులే ఎక్కువగా ఉన్నారు. ఇలా నాలుగు రోజులు మూడు పూటలా వారికి భోజనం పెట్టనున్నారు. అన్నదానంతో పాటు భారతీయ వస్తు కళలను ప్రమోట్ చేసేందుకు స్వదేశీ బజార్‌ పేరుతో ఎగ్జిబిషన్ ఏర్పాటు చేస్తోంది. దేశీయ కళా ఉత్పత్తులను అందులో ప్రదర్శిస్తారు. దీని ద్వారా స్థానిక వ్యాపారులకు లాభం చేకూరనుంది. ఈ ఎగ్జిబిషన్‌కు సినీ, రాజకీయ ప్రముఖులు, అంతర్జాతీయ అతిథులు తరలిరానున్నారు. కాగా, డిసెంబరు 8, 9న ఈషా-ఆనంద్ ప్రీవెడ్డింగ్ సెలబ్రేషన్స్ జరగనున్నాయి. డిసెంబరు 12న అంగరంగ వైభవంగా వివాహ వేడుక జరగనుంది. (మరిన్ని ఫొటోల కోసం ఇక్కడ క్లిక్ చేయండి) 

సాక్షి,ముంబై: మరికొద్ది రోజుల్లో వివాహ బంధంలోకి అడుగుపెట్టబోతున్న ప్రముఖ పారిశ్రామిక వేత్త ముకేశ్‌ అంబానీ ముద్దుల తనయ ఇషా అంబానీకి పెళ్లి కళ వచ్చేసింది. ప్రముఖ సెలబ్రిటీ డిజైనర్ సవ్యసాచి ముఖర్జీ డిజైన్ చేసిన సంప్రదాయ లెహంగ దుస్తులు, ఖరీదైన అన్‌కట్‌ సిండికేట్‌ డైమండ్స్‌, జాంబియన్‌ ఎమరాల్డ్స్‌ పొదిగిన నెక్లెస్‌, దానికి జతగా  మ్యాచింగ్‌ చెవి రింగులతో పెళ్లి కళ వచ్చేసిందే బాలా అన్నట్టుగా తళుక్కున మెరిసింది. తాజాగా ఇషా అంబానీ ఈ అందమైన ఫోటోలను ఇన్‌స్టాగ్రామ్‌లో ఆయన పోస్ట్‌ చేశారు. సాంప్రదాయకంగా వధువు నిర్వహించే గృహ శాంతి పూజకోసం ఈ అందమైన లెహంగాను, నెక్లెస్‌ను తయారు చేసినట్టు వెల్లడించారు. మరోవైపు తన కుమార్తె పెళ్లి వేడుక ఎలాంటి ఆటంకాలు లేకుండా నిర్విఘ్నంగా జరగాలని కోరుతూ ఇటీవల తిరుపతి శ్రీవేంకటేశ్వర స్వామిని,  కేరళలోని గురువాయూర్‌ దేవాలయం, రామేశ్వరంలోని రామనాథస్వామి ఆలయాలను దర్శించుకొని విలువైన కానుకలను సమర్పించుకున్నారు బిలియనీర్‌ , రిలయన్స్‌ అధినేత ముకేశ్‌ అంబానీ. కాగా ఇషా అంబానీ, ఆనంద్‌ పిరామల్‌ వివాహం ముహూర్తం డిసెంబర్ 12వ తేదీగా నిర్ణయించారు. వీరి పెళ్లి వేడుకకు ముందు నిర్వహించే పూజా కార్యక్రమాలు, ఇతర వేడుకలు డిసెంబర్‌ 8నుంచి ప్రారంభం కానున్నాయని తెలుస్తోంది. సంప్రదాయ రాజస్థానీ శైలిలో ఉదైపూర్ ఒబెరాయ్ ఉదయ్‌విలాస్‌లో అత్యంత ఘనంగా నిర్వహించనున్నారని భావిస్తున్నారు. కాస్ట్లీ వెడ్డింగ్‌గా చెబుతున్న ఈ కార్పొరేట్‌ దిగ్గజాల వివాహప్రక్రియలో ప్రతీ అంశమూ ప్రత్యేకమే. ముఖ్యంగా ఇటలీలోని లేక్ కామోలో ఒక విలాసవంతమైన విల్లాలో జంట నిశ్చితార్థ కార్యక్రమంతోపాటు,  వీరి వివాహ ఆహ్వాన పత్రికలు కూడా ప్రత్యేక  ఆకర్షణగా నిలిచిన సంగతి తెలిసిందే. View this post on Instagram Isha Ambani @_iiishmagish for her Graha Shanti Pooja in a custom hand-painted, hand-embroidered tilla-work lehenga and antique bandhej dupatta. The outfit is a part of the India Revival Project by Sabyasachi. Her look is accessorised with a necklace and earring set featuring uncut Syndicate diamonds and Zambian emeralds. Jewellery Courtesy: Sabyasachi Heritage Jewelry @sabyasachijewelry Photo Courtesy: Tarun Vishwa #TarunVishwa Styled by: @stylebyami Makeup by: @subbu28 Hair by: @sangeetahairartist . #Sabyasachi #IshaAmbani #SabyasachiJewelry #TheWorldOfSabyasachi A post shared by Sabyasachi Mukherjee (@sabyasachiofficial) on Nov 27, 2018 at 6:38am PST

ముంబై : ముఖేష్‌ అంబానీ, నీతా అంబానీల గారాల పట్టి ఇషా అంబానీ, పిరమాల్‌ గ్రూప్‌ వారసుడు ఆనంద్‌ పిరమాల్‌ వివాహం డిసెంబర్‌ 12న ముంబయ్‌లో జరునున్న సంగతి తెలిసిందే. వీరి ఎంగేజ్‌మెంట్‌ ఇటలీ లేక్‌ కోమోలో ఇటీవలే అట్టహాసంగా జరిగింది. బాలీవుడ్‌ తారాగణమంతా ఈ వేడుకకు హాజరై సందడి చేశారు. మరో నెల రోజుల్లో ఒక్కటి కాబోతున్న ఇషా, ఆనంద్‌ల పెళ్లికి సంబంధించిన ప్రతి చిన్న విషయం ఇప్పుడు సోషల్‌ మీడియాలో వైరల్‌ అవుతోంది. అత్యంత రిచ్‌గా రూపొందిన వీరి వెడ్డింగ్‌ కార్డు అందర్నీ ఔరా అనిపించగా.. తాజాగా.. ఈ సంపన్నుల పెళ్లి వేడుకకు సంబంధించి మరో విషయం వైరల్‌ అయింది. (ఇషా అంబానీ గ్రాండ్‌ వెడ్డింగ్‌కార్డు.. వైరల్‌) 2012లోనే కొనుగోలు వివాహానంతం ఇషా, ఆనంద్‌ 50 వేల అడుగుల విస్తీర్ణం గల ‘గులితా’ అనే భారీ బంగ్లాలో కాపురం ఉండబోతున్నారని సమాచారం. అరేబియన్‌ సముద్రం ఒడ్డున గల ఈ ‘గులితా’ బిల్డింగ్‌ హిందుస్థాన్‌ యునిలివర్‌ అధీనంలో ఉండగా.. రూ.450 కోట్లు పెట్టి పిరమాల్‌ సంస్థ 2012లో కొనుగోలు చేసింది. ఆనంద్‌కు వెడ్డింగ్‌ గిఫ్ట్‌గా అతని తల్లి దండ్రులు స్వాతి, అజయ్‌ పిరమాల్‌ ఈ ఖరీదైన భవనాన్ని కొనిపెట్టారట. ఇక బ్రిటీష్‌ రాయల్ ఫ్యామిలీ నివాసముండే బకింగ్‌హామ్‌లోని ప్యాలెస్‌ ప్రపంచంలోనే అత్యంత ఖరీదైన నివాసం. కాగా, భారత కుబేరుడు ముఖేష్‌ అంబానీ ‘అంటిల్లా’ ప్రపంచంలోనే రెండో ఖరీదైన ఇల్లుగా గుర్తింపు పొందిన విషయం విదితమే. ‘అంటిల్లా’నిర్మాణ వ్యయం 14 వేల కోట్లు.

వివాహ ఆహ్వాన పత్రికలను వినూత్నంగా తయారు చేయించడం ఇప్పుడు ట్రెండ్‌గా మారింది. తమ సంపదను చాటుకోవడానికి, తమ గొప్పతనాన్ని నలుగురి ముందు ప్రదర్శించడానికి శుభలేఖలను గ్రాండ్‌గా రూపొందించడం తెలిసిందే. ఇటీవల ప్రముఖ వ్యాపారవేత్త ముకేష్‌ అంబానీ, నీతా అంబానీల తనయుడు ఆకాశ్‌ అంబానీ నిశ్చితార్థం వేడుక సందర్భంగా అత్యంత గ్రాండ్‌గా రూపొందించిన ఆహ్వాన పత్రిక వైరల్‌ అయిన సంగతి తెలిసిందే. తాజాగా అంబానీ ఇంట మరో శుభకార్యం జరగబోతోంది. ముకేశ్‌, నీతాల కూతురు ఈషా అంబానీ, ఆనంద్‌ పిరమిల్‌ను పెళ్లి చేసుకోబోతున్నారు. అత్యంత రిచ్‌గా రూపొందిన వీరి వెడ్డింగ్‌ కార్డు ఇప్పుడు ఇంటర్నెట్‌ను ఊపేస్తోంది. అత్యంత అట్టహాసంగా భారీ వ్యయంతో రూపొందిన ఈ శుభలేఖను చూసి నెటిజన్లు ఆశ్చర్యపోతున్నారు. వెడ్డింగ్‌ కార్డు విశేషాలు.. రిచ్‌ లుక్‌తో అందంగా అలంకరించిన ఓ బాక్స్‌ రూపంలో ఉన్న వీరి వెడ్డింగ్‌ కార్డు వీడియో ఇప్పుడు ఇంటర్నెట్‌లో వైరల్‌ అవుతోంది. బాక్స్‌పైన ఇషా, ఆనంద్‌ పేర్లలోని మొదటి ఆంగ్ల అక్షరాలు ఉబ్బెత్తుగా ముద్రించారు. బాక్స్‌లో వధువరూల వివరాలు, వివాహ ముహూర్తంతోపాటు.. అందులోని పలు బాక్స్‌ల్లో కానుకలు ఉన్నాయి.  డైరీ రూపంలో ఉన్న పేజీల్లో దేవతల ఫోటోలతోపాటు విలువైన గాజులు కూడా ఇందులో ఉన్నాయి.

సాక్షి, ముంబై: రిలయన్స్‌ అధినేత ముకేశ్‌ అంబానీ, నీతాల ముద్దుల తనయ ఇషా అంబానీల రాయల్‌ వెడ్డింగ్‌ వేడుక అంశం మరోసారి వార్తల్లోకొచ్చింది.  త్వరలోనే అంగరంగ వైభవంగా జరగనున్న ఇషా, ఆనంద్ పిరామల్‌ (ప్రముఖ రియల్ ఎస్టేట్ కంపెనీ  పిరామల్ ఇండస్ట్రీస్ చైర్మన్ అజయ్ పిరామల్‌  తనయుడు) మూడుముళ్ల సంబరానికి శుభముహూర‍్తం దగ్గరపడుతోంది.   అత్యంతఘనంగా నిశ్చాతార్థ కార్యక్రమాన్ని పూర్తి చేసుకున్న వీరి వివాహ ఈ వేడుక కోసం  దేశీయ మీడియాతోపాటు  అంతర్జాతీయ మీడియాకూడా ఆసక్తిగా ఎదురు చూస్తోంది. ఈ నేపథ్యంలో  వీరి పెళ్లి శుభలేఖకు సంబంధించిన వీడియో ఒకటి నెట్‌ లో చక్కర్లు కొడుతోంది.  కార్పొరేట్‌ కుటుంబాలకు తగినట్టుగా నాలుగు చిన్న బంగారు బాక్సుల్లో, అందంగా అమర్చిన అమ్మవారి చిత్రంతో రూపుదిద్దుకున్న ఈ గోల్డెన్‌ కార్డు ఆహ్వానితులను ఆకట్టుకోనుంది. కాగా డిసెంబర్10న పెళ్లి పీటలెక్కనున్న ఇషా అంబానీ-ఆనంద్ పిరమల్ వివాహ వేడుకుకు సంబంధించి ఇప్పటికే పలు వార్తలు నెటిజనులను  ఆకట్టుకుంటున్నాయి. ముఖ్యంగా డిసెంబర్‌ 8, 9 తేదీల్లో రెండు రోజులపాటు నిర్వహించనున్న సంగీత్ కార్యక్రమంలో ప్రముఖ ఇంటర్నేషనల్ పాప్ స్టార్ బియాన్సే  ప్రదర్శన ఇవ్వనున్నారనీ, ఇందుకు ఆమెకు భారీగానే ( రూ.15 కోట్లు)  పారితోషికం ఆఫర్‌ చేశారట.  ఈ లవ్‌బర్డ్స్‌  నిశ్చితార్థ కార్యక్రమాన్ని  గత నెలలో  ఇటలీలో అధికారికంగా పూర్తి చేసుకున్న సంగతి తెలిసిందే. ईशा अंबानी-आनंद पीरामल की शाही शादी का कार्ड, खुलते ही होंगे इस देवी के दर्शन#IshaAmbani #Ambani #IshaAnandambani #WeddingInvite pic.twitter.com/CbCVR56djW — Whats In The News (@_whatsinthenews) November 5, 2018

సాక్షి, ముంబై: రిలయన్స్‌ అధినేత ముకేశ్‌ అంబానీ, నీతాల ముద్దుల తనయ ఇషా అంబానీ వివాహం వేడుక అంశం మరోసారి వార్తల్లో కిచ్చింది. త్వరలోనే అంగరంగ వైభవంగా జరగనున్న ఇషా, ఆనంద్ పిరామల్‌ (ప్రముఖ రియల్ ఎస్టేట్ కంపెనీ  పిరామల్ ఇండస్ట్రీస్ చైర్మన్ అజయ్ పిరామల్ తనయుడు)మూడుముళ్ల సంబరానికి ముందస్తు కార్యక్రమాలను ఘనంగా నిర్వహించేందుకు  ఈ కార్పొరేట్‌ కుటుంబాలు ప్లాన్‌ చేశాయి. పెళ్లిలో ప్రధాన ఘట్టమైన సంగీత్‌ ను స్పెషల్‌ ఎట్రాక్షన్‌తో చాలా గ్రాండ్‌గా సెలబ్రేట్‌  చేయనున్నాయని మీడియాలో పలు అంచనాలు గుప్పుమన్నాయి. డిసెంబర్‌ 8, 9 తేదీల్లో రెండు రోజులపాటు నిర్వహించనున్న సంగీత్ కార్యక్రమానికి ప్రముఖ పాప్‌ సింగర్‌ ప్రదర్శన ఇవ్వనున్నారట. అంతేకాదు ఇందుకు ఆమె భారీగా పారితోషికాన్ని కూడా ఆఫర్‌  చేసినట్టు తెలుస్తోంది. ఈ ప్రీ రాయల్‌ వెడ్డింగ్‌  బాష్‌ను ఉదయపూర్‌లో ప్లాన్‌ చేశారట.  ప్రముఖ ఇంటర్నేషనల్ పాప్ స్టార్ బియాన్సే ఈ సంగీత్‌ కార్యక్రమంలో తన  ప్రదర్శనతో హల్‌ చల్‌ చేయనున్నారనే ప్రచారం  జోరుగా  సాగుతోంది. ఇందుకోసం ఆమెకు రూ.15 కోట్లు  పారితోషికం ఆఫర్‌ చేశారని తెలుస్తోంది. కాగా డిసెంబర్10న ముంబైలో వీరు పెళ్లి పీటలెక్కనున్నారట.  ఈ లవ్‌బర్డ్స్‌  నిశ్చితార్థ కార్యక్రమాన్ని  గత నెలలో  ఇటలీలో అధికారికంగా పూర్తి చేసుకున్న సంగతి తెలిసిందే. మరోవైపు  అక్టోబర్‌ 23 ఇషా అంబానీ 27వ పుట్టిన రోజు. 

రిలయన్స్‌ అధినేత ముఖేష్‌ అంబానీ, నీతా అంబానీల గారాల పట్టి ఇషా అంబానీ ఎంగేజ్‌మెంట్‌ పిరమాల్‌ గ్రూప్‌ వారసుడు ఆనంద్‌ పిరమాల్‌తో ఇటలీలోని లేక్ కొమో వద్ద ఆదివానం అంగరంగ వైభవంగా జరిగింది. ఈ సందర్భంగా భరత్‌ అనే నేను ఫేం కియారా అద్వాని తన బెస్ట్‌ ఫ్రెండ్‌ ఇషాకు శుభాకాంక్షలు తెలుపుతూ అద్భుతమైన ఫోటోలను పోస్ట్‌ చేశారు. దాంతో పాటు ‘ప్రతి ఒక్కరి జీవితంలో కొందరు ప్రత్యేకమైన వ్యక్తులు ఉంటారు. వారు మనతో పాటు పెరుగుతూ మన జీవితాంతం కలిసి ఉంటారు. ఇషు.. నేను నిన్ను తొలిసారి కలిసినప్పుడు నువ్వు ఎంత వినయంగా ఉన్నావో ఇప్పటికి అలానే ఉంటూ అంతే శ్రద్దగా నన్ను చూసుకోవడం నిజంగా అద్భుతం. మన బాల్యాన్ని ఎన్నటికి మరవను.. ఇషా అంబానీ, ఆనంద్‌ పిరమాల్‌కు అభినందనలు ప్రేమతో నీ అలియూ’ అనే సందేశాన్ని పోస్టు చేశారు. View this post on Instagram There are some special people who are a part of your life and you grow up with. My oldest friend, still as caring, as humble and as amazing as you were when we first met! My to be bridey, Ishu never ever let the child in you grow up❤️ forever your Aliu 👯‍♂️ Congratulations @_iiishmagish @anandpiramal 💍🎉Comofomo🙃 A post shared by KIARA (@kiaraaliaadvani) on Sep 22, 2018 at 9:49pm PDT రిలయన్స్‌ అధినేత గారాల పట్టి ఇషా అంబానీ ఎంగేజ్‌మెంట్‌ పిరమాల్‌ వారసుడు ఆనంద్‌ పిరమాల్‌ జరిగింది. నిశ్చితార్థం వేడుకలో ఇషా పీచ్‌ కలర్‌ డిజైనర్‌ గౌన్‌లో మెరిసిపోగా ఆనంద్‌ పిరమాల్‌ గ్రీన్‌ కలర్‌ షేర్వానీలో వెలిగిపోయారు. మూడు రోజుల పాటు నిర్వహించిన ఈ వేడుకకు సోనమ్‌ కపూర్‌ దంపతులు, ప్రియాంక చోప్రా - నిక్‌ జోనాస్‌, జాన్వీ కపూర్‌, ఖుషీ కపూర్‌, కరణ్‌ జోహర్‌, మనీష్‌ మల్హోత్ర వంటి బాలీవుడ్‌ ప్రముఖలు హాజరయ్యారు.

రిలయన్స్‌ అధినేత ముఖేష్‌ అంబానీ, నీతా అంబానీల గారాల పట్టి ఇషా అంబానీ ఎంగేజ్‌మెంట్‌ పిరమాల్‌ గ్రూప్‌ వారసుడు ఆనంద్‌ పిరమాల్‌తో నేడు ఇటలీలో అంగరంగ వైభవంగా జరగబోతుంది. ఇటలీ ఉత్తర ప్రాంతంలోని ఆల్ఫ్స్ పర్వత ప్రాంతాల్లో ఉన్న లేక్ కొమో వద్ద వీరి నిశ్చితార్థం గ్రాండ్‌గా జరగనుంది. వీరి ఎంగేజ్‌మెంట్ కోసం అతిరథ మహారథులు, బాలీవుడ్‌ తారాగణం తరలి వెళ్తోంది. ఇప్పటికే ప్రియాంక చోప్రా, ఆమె కాబోయే భర్త నిక్ జోనస్ ఇటలీకి చేరుకున్నారు. వీరితోపాటు డిజైనర్ మనీష్ మల్హోత్రా కూడా ఇషా ఎంగేజ్‌మెంట్ కోసం లేక్ కొమో వెళ్లారు. శ్రీదేవీ ముద్దు బిడ్డ, ధడక్‌ సినిమా హీరోయిన్‌ జాన్వీ కపూర్‌  కూడా ఈ గ్రాండ్‌ వేడుకకు హాజరయ్యేందుకు ఇటలీకి పయనమయ్యారు. శ్రీదేవి చిన్న కూతురు ఖుషీ ఇప్పటికే అక్కడికి వెళ్లారు. శుక్రవారమే మిలాన్‌ ఫ్యాషన్‌ వీక్‌ నుంచి వచ్చిన సోనమ్‌ కపూర్‌ కూడా ఈ వేడుకలో పాలుపంచుకోనున్నారు. సోనమ్‌ తండ్రి కూడా ఈ వేడుకలో సందడి చేయబోతున్నారు. బాలీవుడ్‌ దర్శకుడు కరణ్ జోహార్ కూడా ఇటలీకి చేరుకున్నారు. మూడు రోజుల పాటు... ఈ వీకెంట్‌ అంతా ఓ పండుగలా ఇషా, ఆనంద్‌ల ఎంగేజ్‌మెంట్‌ను అంబానీ ఫ్యామిలీ నిర్వహిస్తోంది. సెప్టెంబర్‌ 21 నుంచి మొదలైన ఎంగేజ్‌మెంట్‌ వేడుకలు, రేపటి వరకు జరగనున్నాయి. హలీవుడ్‌ సెలబ్రిటీలకు లేక్‌ కోమో ఎంతో ఇష్టమైన ప్రదేశం. అక్కడే గ్రాండ్‌గా అతిథులకు అంబానీ పార్టీ ఇవ్వబోతున్నారు. డిసెంబర్‌లో ఇషా-ఆనంద్ వివాహం జరగనుంది. ఈ ఏడాది మే నెలలో ఆనంద్ ఇషాకు ప్రపోజ్ చేసిన ఫొటోలు బయటకు రావడం.. ఆ తర్వాత వారి పెళ్లికి ఇరు కుటుంబాలు అంగీకరించి లంచ్ పార్టీలు ఇవ్వడం జరిగాయి. ఇషా-ఆనంద్‌ నిశ్చితార్థం జరగనున్న లేక్ కొమో ఉత్తర ఇటలీలోని లాంబార్డీ ప్రాంతంలో ఉంది. అందమైన బీచ్‌లు, చూపుతిప్పుకోనివ్వని ప్రకృతి అందాలకు ఈ ప్రాంతం పెట్టింది పేరు. పురాతన చర్చిలు, ఫెర్రీలు, పర్యాటకుల కోసం ప్రత్యేకంగా రూపొందించిన పడవలు.. ఇలా ఇక్కడ బోలెడు ఆకర్షణలున్నాయి. 

భారతీయ కుబేరుడు, రిలయన్స్‌ ఇండస్ట్రీస్‌ అధినేత ముఖేశ్‌ అంబానీ గారాల పట్టి ఇషా అంబానీ వివాహం.. పిరమాల్‌ గ్రూప్‌ చైర్మన్‌ అజయ్‌ పిరమాల్‌ తనయుడు ఆనంద్‌ పిరమాల్‌ తో జరుగనున్న విషయం తెలిసిందే. ఈ ఏడాది ప్రారంభంలో మహాబలేశ్వర్‌లోని గుడిలో ఆనంద్‌ ఇషాకు ప్రపోజ్‌ చేశాడు. వీరివురి ప్రేమకు ఇరు కుటుంబాల నుంచి గ్రీన్‌ సిగ్నల్‌ వచ్చింది. దీంతో రెండు కుటుంబాలు కలిసి మే నెలలో ఓ ప్రైవేట్‌ పార్టీ నిర్వహించి ప్రేమజంటను ఆశీర్వదించారు. కాగా ప్రస్తుతం వీరిద్దరి ఎంగేజ్‌మెంట్‌ను సంప్రదాయబద్ధంగా నిర్వహించేందుకు ఏర్పాట్లు చేస్తున్నారు. వేదిక ఎక్కడంటే.. జాతీయ మీడియా కథనం ప్రకారం.. ఇషా, ఆనంద్‌ల ఎంగేజ్‌మెంట్‌కు ఇటలీలోని ‘లేక్‌ కోమో’  వేదిక కానుంది. హాలీవుడ్‌ సెలబ్రిటీల ఫేవరెట్‌ ప్లేస్‌, అత్యంత ఖరీదైన హాలీడే స్పాట్‌ లేక్ కోమోలో.. సెప్టెంబరు 21 నుంచి 23 వరకు మూడు రోజుల పాటు నిశ్చితార్థ వేడుకలు అట్టహాసంగా జరుగనున్నాయి. ఇందులో భాగంగా శుక్రవారం అతిథులకు అంబానీ దంపతులు లావిష్‌ లంచ్‌, డిన్నర్‌ ఏర్పాటు చేయనున్నారు. ఇక ఆరోజు సాయంత్రం నుంచి లేక్‌ కోమోలోని విల్లా బల్బియానోలో నిశ్చితార్థ కార్యక్రమాలు ప్రారంభం కానున్నాయి. ఇక రెండో రోజు సంగీత్‌, డిన్నర్‌లతో ముగియనుంది. ఆదివారం లంచ్‌తో అతిథులకు వీడ్కోలు పలుకనున్నారు. మూడు రోజుల పాటు..కార్యక్రమాలు- డ్రెస్‌కోడ్‌ మొదటి రోజు : లంచ్‌- బెనవెంటో కోమో(కోమోకి స్వాగతం) డ్రెస్‌కోడ్‌- క్యాజువల్‌ చిక్‌, డిన్నర్‌- అమోర్‌ ఈ బెల్లోజా (లవ్‌ అండ్‌ బ్యూటీ) డ్రెస్‌కోడ్‌- ఇండియన్‌ ఫార్మల్స్‌ విత్‌ బ్లాక్‌ టై. రెండోరోజు : లంచ్‌- ఫీరా బెల్లా ఇటాలియా(బ్యూటిఫుల్‌ ఫేర్‌ ఇటలీ), డ్రెస్‌కోడ్‌- కోమో చిక్‌, సంగీత్‌- ట్రూలీ ఇటాలియన్‌ డ్రెస్‌కోడ్‌- కాక్‌టేల్‌ అట్టైర్‌ మూడోరోజు : లంచ్‌- గుడ్‌బై కోమో, డ్రెస్‌కోడ్‌- క్యాజువల్‌ డ్రెస్‌ కోడ్‌